Jeremiya 37:17 - Bhibhiliya Nya Guage

¹⁷ Khu hwane, mufumeli Zedhekiya, a di rumela guya mu dusa gasi guta mu wudzisa khu gisihaledza, nari khu nyumbani gwaye nya wufumu, a mu wudzisa, khuye: “U na ni mahungu ya Pfhumu Nungungulu, gani?” Jeremiya a di hakha, khuye: “Ina momo.” A mu embela gambe, khuye: “Uwe u na ningedwa mandzani ga mufumeli wa Bhabhiloni.”

Jeremiya 37:17 Iomraidhean Croise

1 Dzipfhumu 22:15

Avbo uye a nga vbohago, mufumeli a di mu wudzisa, khuye: “Mikeya, ina hi ngu yela guya dwanisa lidhoropa la Ramoti-Gileyadhi, mwendro kha si kodzegi, gani?” Muprofeti a di mu embela, khuye: “Gwela, kholu Pfhumu Nungungulu a na li ningela mandzani ga mufumeli.”

1 Dzipfhumu 22:16

Mufumeli a di mu embela, khuye: “Kala lini na nyi gu gu sambanyisa gukheni, u nga ganeli simbe silo vbavbandze nya lisine khu lina la Pfhumu Nungungulu, na?”

2 Dzipfhumu 25:7

Sanana sa Zedhekiya, si di pidwa migolo mbeli ga babe wawe, Zedhekiya va di mu rumbula maho, va mu hunga khu makhetshe nya sugu va mu yisa Bhabhiloni.

Jeremiya 15:11

Pfhumu Nungungulu a di ganela, khuye: “Khu lisine eni nyi na gu tiyisa nyi bwelo khavbo nyi gu kategisa, gikhatini nya mhango ni gusaniseka, nyi na gira ya valala vago vata khidzima migondroni gwago.”

Jeremiya 21:7

“Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 24:8

Gufanana ni dzindzawa nyamba yela gu hodzwa, khu kotani nya guvave nya idzo, a ngu ganela Pfhumu Nungungulu; kharato nugo, nyi na ningela Zedhekiya, mufumeli wa Judha, ni dzindruna dzaye ni vathu va Jerusalema, avo va nga tshalago tigoni momu, ni vale va nga ya vbanyago tigoni ga Egipito.

Jeremiya 25:35

Vahavisi va na hamuga ni ndzila nya gupfowole khiyo, ni vamune mitshambi kha va na vbuluga.

Jeremiya 37:3

Khu guralo, mufumeli Zedhekiya, a di rumela Jukali, mwamana wa Selemiya, muphasi nya mhamba Sofoniya, mwamana wa Mahaseya, ga muprofeti Jeremiya va ya mu embela, khavo: “Lombelela khu ethu ga Pfhumu Nungungulu wathu.”

Jeremiya 38:5

Mufumeli Zedhekiya a di ganela, khuye: “Khu yoyo, womo mandzani gwanu; kholu eni gimwalo gihimbedzo nyi dzi kodzago gu mi girela.”

Jeremiya 52:8

Aholu masotshwa nya Vakalidhiya ma di va lundra khu hwane va ya va mana mapanini ga Jeriko. Khavbo avbo, masotshwa ya Zedhekiya, ma di phalalega ma mu tshiya ekha.

Ezekiyeli 7:26

Yi nata tshanisa vbatshani nya tshanisa, guta hwanga vbatshani nya hwanga, va vbweta giwoniso khu ga muprofeti ni gihevbudzo nya Nayo khu ga muphasi nya mhamba, va na gi hamuga, ni madhota ma na hamuga wusingalagadzi.

Mitengo 23:17

Uye a di bwelela aya mana Bhalaki na nga emide vbafuvbi ni phaso waye nya guvbiswe, uye gumogo ni vathangeli va Mowabhi. Bhalaki a di mu wudzisa, khuye: “Ginani a ganedego Pfhumu Nungungulu?”

Marko 6:20

Kholu Herodhi a diri ni githawo ga Johane khu gu muti khuye muthu nya ndruda a agidego, a di mu vhikela. Uye, khu gu mupwa basi na gu ganela a di hambanega mapimo, aholu, a di mu yingisa khu gunengela.