Jeremiya 36:9 - Bhibhiliya Nya Guage

⁹ Khu ngima nya livbandre na wu na nya mwaga nya livbandre nya gufume ga Jowakimi, mwamana wa Josiya, mufumeli wa Judha, gu di tiviswa ga vathu vatshavbo va Jerusalema, thetho nya guhale mbeli ga Pfhumu Nungungulu, gumogo gambe ni vathu vatshavbo va nga bani va guta Jerusalema khu madhoropani ya Judha.

Jeremiya 36:9 Iomraidhean Croise

2 Dzikoronika 20:3

Josafati a di khala hwanga, aya lombelela ga Pfhumu Nungungulu, a laya va na Judha vatshavbo gukhuye va hala, nyamba hodza gilo.

Nehemiya 9:1

Khu litshigu nya magumavili na mana nya ngima yoyo, va na Israyeli va di tshangana va hala na va ambade dzisaku na va phorode hungoni khu kudzudzwane.

Jeremiya 36:1

Khu mwaga nya wu na nya gufume ga Jowakimi, mwamana Josiya, mufumeli wa Judha, Pfhumu Nungungulu a di embela Jeremiya, khuye:

Jeremiya 36:22

Kha nga a nga bani nari vbagirametunu, mufumeli a di khade nyumbani a wora nilo, kholu a diri ngima nya livbandre na wu na.

Jeremiya 36:6

Indra uwe Nyumbani ga Pfhumu Nungungulu khu litshigu nya guhale, u ya hevbulela vathu vatshavbo va na Judha va na gutago khu madhoropani gwawe, magana ya Pfhumu Nungungulu, ma dugidego khu kanani gwangu nyi nga gu embeledzela, u ma lova.

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Joyele 1:14

Dzi agiseleni litshigu nya guhale, tivisani litshigu nya guloledziswe, mu tombanisa madhota ni vatshavbo vavbanyi va tigoni momu, Nyumbani ga Pfhumu Nungungulu wanu, mu lila ga Pfhumu Nungungulu.

Levhi 23:27

“Khu litshigu nya likhumi nya ngima wowu nya livbandre na mivili, a gu litshigu nya ditshedzo, mu na ramba tshangano nya guage; mu hala, mu ningela phaso nya guvbiswe mu phasela Pfhumu Nungungulu.”

Jona 3:5

Vathu va Ninivha va di khodwa ga Nungungulu, va emisa litshigu nya guhale, va ambala dzisaku, gukhugela avo nya vakhongolo kala avo nya vadugwane.

Zakariya 8:19

Pfhumu Nungungulu nya Tshivba Yatshavbo a ngu ganela kharati, khuye: “Guhala nya ngima nya wu na mwendro nya livbandre, nya livbandre na mivili ni owu nya likhumi, gu na vbindrugedza gu khala matshigu nya gutale khu gunengela, buzo nya gutsake ga vathu va Judha. Khu guralo golani lisine ni gurula.”

Valamuli 20:26

Khavbo avbo, vatshavbo va na Israyeli, ni vathu vatshavbo, va di gwela dhoropani ga Bheteli vaya lila, va di khala vbale mbeli ga Pfhumu Nungungulu, va hala litshigu latshavbo kalani silambo, va ningela miphaso nya guvbiswe ni miningelo nya gurule mbeli ga Pfhumu Nungungulu.

1 Samuweli 7:6

Va di tombana dhoropani ga Misipa, va rega mati va ma vbaladza mbeli ga Pfhumu Nungungulu; va hala litshigu latshavbo lolo, va ganela, khavo: “Hi ghohede Pfhumu Nungungulu.” Samuweli a di lamula va na Israyeli dhoropani ga Misipa.