Jeremiya 36:22 - Bhibhiliya Nya Guage

²² Kha nga a nga bani nari vbagirametunu, mufumeli a di khade nyumbani a wora nilo, kholu a diri ngima nya livbandre na wu na.

Jeremiya 36:22 Iomraidhean Croise

Ezira 10:9

Khavbo avbo, vama vatshavbo va na Judha ni va na Bhejami va di tombana Jerusalema khu matshigu mararu; a diri ngima nya livbandre na wu na khu litshigu nya magumavili, vathu vatshavbo va dita mbambamela tandrelani nya Nyumba ya Nungungulu, na va gu ndrendremela khu kotani nya mahungu yaya ni kotani nya ndzadzi yi nga bani yi guwa khu tshivba.

Jeremiya 3:20

Pfhumu Nungungulu a ngu ganela, khuye: “Libango lanu enu va na Israyeli, kholu mwa gu fanana ni nyamayi a gumba tumbega ga mwama waye, enu nenu kha mwa tumbegani gwangu.

Jeremiya 36:9

Khu ngima nya livbandre na wu na nya mwaga nya livbandre nya gufume ga Jowakimi, mwamana wa Josiya, mufumeli wa Judha, gu di tiviswa ga vathu vatshavbo va Jerusalema, thetho nya guhale mbeli ga Pfhumu Nungungulu, gumogo gambe ni vathu vatshavbo va nga bani va guta Jerusalema khu madhoropani ya Judha.

Amosi 3:15

Nyi na khungumula nyumba ya vbagirametunu ni nyumba nya maronga, dzinyumba dzi mburisedwego khu magwaha nya dzindzofu dzi na fuviswa, gu na fuviswa gambe ni dzinyumba nya dzikhongolo, a ngu ganela Pfhumu Nungungulu.”

Valamuli 3:20

Ewudhi a di bela nyumbani nya gupepemele ya vbatshani, iyo mufumeli a nga dzi girela gasi guya khala a pepemela a hakha liphuvbo; Ewudhi a di embela mufumeli, khuye: “Nyi na ni mahungu nyi vbwetago gu gu embela na ma gu dugela khu ga Nungungulu.” Mufumeli a di khuga khu vbagikhalotunu gwaye.