Jeremiya 35:6 - Bhibhiliya Nya Guage

⁶ Aholu avo va di ganela, khavo: “Kha hi na sela wadwa, kholu babe wathu Jonadhabhi, mwamana wa Rekabhi, a hi layide, khuye: Mu nga tshuki mu sela vbinyu, enu ambari sanana sanu.

Jeremiya 35:6 Iomraidhean Croise

Genesi 25:27

Sikhwathana si di dandra, Esawu a di khala musoti nya wadi, mwama nya likhabi. Gasi Jakobe a diri muthu nya gurule, a di vbanya mitshatshani.

Genesi 36:7

Kholu dzithomba dzawe dzi di tade ngudzu, nyamba dzi kodza gu khala dangamwedo, wulanga va nga bani va vbanya avbo wu di si eneli khu kotani nya mitshambi ya avo va vavili.

2 Dzipfhumu 10:15

Gikhati a nga khuga khu vbale, a di ya tshangana ni Jonadhabhi, mwamana wa Rekabhi, a nga bani a mu khinga, a di mu losa a mu wudzisa, khuye: “Ina monyo wago wu ngu salalegiswa khu eni, kha nga idzo eni monyo wangu wu salalegiswago khu monyo wago, gani?” Jonadhabhi a di hakha, khuye: “A gu bani nari kharato nyi phare mandza; a di mu phara mandza a khilela naye karetani.”

2 Dzipfhumu 10:23

Jewu ni Jonadhabhi, mwamana wa Rekabhi, va di bela nyumbani ga Bhahali. A embela vakhozeli Vabhahali, khuye: “Khedzani, mu wona gwadi gukhenu kha ga tshuka gu bela vbakari gwanu moyo nya githumi gya Pfhumu Nungungulu, vbavbandze basi ga sithumi sa Bhahali.”

1 Dzikoronika 16:19

Avo va diri tengo nya wudugwane, gambe na vari valuveli umomo.

1 Dzikoronika 2:55

Dzindranga ya vahevbudzi nya nayo va nga bani va gu vbanya tigoni ga Jabhesi, a diri Vatirati, va Simeyati ni Vasukati. Khavo ava va na Khenewu va ngatago khu ga Hamati, babe nya linyumba la na Rekabhi.

Dzindzimo 105:12

Gikhati gyogyo va na Israyeli va di ngari vadugwana, va di si tisegi, gambe va diri valuveli umo;

Ekisodha 20:12

Rungudza babe ni mayi wago, gasi ma engedzedwa matshigu yago nya guvbanye tigoni u na ningwago khu Pfhumu Nungungulu wago.

Jeremiya 35:10

Hi khade mitshatshani, khu gu yingisa ni gu gira satshavbo kha nga idzo hi nga leletedwago khidzo khu babe wathu Jonadhabhi.

Jeremiya 35:14

Magana ya Jonadhabhi, mwamana wa Rekabhi, a nga leletela sanana saye gu si si seli vbinyu, ma ngu landriswa, kholu kha va seli kala na muhuno. Avo vari khavo gu ngu yela gu yingisa milayo ya nyehe wawe, aholu eni nyi gu bwelebwele gu mi embelani, enu kha mu nyi yingisi.

Levhi 10:9

“Wa guta bela Tshatshani nya Tshangano, u nga seli vbinyu mwendro wadwa nya guvave, uwe ni sanana sago, kholu wa gu sela u nafa. Oyu nayo nya gupindruge ga sanana sanu,

Luka 1:15

Kholu gi na bani giri muthu khongolo mahoni ga Pfhumu. Kha gi na sela vhinya mwendro wadwa nya gulevise; gi na tala khu Liphuvbo nya Guage gukhugela ndrani ga mayime waye.

1 Pedro 2:11

Dzipari dzangu nya sigodwa, dundrugani gukhenu mu valuveli, mu vawuyi ga litigo leli. Khu guralo, nyi ngu mi lomba mu dige gunavela nya wuthu gu dwanago ni hefemulo.

Valamuli 13:14

A nga tshuki a hodza mihandro nya vhinya, a nga seli wadwa nya guvave, ambari guhodza gilo nya gunyenyeze. A na vegedze satshavbo nyi nga mu leletelago.”

Valamuli 13:7

Aholu uye a di nyi embela, khuye: “Nyi na khura mimba nyi velega gyanana nya gikhwathana; gasi olu, khuye nyi nga seli vbinyu ambari gu sela wadwa nya guvave, ambari guhodza gilo nya gunyenyeze, kholu gyanana gi na bani giri Munaziri, gi phasedwe Pfhumu Nungungulu, gukhugela ndrani ga mayi waye kala litshigu nya gufe gwaye.”