Jeremiya 36:6 - Bhibhiliya Nya Guage

⁶ Indra uwe Nyumbani ga Pfhumu Nungungulu khu litshigu nya guhale, u ya hevbulela vathu vatshavbo va na Judha va na gutago khu madhoropani gwawe, magana ya Pfhumu Nungungulu, ma dugidego khu kanani gwangu nyi nga gu embeledzela, u ma lova.

Jeremiya 36:6 Iomraidhean Croise

Jeremiya 18:11

Gasi olu, embela vathu va na Judha ni vavbanyi va Jerusalema, khuwe: Pfhumu Nungungulu a ngu ganela kharati, khuye: “Wonani nya gukhenu nyi ngu mi dongisela dzimhango ni gikungo nya gu mi wugele; dzi woneleni olu vbindrugedzani mavbanyelo yanu nya guvivbe, muthu ni muthu a ndreya ndzilani gwaye mu lulamisa dzindzila dzanu ni sigiro sanu.”

Jeremiya 19:14

Avbo Jeremiya a nga wuyago khu Tofeti, tigoni a nga rumedwago khu Pfhumu Nungungulu guya profeta lito laye; a di ema khu likupakupani nya Nyumba ya Pfhumu Nungungulu a embela vathu vatshavbo, khuye:

Jeremiya 22:2

Uwe mufumeli wa Judha, u khalago vbagikhalotunu nya wufumu wa Dhavhidhe, yingisa magana ya Pfhumu Nungungulu, uwe, manganagana yago, gumogo ni vathu vago mu belago khu myanya yeyi.

Jeremiya 26:2

Pfhumu Nungungulu a ngu ganela kharati, khuye: Ema likupakupani nya Nyumba ya Pfhumu Nungungulu, u embela madhoropa yatshavbo ya Judha matago mata khozela Nyumbani ga Pfhumu Nungungulu, u va embela magana yatshavbo nyi gu rumidego gukheni u va tivisa; u nga tshiyi ni limwedo nya ayo.

Jeremiya 36:2

Dzega libhuku u lova magana yatshavbo nyi gu embedego khu kotani ya Israyeli, Judha ni mambe mayigwana yatshavbo, gukhugela avbo nyi phedego khavbo gu ganela nago, gukhugela matshiguni ya Josiya kala muhuno.

Jeremiya 36:4

Khavbo avbo, Jeremiya a di rana Bharuki, Mwamana wa Neriya, gasi a lova umo nya libhuku, magana yatshavbo Jeremiya a na gu mu embeledzelago a nga rumedwago khu Pfhumu Nungungulu.

Jeremiya 7:2

Indra ema nyangwani nya Nyumba ya Pfhumu Nungungulu, u ya huwelela avbo magana yaya, khuwe: Upwani magana ya Pfhumu Nungungulu enu va na Judha ni enu mwatshavbo mu belago khu dzinyangwa dzedzi gasi guya khozela Pfhumu Nungungulu;

Zakariya 8:19

Pfhumu Nungungulu nya Tshivba Yatshavbo a ngu ganela kharati, khuye: “Guhala nya ngima nya wu na mwendro nya livbandre, nya livbandre na mivili ni owu nya likhumi, gu na vbindrugedza gu khala matshigu nya gutale khu gunengela, buzo nya gutsake ga vathu va Judha. Khu guralo golani lisine ni gurula.”

Mithumo 27:9

Hi di vbindredwe ngudzu khu matshigu. Nango nya girame yi di vbohide, khayo matshigu nya dzimhango ndzilani ya matini.