Jeremiya 34:19 - Bhibhiliya Nya Guage

¹⁹ vathangeli va Judha ni va Jerusalema, mithenwa ni vaphasi nya mhamba, ni vathu vatshavbo va tigoni va vbindridego khu vbakari nya gimombyana,

Jeremiya 34:19 Iomraidhean Croise

Genesi 15:17

Na li pfode lidambo, gu manega gidema nya gikhongolo, wu di wonega wutshi ni nilo na wu gu vbindra khu vbakari ni vbakari nya sirengo sile si nga piledwago.

Genesi 15:8

Abrama a di wudzisa, khuye: “Pfhumu Nungungulu nyi na dziti kharini gukheni litigo leli li na khala thomba yangu khu lisine?”

2 Dzipfhumu 24:12

Khavbo avbo, Jowakimi, mufumeli wa Judha, a di duga dhoropani aya dzi ningela ga mufumeli wa Bhabhiloni; uye gumogo ni mayi waye, sithumi saye, dzindruna ni mithenwa yaye; mufumeli wa Bhabhiloni, a di va mola a va gira dzikhumbi; gu diri mwaga nya livbandre na miraru nya gufume gwaye.

2 Dzipfhumu 24:15

A di vbagela Jowakimi, a mu yisa Bhabhiloni; gumogo ni mayi wa mufumeli, vagadzi va mufumeli, mithenwa yaye ni sitetema sa tigoni, va di vbagedwa khu Jerusalema, va yiswa Bhabhiloni.

Jeremiya 29:2

Hwane nya gu bani va dugide khu Jerusalema, mufumeli Jekoniya, pfhumugadzi mayi waye, mithenwa, dzindruna dza Judha ni Jerusalema, vavati ni vabethi nya dzisimbi, na va gu vbagedwe va yiswa Bhabhiloni.

Jeremiya 34:10

Manganagana gumogo ni vathu vatshavbo va nga hungago gidzumeledzwano gegi nya gutshudzise dzikhumbi, va di nengela khu nayo yoyu, va dzumela gu dzi tshula va si dzi khozisi gambe; khu guralo, muthu ni muthu a di tshula khumbi yaye.

Jeremiya 38:7

Aholu Ebhedhi-Meleki, thenwa nya Muetiyopi, khu gikhati gyogyo a nga bani a gu thumela nyumbani ga mufumeli, a dipwa gupwani Jeremiya va mu rinyide namboni. Aholu mufumeli a di khade nyangwani ga Bhejami.

Jeremiya 39:6

Mufumeli wa Bhabhiloni a di rumela gu songwa sanana sa Zedhekiya dhoropani ga Ribala na gu si wona; a rumela gu songwa gambe vathangeli va Judha.

Dhaniyeli 9:12

U tadziside magana u ganedego vbakari gwathu, ni ga vathangeli vathu, u hi resede tshanisa nya yikhongolo. Mafuni gwatshavbo, gu si gu giregi nya nga esi si nga giregago Jerusalema.

Dhaniyeli 9:6

Kha ha yingisa malito ya vaprofeti, sithumi sago, va ganedego khu lina lago ga vafumeli vathu, ga vathangeli vathu, ga vababe vathu, kha nga gambe ga vathu vatshavbo va tigoni.

Dhaniyeli 9:8

Ah! Pfhumu Nungungulu, ethu gumogo ni vafumeli vathu, vathangeli ni vakokwe vathu, hi tade khu dzitshoni kholu hi gu ghohedego.