Jeremiya 34:8 - Bhibhiliya Nya Guage

⁸ Pfhumu Nungungulu a di bwelo khavbo a embela Jeremiya, hwane nya gu mufumeli Zedhekiya na giride gidzumeledzwano ni vathu vatshavbo va nga bani varomo Jerusalema, gasi gu huwelela gutshudziswa nya dzikhumbi, khuye:

Jeremiya 34:8 Iomraidhean Croise

2 Dzipfhumu 11:17

Joyadha a di gira gidzumeledzwano ni Pfhumu Nungungulu, mufumeli gumogo ni vathu gasi va khala vathu va Pfhumu Nungungulu, a di gira gambe gidzumeledzwano ni mufumeli ni vathu.

2 Dzikoronika 23:16

Joyadha a di gira gidzumeledzwano ni vathu, gumogo ni mufumeli, gu, avo va khale vathu va Pfhumu Nungungulu.

2 Dzikoronika 29:10

Khidzo kharato, monyo wangu olu wu pimisago gu gira gidzumeledzwano ni Pfhumu Nungungulu wa Israyeli, gasi a ndreyise vbakari gwathu likhulo laye.

Isaya 58:6

Guhala gu nyi tsakisago, khogu: “Khu gu mu tshula makhetshe nya gigaha, mu tshula dzingodzi nya kanga nya wugumbi, mu tshule avo va tshaniswago ni gu fanyeledzela mikanga yatshavbo.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Jeremiya 34:17

Khu guralo, Pfhumu Nungungulu a ngu ganela kharati, khuye: “Enu kha mwa nyi yingisani gu tshula vandriyanu muwugumbini. Olu eni Pfhumu Nungungulu, nyi ngu mi embelani gukheni nyi na mi tulelani dzinyimbi dzi ta mi sasela khu matshari, mitungu ni dzindzala; mu na khala gihegiso vbakari nya mifumo yatshavbo ya mafuni.

Levhi 25:10

Mu na agisa mwaga nya livbandre magumi, mu tivisa tigoni gwanu gwatshavbo gutshulega ga vathu vatshavbo va vbanyago umo. Mwaga yoyu, gu na bani guri gunengela nya gukhongolo vbakari gwanu; muthu ni muthu a na bwelela petoni gwaye, gambe muthu ni muthu a na wuya ga valongo vaye.

Dhewuteronome 15:12

Wa gu rengisedwa moyo nya vandriyago nya Muhebheru, nya mwama mwendro nya nyamayi a na gu thumela livbandre na moyo myaga, khu oyu nya livbandre na mivili u na mu tshula a hongola.