Jeremiya 37:13 - Bhibhiliya Nya Guage

¹³ Na nga gu vboha Nyangwani ga Bhejami, a di gu manega vbale muthangeli nya guwonelele, lina laye a di ranwa pwani khu Jeriya, mwamana wa Selemiya, mwamana wa Hananiya, a di mola muprofeti Jeremiya a mu embela, khuye: “Uwe wa gu thava uya dzi ningela ga Vakalidhiya.”

Jeremiya 37:13 Iomraidhean Croise

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 20:2

Pasuri a di bayisa muprofeti Jeremiya, ni gu mu hunga khu makhetshe a mu khothela wulangani wu guromo vbafuvbi ni nyangwa nya yikhongolo ya Bhejami, yi guromo Nyumbani ga Pfhumu Nungungulu.

Jeremiya 21:9

Avo va na tshalago dhoropani momu, va na songwa khu matshari, ndzala mwendro tungu; aholu avo va na guya dzi ningelago ga Vakalidhiya, va mi randredego, va na vbanyisa womi wawe.

Jeremiya 27:6

Olu eni nyi ningede mayigo yatshavbo yaya mandzani ga githumi gyangu Nabhukodhonosori, mufumeli wa Bhabhiloni; nyi mu ningide gambe ni sirengo sa khabini, gasi si mu thumela.

Jeremiya 28:14

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Vatshavbo vathu vava nyi na va rwega kanga nya dzisimbi dzithamoni gwawe. Gasi va thumela Nabhukodhonosori, mufumeli wa Bhabhiloni; nyi mu ninga gambe ni tshivba nya gufumele sirengo sa khabini.”

Jeremiya 36:12

a di hongola nyumbani nya wufumu, umo nya huwo ya mulovi, gu nga bani gu tshanganide manganagana yatshavbo; mulovi Elisama, Dhelaya, mwamana wa Simaya, Elinatani, mwamana wa Akibhori, Gemariya, mwamana wa Safani, Zedhekiya, mwamana wa Hananiya ni dzimbe dzindruna.

Jeremiya 38:1

Avbo Sefatiya, mwamana wa Matani, Gedhaliya, mwamana wa Pasuri, Jukali, Mwamana wa Selemiya, ni Pasuri, mwamana wa Malikiya, va ngapwago magana Jeremiya a nga bani na gu huwelela ga vathu vatshavbo, khuye:

Jeremiya 38:4

Khavbo avbo, manganagana ma di embela mufumeli, khayo: “Oyu muthu a ngu yela gufa; kholu a ngu vbedza tshivba masotshwa ma tshadego dhoropani momu ni gu rerekisa mandza nya vathu vatshavbo, khu gu ganela magana nya nga aya. Kholu mwama yoyu a gu suvela guvivba litigo leli, wulangani nya gu vbwete gurula.”

Jeremiya 38:7

Aholu Ebhedhi-Meleki, thenwa nya Muetiyopi, khu gikhati gyogyo a nga bani a gu thumela nyumbani ga mufumeli, a dipwa gupwani Jeremiya va mu rinyide namboni. Aholu mufumeli a di khade nyangwani ga Bhejami.

Gililo 4:18

Valala va gu demba ni migondro yathu gasi hi tandrega gu gimbila dzindzilani. Matshigu yathu, ma ngu hidzimela kholu, guvbanya gwathu gu ngu vboha mahegiso. Qof

Amosi 7:10

Khu guralo, Amaziya, muphasi nya mhamba wa Bheteli, a di rumela guya embela Jerobhowamo, mufumeli wa Israyeli, khuye: Amosi giride gikungo nya gu guwugele, vbakari ga va na Israyeli; litigo kha li dzi kodzi gutimisela magana yatshavbo a ganelago.

Zakariya 14:10

Litigo latshavbo li na vbindrugedza li khala nga lipani, gukhugela Gebha kala Rimoni, khu phuvbo ga Marandzi ga Jerusalema; Jerusalema gu na khusedzwa bwelo khavbo gu khala wulangani gwaye, gukhugela nyangwani ga Bhejami kala nyangwani nya lidimba nya guhegule, kala Nyangwa ya Khonatunu, ni gukhugela Langwe ya Hananeli kala mabangani ga mufumeli.

Luka 23:2

Va di phela gu mu ketsari, khavo: “Hi mane oyu mwama na gu kutsedzela vathu gu wugela mufumo, khuye: Mu nga livbini khupho ga Sezari, ni gukhuye uye kamwe khuye mufumeli Kristo.”

Mithumo 24:13

Kha va dzi kodzi gu tiyisa esi va nyi ningago khiso nandru.

Mithumo 6:11

Va di renga vathu nya gukari va gu va livba dzitsapawu, va va ruma gu mu singedza khavo va di mupwa na gu hembulula Mosi ni Nungungulu.

2 Vakorinto 6:8

Ha gu zundzwa khu vambe, hi vadwa khu vambe; vambe va gu ganela gwadi khu ethu, vambe va gu ganela guvivba. Va gu hi wona kha nga vathu nya malipha, gasi ethu ha gu ganela lisine.