Jeremiya 34:16 - Bhibhiliya Nya Guage

¹⁶ aholu mu vbindrugedzide mawonelo, mu nyenyezisa lina langu khu gu muthu ni muthu a dzega khumbi yaye nya mwama mwendro nya nyamayi mu nga bani mu va tshude mu bwelo khavbo mu va gira gambe dzikhumbi.

Jeremiya 34:16 Iomraidhean Croise

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Jeremiya 34:11

Aholu, khu hwane nya gikhati, va di dzi laya, va rumela gu wuyisa gambe dzikhumbi dzawe nya vama ni vanyamayi va nga bani va dzi tshude, vata pheledza gu dzi khozisa.

Ezekiyeli 13:22

Khu malipha yanu mu tshunganiside wongo wa muthu nya gululame, a diga gu gira gugola gwangu, mu tiyisela vathu nya guvivbedwe khu myonyo, va si digi dzindzila dzawe nya guvivbe gasi guvbulugisa womi wawe.

Ezekiyeli 18:24

Aholu, muthu nya gululame, a gu diga gululama gwaye, a gira gighoho nya gufanane ni sile si giridwego khu va nya guvivbedwa khu myonyo, a ngu yela guvbanya, gani? Ni moyo nya mithumo yaye nya gululame kha yi na alakanywa! Khu kotani nya gumba tumbega gwaye ni sighoho a si giridego, a nafa khiso.

Ezekiyeli 20:39

Gasi khu enu va na Israyeli, Mune Pfhumu Nungungulu, a ngu ganela kharati, khuye: Moyo ni moyo nya enu, a na simame guya khozela sifananiso saye, kholu kha mu dzini gu nyi yingisa; aholu mu nga nyenyezisi lina langu nya guage khu miningelo ni sifananiso sanu.

Ezekiyeli 3:20

Khu magirelo ya mamowo, muthu nya gululame a digago gu gira gululama gwaye, a gira guvivba, eni nya gu vega mbeli gwaye giwindri nya gu mu tshunganise, uye a nafa; kholu khwa mu kawuka khu gighoho a ghohidego. Mithumo yaye nya gululame kha yi na alakanywa, khu guralo, eni nyi na hengula novba waye avbo gwago.

Ezekiyeli 39:7

Nyi na gira lina langu nya guage li tidwa vbakari nya vathu vangu va na Israyeli, gima kha nyi na diga gambe lina langu nya guage li nyenyeziswa; ni va nya mayigo va na dziti gukhavo kheni Pfhumu Nungungulu, a Agidego wa Israyeli.

Levhi 19:12

mu nga sambanyi malipha khu lina Langu, kholu mwa gu gira kharato, mu na nyenyezisa lina la Nungungulu wanu. Eni kheni Pfhumu Nungungulu.

Malakiya 1:12

Aholu enu mwa gu nyenyezisa giluvelo gyangu avbo mu ganelago, khenu: Meza ya Pfhumu Nungungulu gilo nyamba phasa gilo, silo mu phaselago khiso, guhodza nya gunyenyeze.

Malakiya 1:7

Enu mwa gu resani guhodza gwanu nya gunyenyeze vbagiluvelotunu gwangu gambe mu nga gu wudzisani, khenu: Hi di gi nyenyezisa khu ginani? Ina mwa gu pima gukhenu meza ya Pfhumu Nungungulu gilo nyamba phasa gilo, gani?

1 Samuweli 15:11

“Nyi ngu dzi laya kholu nyi nga emisa Sawule gu khala mufumeli, kholu a nyi wugede, a si landrisi sileletelo sangu.” Samuweli a di vbisega ngudzu, wutshigu watshavbo a lila ga Pfhumu Nungungulu.