Jeremiya 34:15 - Bhibhiliya Nya Guage

¹⁵ Enu mu di vbindrugedzide mu gira iso si lulamidego mbeli gwangu, khu gu tshulani wugumbini vandriyanu, kha nga gu landrisa gidzumeledzwano mu giridego mbeli gwangu nyumbani gu khozedwago lina langu;

Jeremiya 34:15 Iomraidhean Croise

2 Dzipfhumu 12:2

Jowasi a di thuma mithumo ya yadi mahoni ga Pfhumu Nungungulu, matshiguni yaye yatshavbo; kholu a di yeyedzwa dzindzila nya dzadi khu muphasi nya mhamba Joyadha.

2 Dzipfhumu 14:3

A di thuma mithumo nya gululame mahoni ga Pfhumu Nungungulu, ambari a nga bani a si vbohi ga babe waye Dhavhidhe, aholu a di thuma kha nga idzo a nga bani a gira babe waye Jowasi.

2 Dzipfhumu 23:3

Mufumeli a di khuga a ema nyangwani, a wusedza gidzumeledzwano mbeli ga Pfhumu Nungungulu, gukhuye a na landrela Pfhumu Nungungulu a landrisa Milayo yaye, magana yaye ni sileletelo saye khu monyo waye watshavbo ni hefemulo waye watshavbo a tiyisa magana nya gidzumeledzwano gegi, ma nga bani ma lovidwe libhukuni mule; vathu vatshavbo va di hungega ga gidzumeledzwano gegi.

Nehemiya 10:29

Vambe vathu va diri vaphasi nya mhamba, va na Levhi, vawoneleli nya dzinyangwa, vaembeleli, vasayisi va Nyumbani ga Nungungulu ni vatshavbo vale va nga bani va dugela mayigwana ya vbafuvbi, vata namarela vbamilayotunu ya Nungungulu, ni gu vagadzi vawe ni sanana sawe nya sikhwathana nesi nya vanyamahegyane ni vatshavbo avo va nga bani na vari ni tanga nya guti ni gu pima.

Dzindzimo 119:106

Nyi sambanyide nyi tiyisa gukheni nyi na vegedza milayo yago nya gululame.

Dzindzimo 76:11

Ningani Pfhumu Nungungulu wanu esi mu mu tumbisidego, mayigo yatshavbo ya vbafuvbi, ma na rese miningelo yawe vata yi bikela ga Nungungulu a yelago gu ningwa githawo.

Isaya 58:2

Ambari khu guralo, khu litshigu ni litshigu li gyago, va gu nyi vbweta, gambe va gu yeyedza gugola guti dzindzila dzangu; kha nga vathu va girago gululama, va ngamba diga nayo wa Nungungulu wawe, va nyi lomba gu va yeyedza ndzila nya gululame, gambe va na ni ligolo ni Nungungulu.

Jeremiya 32:34

Va nyenyeziside nyumba yangu nya miphaso gu khozedwago umo lina langu, khu gu vega umo sifananiso nya vanungungulu vawe nya malipha.

Jeremiya 34:8

Pfhumu Nungungulu a di bwelo khavbo a embela Jeremiya, hwane nya gu mufumeli Zedhekiya na giride gidzumeledzwano ni vathu vatshavbo va nga bani varomo Jerusalema, gasi gu huwelela gutshudziswa nya dzikhumbi, khuye:

Levhi 25:10

Mu na agisa mwaga nya livbandre magumi, mu tivisa tigoni gwanu gwatshavbo gutshulega ga vathu vatshavbo va vbanyago umo. Mwaga yoyu, gu na bani guri gunengela nya gukhongolo vbakari gwanu; muthu ni muthu a na bwelela petoni gwaye, gambe muthu ni muthu a na wuya ga valongo vaye.

Matewu 15:8

Vathu vava va gu nyi rungudza khu likana, aholu myonyo yawe yomo hwindzo ni eni.