Jeremiya 36:4 - Bhibhiliya Nya Guage

⁴ Khavbo avbo, Jeremiya a di rana Bharuki, Mwamana wa Neriya, gasi a lova umo nya libhuku, magana yatshavbo Jeremiya a na gu mu embeledzelago a nga rumedwago khu Pfhumu Nungungulu.

Jeremiya 36:4 Iomraidhean Croise

Isaya 30:8

Khu guralo, olu dzega lipulango u lova mahungu yaya na va gu gu wona, ma love gambe libhukuni nya gukari; gasi ma kodza gu khala wufakazi kala gupindruga.

Isaya 8:1

Pfhumu Nungungulu a di nyi embela, khuye: “Dzega gileti nya gikhongolo u lova khu malovelo nya guwonege, khuwe: Vbiredzela-Guphanga-Vbiredzela-Gusasela.”

Jeremiya 25:13

Nyi na tadzisa tigoni mule magana yangu yatshavbo nyi ma ganedego khu kotani nya litigo leli ni satshavbo si lovidwego libhukuni momu, iso si nga profetwago khu Jeremiya khu mahungu nya mayigo yaya.

Jeremiya 30:2

Pfhumu Nungungulu wa Israyeli, a ngu ganela kharati, khuye: Lova libhukuni magana yatshavbo yaya nyi gu embedego.

Jeremiya 32:12

Nyi di ma ningela yatshavbo ga Bharuki, mwamana wa Neriya, mwamana wa Mahaseya, mahoni ga mwamakhwathu Hananeli, mbeli ga dzifakazi dzi nga sayina malangalila nya wurengi ni mahoni ga Vajudha vatshavbo va nga bani varomo likupakupani nya lipaso.

Jeremiya 36:14

Khu guralo, manganagana yatshavbo ma di rumela Jewudhi, mwamana wa Netaniya, mwamana wa Selemiya, mwamana wa Kusi, guya embela Bharuki, khuye: “Dzega libhuku lile u nga hevbulelago vathu, u hi landre.” Bharuki, mwamana wa Neriya, a di dzega libhuku a hongola gwawe.

Jeremiya 36:21

Khu guralo, Mufumeli a di rumela Jewudhi guya dzega libhuku nyumbani ga mulovi Elisama, a wuya nalo li ta hevbudwa mbeli ga mufumeli ni ga manganagana yatshavbo ma nga bani ma randrede mufumeli.

Jeremiya 36:23

Gikhati ni gikhati Jewudhi a nga bani na gu vbedza gu hevbula malangalila mararu mwendro mana, mufumeli a di ma pila khu ngala wa mulovi a ma rinya gikhoni nya nilo, mavbya kala libhuku latshavbo li vbela khu guvbya.

Jeremiya 36:26

Gu diga nya isoso, mufumeli a di ninga nayo ga Jerameyeli, mwamana wa Hameleki, ni Seraya, mwamana wa Aziriyeli, ni Selemiya, mwamana wa Abhidheyeli, guya mola mulovi Bharuki, ni muprofeti Jeremiya; aholu Pfhumu Nungungulu a di va sihide.

Jeremiya 36:27

Hwane nya gu bani mufumeli na vbiside libhuku, li nga bani na li gu lovidwe khu Bharuki, magana yatshavbo ya Pfhumu Nungungulu, na ma gu dugela kanani ga Jeremiya, Pfhumu Nungungulu a di embela Jeremiya, khuye:

Jeremiya 36:28

“Dzega limbe libhuku u lova gambe momo magana yatshavbo ma nga bani ma lovidwe ga libhuku li vbisidwego khu Jowakimi, mufumeli wa Judha.”

Jeremiya 36:32

Jeremiya a di dzega limbe libhuku a li ningela ga mulovi Bharuki, mwamana wa Neriya, Jeremiya a di mu embeledzela gambe magana yatshavbo ma nga bani ma lovidwe libhukuni nya guhegule eli li nga vbiswago khu Jowakimi, mufumeli wa Judha. Ma engedzedwa gambe mambe mahungu nya gutale ma fananago naya nya guhegule.

Jeremiya 36:6

Indra uwe Nyumbani ga Pfhumu Nungungulu khu litshigu nya guhale, u ya hevbulela vathu vatshavbo va na Judha va na gutago khu madhoropani gwawe, magana ya Pfhumu Nungungulu, ma dugidego khu kanani gwangu nyi nga gu embeledzela, u ma lova.

Jeremiya 43:3

Uwe wa gu kutsedzedwa khu Bharuki, mwamana wa Neriya, gasi guta hi dwanisa, gasi hi kodza gu thegela mandzani ga Vakalidhiya, va hi songa ni gu hi mola va hi yisa wugumbini Bhabhiloni.”

Jeremiya 51:59

Aya khu magana ma rumedwego khu muprofeti Jeremiya ga Seraya, mwamana wa Neriya, mwamana wa Mahaseya gikhati va nga bani va gu hongola Bhabhiloni ni Zedhekiya, mufumeli wa Judha, khu mwaga nya wu na nya gufume gwaye. Seraya a diri muthangeli nya dzighadhi.

Jeremiya 51:60

Jeremiya a di lova libhukuni nya gukari dzimhango dzatshavbo dzi nga bani dzi gu vbweta gu dugelela tigoni ga Bhabhiloni, gumogo gambe ni simbe si nga vbweta gu wonega.

Ezekiyeli 2:9

Nyi di khusa maho nyi khedza, nyi di wona mandza na ma thawuludzidwe eno gwangu, na ma pharide tshimbo nya libhuku.

Dhaniyeli 7:1

Khu mwaga nya guhegule nya gufume ga Bhalitazari, mufumeli wa Bhabhiloni, Dhaniyeli a di lora nari ligovbeni, a wona giwoniso. Uye a di dzegela gu lova ndroro yoyo, bwelo khavbo a sasamedzela dzindrima dzakone.

Zakariya 5:1

Nyi di khusa gambe maho, nyi di wona libhuku na li gu vbuvba.

Varoma 16:22

Eni Terisiyo nyi lovago lidangalila leli, nyi ngu mi losedzela neni, khu ga Kristo.