Jeremiya 34:3 - Bhibhiliya Nya Guage

³ Uwe, khu na nga vbuluga, aholu u na modwa u ningedwa mandzani gwaye. Uwe kamwe u na wona mufumeli wa Bhabhiloni khu maho yago, uye a na ganela nago khovbe ni khovbe. Uwe u na yiswa Bhabhiloni.

Jeremiya 34:3 Iomraidhean Croise

Jeremiya 21:7

“Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 27:22

“Si na dzegwa si yiswa Bhabhiloni, si naya khala iyo kala litshigu Eni nyi na guya si dzegago, a ngu ganela Pfhumu Nungungulu; khavbo avbo, nyi naya si dzega nyi si wuyisa wulanga wowu.”

Jeremiya 32:28

Khu guralo, Pfhumu Nungungulu a ngu ganela kharati, khuye: Nyi na ningela lidhoropa leli mandzani ga Vakalidhiya ni mandzani ga Nabhukodhonosori, mufumeli wa Bhabhiloni a li fumela.

Jeremiya 32:3

Kholu Zedhekiya, mufumeli wa Judha, a di mu khothede na gu ganela, khuye: Khu ginani u profetago gukhuwe Pfhumu Nungungulu a ngu ganela kharati, khuye a na ningela lidhoropa leli mandzani ga mufumeli wa Bhabhiloni, gasi uye a li sasela;

Jeremiya 32:4

gambe Zedhekiya, mufumeli wa Judha, kha na vbuluga mandzani ga Vakalidhiya, gambe kha na vbuluga gu ningedwa mandzani ga mufumeli wa Bhabhiloni, aholu a na ganela naye, khovbe ni khovbe, a wonana naye khu maho yaye;

Jeremiya 34:21

Nyi na ningela Zedhekiya, mufumeli wa Judha, gumogo ni dzindruna dzaye, mandzani ga valala vaye, ni ga vale va vbwetago gu mu songa, ni mandzani ga masotshwa ya mufumeli wa Bhabhiloni, ambari olu ma ngarigu gu khuga khavbo gwanu.

Jeremiya 34:4

Ambari khu guralo, uwe Zedhekiya, mufumeli wa Judha, yingisa magana ya Pfhumu Nungungulu. Pfhumu Nungungulu a ngu ganela kharati khu kotani yago, khuye: Uwe khu na songwa khu litshari,

Jeremiya 37:17

Khu hwane, mufumeli Zedhekiya, a di rumela guya mu dusa gasi guta mu wudzisa khu gisihaledza, nari khu nyumbani gwaye nya wufumu, a mu wudzisa, khuye: “U na ni mahungu ya Pfhumu Nungungulu, gani?” Jeremiya a di hakha, khuye: “Ina momo.” A mu embela gambe, khuye: “Uwe u na ningedwa mandzani ga mufumeli wa Bhabhiloni.”

Jeremiya 38:18

Aholu, wa gumba ya dzi ningela ga vathangeli va mufumeli wa Bhabhiloni, lidhoropa leli li na thegela mandzani ga Vakalidhiya, avo va na li vbisa, uwe khu na vbuluga mandzani gwawe.”

Jeremiya 38:23

Khu guralo, vagadzi vago gumogo ni sanana sago va na ningedwa ga Vakalidhiya, uwe nuwe khu na vbuluga mandzani gwawe; aholu u na modwa khu mufumeli wa Bhabhiloni, ni lidhoropa leli uye a na li vbisa khu nilo.

Ezekiyeli 12:13

Nyi na thawuludza ligoga langu vbatshani gwaye, uye a na modwa khu lizinga langu; Eni nyi na mu yisa Bhabhiloni, tigoni nya Vakalidhiya, aholu uye kha na li wona, a naya fela iyoyo.

Ezekiyeli 17:15

Aholu mufumeli a di mu wugela, ni gu rumela myango tigoni ga Egipito, guya lomba dzikavalu ni libutho nya likhongolo nya masotshwa. Ina muthu a girago silo nya nga isoso a na andra mwendro guvbuluga, gani? A gu fanya pwanano a na vbuluga kharato, gani?

Ezekiyeli 17:16

Nyi ngu sambanya khu guvbanya gwangu, a ngu ganela Mune Pfhumu Nungungulu, khu lisine a naya fela tigoni ga Bhabhiloni, a gu tigoni ga mufumeli a mu emisidego vbagikhalotunu nya wufumu, uye a yeyisidego gisambanyo a fanya gidzumeledzwano.

Ezekiyeli 21:25

Uwe muthangeli wewe wa Israyeli, muthu nya guvivbedwe khu monyo ni gumba thava Nungungulu, litshigu lago li nguta, ni gikhati nya tsayiso wago nya mahegiso gi ngu vboha;