Jeremiya 37:15 - Bhibhiliya Nya Guage

¹⁵ Manganagana ma di tala khu giviti khu Jeremiya, va di mu veta, va mu khothela pasoni, nyumbani ga mulovi Jonatane, va nga bani va yi vbindrugedzide yi khala lipaso.

Jeremiya 37:15 Iomraidhean Croise

Genesi 39:20

Mune wa Josefa a di ruma gu a modwa a khothedwa pasoni, umo si nga bani si khothedwe sibotshwa sa mufumeli. Uye a di khala pasoni.

2 Dzikoronika 16:10

Khavbo avbo, Asa a di tala khu likhulo a wugela muwoni nya siwoniso, a mu dzega a mu tela pasoni; kholu uye a di goroswa ngudzu khuye; khu gikhati gyogyo gya gimwegyo, Asa a di tshanisa gambe ni vambe vathu.”

2 Dzikoronika 18:26

Mu na mu embela, khenu: Mufumeli a ngu ganela, khuye: Thelani mwama yoyu nyumbani nya lipaso, mu mu hodzisa guhodza ni mati nya tshikwi, kala eni nyi wuya khu gurula.”

Jeremiya 18:23

“Gasi uwe Pfhumu Nungungulu, u ngu mati gwadi makungo yawe va vbwetago gu nyi songa khayo; u nga va divaleli gighoho gegi, ni milandru yawe yi nga khali hwindzo ni maho yago; aholu va na tshunganele mbeli gwago; va girele isoso litshiguni nya likhulo lago.”

Jeremiya 26:16

Khavbo avbo, manganagana ni vathu vatshavbo, gumogo ni vaphasi nya mhamba ni vaprofeti va di ganela, khavo: “Muthu yoyu mwalo nandru nya guyele gu songwa, ganede ga ethu, khu lina la Pfhumu Nungungulu wathu.”

Jeremiya 32:2

Khu gikhati gyogyo Jerusalema gu di randredwe khu masotshwa ya Bhabhiloni; muprofeti Jeremiya a di khothedwe likupakupani nya nyumba ya mufumeli wa Judha.

Jeremiya 37:20

Gasi olu, uwe mufumeli, mune wangu, nyi ngu lomba upwa gulila gwangu nyi gukheni: U nga nyi digi nyi bwelela ndrangani ga Jonatane gasi nyi si yi fela iyoyo.”

Jeremiya 37:4

Khu gikhati gyogyo, Jeremiya a di gu gimbilagimbila vbakari nya vathu, kholu a di si gu khothedwi.

Jeremiya 38:26

Khu guralo, u na va embela, khuwe: Nyi di lomba ga mufumeli gukheni a si nyi bweledzi ndrangani ga Jonatane kholu nyi nga yafa.

Jeremiya 38:6

Khavbo avbo, va di dzega Jeremiya va mu rinya namboni wa Malakiya, mwamana wa mufumeli, wu nga bani wu romo mu likupakupani nya dzighadhi; va reledza Jeremiya khu dzingodzi; aholu namboni gu diri mwalo mati, vbavbandze nya maraga basi, Jeremiya a diya bhwabhwamela maragani.

Jeremiya 39:15

Jeremiya, na ngari pasoni nya likupakupa nya dzighadhi, Pfhumu Nungungulu a di mu rumede magana yaya, khuye:

Matewu 21:35

Aholu valimi va di wugela sithumi sile: Va gu veta gimwegyo, va songa gimbe, va pfara gimbe khu siwindri:

Matewu 23:34

Khu kharato, nyi ngu mi rumelani vaprofeti, va nya guti ni vahevbudzi. Vambe mu na va songa, vambe mu va khokhothela; gasi vambe mu na va kwamula umo nya dzinyumba nya milombelo ni gu va tutumisani madhoropani gwanu gwatshavbo,

Luka 22:64

Va di mu tshika maho na va mu wudzisa, khavo: “Nga tumba! Khu mani a nga gu veta?”

Johane 18:22

Na ganede esi, moyo nya ndruna a nga bani a romo vbale, a di mu veta khu pama, khuye: “Khidzo kharati u hakhago khidzo khongolo nya vaphasi nya mhamba, gani?”

Mithumo 5:18

va mola vapostoli va gu va thela pasoni.

Mithumo 5:28

“Ethu hi mi himbedzedeni khu tshivba guhevbudza khu lina lolo, aholu enu mu tadzile Jerusalema khu sihevbudzo sanu, gambe mwa guvbweta gu hi ninga nandru khu gufa nya muthu yoyu.”

Mithumo 5:40

Na va ranide vapostoli va di va kwamula va gu va laya gumba ganela gambe khu lina la Jesu. Khavbo avbo, va di va tshula.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.