Jeremiya 37:3 - Bhibhiliya Nya Guage

³ Khu guralo, mufumeli Zedhekiya, a di rumela Jukali, mwamana wa Selemiya, muphasi nya mhamba Sofoniya, mwamana wa Mahaseya, ga muprofeti Jeremiya va ya mu embela, khavo: “Lombelela khu ethu ga Pfhumu Nungungulu wathu.”

Jeremiya 37:3 Iomraidhean Croise

1 Dzipfhumu 13:6

Khavbo avbo, mufumeli a di embela muthu wa Nungungulu, khuye: “Lombelela mbeli ga Pfhumu Nungungulu wago, u lombelela khu eni, gasi libogo langu li tshulega.” Muthu wa Nungungulu a di mu lombelela ga Pfhumu Nungungulu, libogo la mufumeli li di hawuluga li khalega kha nga gale.

Ekisodha 10:17

Olu girani wuhindzi mu nyi tsetselela giwono gyangu gikhati gegi basi, ni gu mu lombelela ga Pfhumu Nungungulu wanu, gukhenu a vbindrisele hwindzo gwangu tungu wowu nya guthise.

Ekisodha 8:28

Khavbo avbo, Faro a di ganela, khuye: “Eni nyi na mi tshula mu hongola, gasi mu ya ningela dzimhamba nya miphaso ga Pfhumu Nungungulu wanu giwulani; aholu, mu nga hongolini hwindzo ngudzu. Nyi lombeleleni neni!”

Ekisodha 8:8

Faro a di rana Mosi ni Aroni a va embela, khuye: “Lombelelani ga Pfhumu Nungungulu gasi a duse vanyakhele avbo gwangu ni ga vathu vangu, eni nyi na tshula vathu va duga gasi va ya ningela miphaso nya dzimhamba ga Pfhumu Nungungulu.”

Ekisodha 9:28

Lombelelani ga Pfhumu Nungungulu, kholu hi garade, gasi gu si manegi gambe mabara ni maralala nya guthise ngudzu. Eni nyi na mi tshulani mu hongola nyamba himbedzedwa khu gilo.”

Jeremiya 15:11

Pfhumu Nungungulu a di ganela, khuye: “Khu lisine eni nyi na gu tiyisa nyi bwelo khavbo nyi gu kategisa, gikhatini nya mhango ni gusaniseka, nyi na gira ya valala vago vata khidzima migondroni gwago.”

Jeremiya 2:27

Avo va manago simbo, khavo: “Uwe khuwe melegi wangu; mu embela giwindri, khenu: Uwe khuwe u nga hi gira; kholu mu di nyi pfhurarela mu si nyi khedzi; aholu khu gikhati nya wuvi mu ngu nyi alakanya, khenu: Khuga u eme u hi vbanyise.”

Jeremiya 29:21

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati khu kotani ya Akabi, mwamana wa Kolaya, ni Zedhekiya, mwamana wa Maseya, khuye: Vathu vovo va dzi girago vaprofeti va ganela malipha khu lina langu; nyi na va ningela mandzani ga Nabhukodhonosori, mufumeli wa Bhabhiloni, a va songa na mu gu va wona.

Jeremiya 29:25

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Kha nga olu u rumedego lidangalila khu lina lago, ga vathu vatshavbo va guromo Jerusalema, ni ga Sofoniya, mwamana wa muphasi nya mhamba Maseya, ni ga vatshavbo vaphasi nya mhamba, khuwe:

Jeremiya 37:17

Khu hwane, mufumeli Zedhekiya, a di rumela guya mu dusa gasi guta mu wudzisa khu gisihaledza, nari khu nyumbani gwaye nya wufumu, a mu wudzisa, khuye: “U na ni mahungu ya Pfhumu Nungungulu, gani?” Jeremiya a di hakha, khuye: “Ina momo.” A mu embela gambe, khuye: “Uwe u na ningedwa mandzani ga mufumeli wa Bhabhiloni.”

Jeremiya 37:7

Pfhumu Nungungulu wa Israyeli, a ngu ganela kharati, khuye: Embela mufumeli wa Judha gumogo ni vathu a va rumedego guta nyi wudzisa, khuwe: Masotshwa ya Faro ma nga bani ma guta, guta mi phasedzelani, ma na bwelela tigoni gwawe ga Egipito.

Jeremiya 38:1

Avbo Sefatiya, mwamana wa Matani, Gedhaliya, mwamana wa Pasuri, Jukali, Mwamana wa Selemiya, ni Pasuri, mwamana wa Malikiya, va ngapwago magana Jeremiya a nga bani na gu huwelela ga vathu vatshavbo, khuye:

Jeremiya 42:1

Khu guralo, vagimbidzisi vatshavbo nya nyimbi, Jowanani, mwamana wa Kareya, Jezaniya, mwamana wa Hosaya, ni vathu vatshavbo va tigoni; gukhugela vakhongolo ni avo nya vadugwana,

Jeremiya 42:20

Kholu mu dzi girede mwabune libango khu gu nyi rumani nyi mu lombelela ga Pfhumu Nungungulu wathu, khenu: Satshavbo a na gu hi rumago hi embele, hi na si gira.

Jeremiya 52:24

Muthangeli nya vaemeledzi, khu hwane nya isoso a di mola nuye Seraya, muphasi nya khongolo nya mhamba ni Sofoniya gyandza gyaye gumogo ni vasayisi vararu nya myanya.

Mitengo 21:7

Khavbo avbo, avo va nga tshalago va di hongola ga Mosi va ya mu embela, khavo: “Hi ghohide khu guyeyisa Pfhumu Nungungulu ni uwe. Hi lombelele ga Pfhumu Nungungulu gasi a ndreyisela hwindzo ni ethu dzinyoga dzedzi.” Mosi a di lombelela khu vathu.

Mithumo 8:24

Simoni a di hakha, khuye: “Nyi lombeleleni enu ga Pfhumu gasi si si nyi dugeleli esi mu ngarigu gu ganela.”

1 Samuweli 12:19

Vathu vatshavbo va di embela Samuweli, khavo: “Lombelela khu ethu sithumi sago ga Pfhumu Nungungulu wago; gasi hi sifi, kholu hi engedzedego sighoho sathu ni wuvivbi wathu, khu gu lomba mufumeli.”