Jeremiya 36:2 - Bhibhiliya Nya Guage

² Dzega libhuku u lova magana yatshavbo nyi gu embedego khu kotani ya Israyeli, Judha ni mambe mayigwana yatshavbo, gukhugela avbo nyi phedego khavbo gu ganela nago, gukhugela matshiguni ya Josiya kala muhuno.

Jeremiya 36:2 Iomraidhean Croise

Ezira 6:2

Gu diya manwa tigoni ga Akimeta, nyumbani nya wufumu, yi manegago gipandrengulu gya Medhiya, gu manwa libhuku li lovidwego magana ma ganelago, kharati:

Joba 31:35

Naripwani womo saye a nyi yingisago! Aya kha mahegiso nya gu dzi vhikela gwangu! Nungungulu nya Tshivba Yatshavbo a nyi ninge phindrulo, ni gukheni nala wangu a na sayine khu gu lova nandru nya ketso a nyi girelago!

Dzindzimo 40:7

Eni nyi di, kheni: “Nyi womo avba, kha nga gu lovidwego libhukuni khu kotani yangu.”

Ekisodha 17:14

Khavbo avbo, Pfhumu Nungungulu a di embela Mosi, khuye: “Lova silo sesi libhukuni, gu khala gialakanyiso gi sayiswago, u embela gambe Josuwa, khuwe: Eni nyi na gira gu Amaleki a fuva a si alakanwi gambe vbavbatshi nya lidambo.”

Isaya 8:1

Pfhumu Nungungulu a di nyi embela, khuye: “Dzega gileti nya gikhongolo u lova khu malovelo nya guwonege, khuwe: Vbiredzela-Guphanga-Vbiredzela-Gusasela.”

Jeremiya 1:10

Wona nya gukhuwe muhuno nyi ngu gu ninga tshivba nya gufumele mayigo ni mifumo, u na wandra ni gu pfhungumula, u mbembisa muphelo; ni gu vbahedza ni gu yala.”

Jeremiya 1:5

“Eni nyi gutide nusi gu wumbwi ndrani ga mayi wago;” nyi gu hathide nu si gu velegwi, nyi gu phasela gu khala muprofeti ga mayigo.

Jeremiya 1:9

Khu gulandrela, Pfhumu Nungungulu a di thawuludza gyandza gyaye, a kuha likana langu a ganela, khuye: “Wona, nyi ngu vega magana yangu kanani gwago.

Jeremiya 2:4

Yingisani magana ya Pfhumu Nungungulu enu sanana sa Jakobe, ni enu mwatshavbo mu lumbago nyumba ya Israyeli.

Jeremiya 25:3

Gukhugela khu mwaga nya likhumi na wuraru nya gufume ga Josiya, mwamana wa Amoni, mufumeli wa Judha, kala muhuno a gu magumavili na miraru myaga, Pfhumu Nungungulu a gu nyi rumela magana, eni nyi pinyama gu mi tivisa gikhati gi nga gu dzumela, aholu enu kha mwa nyi yingisa.

Jeremiya 30:2

Pfhumu Nungungulu wa Israyeli, a ngu ganela kharati, khuye: Lova libhukuni magana yatshavbo yaya nyi gu embedego.

Jeremiya 36:14

Khu guralo, manganagana yatshavbo ma di rumela Jewudhi, mwamana wa Netaniya, mwamana wa Selemiya, mwamana wa Kusi, guya embela Bharuki, khuye: “Dzega libhuku lile u nga hevbulelago vathu, u hi landre.” Bharuki, mwamana wa Neriya, a di dzega libhuku a hongola gwawe.

Jeremiya 36:18

Bharuki a di hakha, khuye: “Jeremiya a di nyi embeledzela, eni nyi lova bhukuni khu tita.”

Jeremiya 36:23

Gikhati ni gikhati Jewudhi a nga bani na gu vbedza gu hevbula malangalila mararu mwendro mana, mufumeli a di ma pila khu ngala wa mulovi a ma rinya gikhoni nya nilo, mavbya kala libhuku latshavbo li vbela khu guvbya.

Jeremiya 36:29

U na embela Jowakimi, mufumeli wa Judha, khuwe: Pfhumu Nungungulu a ngu ganela kharati, khuye: Uwe u vbiside libhuku khu gukhuwe: Khu ginani u lovidego umomo gukhuwe mufumeli wa Bhabhiloni a nata sasela litigo leli, a vbedza vathu ni sirengo saye?

Jeremiya 36:6

Indra uwe Nyumbani ga Pfhumu Nungungulu khu litshigu nya guhale, u ya hevbulela vathu vatshavbo va na Judha va na gutago khu madhoropani gwawe, magana ya Pfhumu Nungungulu, ma dugidego khu kanani gwangu nyi nga gu embeledzela, u ma lova.

Jeremiya 45:1

Khu mwaga nya wu na nya gufume ga Jowakimi, mwamana wa Josiya, mufumeli wa Judha, muprofeti Jeremiya a di rumela magana ga Bharuki, mwamana wa Neriya, gikhati a nga vbedza gu lova mulibhukuni malito ma nga dugago khu kanani ga Jeremiya, a di mu embela, khuye:

Jeremiya 51:60

Jeremiya a di lova libhukuni nya gukari dzimhango dzatshavbo dzi nga bani dzi gu vbweta gu dugelela tigoni ga Bhabhiloni, gumogo gambe ni simbe si nga vbweta gu wonega.

Ezekiyeli 2:9

Nyi di khusa maho nyi khedza, nyi di wona mandza na ma thawuludzidwe eno gwangu, na ma pharide tshimbo nya libhuku.

Hoseya 8:12

Ambari nyi nga va lovelago mazanazana nya milayo yangu, avo isoso va di si wona nga gilo nyambana giphaso.

Dhewuteronome 31:24

Avbo Mosi a nga vbedzago gu lova magana nya Nayo yoyu umo nya libhuku,

Vahebheru 10:7

Khavbo avbo, eni nyi di, kheni: Nyi womo avba, uwe Nungungulu, nyi dzude guta gira guhaladza gwag, (nga edzi gu lovidwego khidzo libhukuni nya Nayo khu mahungu yangu).”