Jeremiya 34:14 - Bhibhiliya Nya Guage

¹⁴ Hwane nya livbandre na mivili myaga, muthu ni muthu a ngu yela gu tshula ndriyaye nya Muhebheru nga rengisedwago, na gu thumede livbandre na moyo myaga, u ngu yela gu mu tshula. Aholu, vababe vanu kha va nyi yingisa, ambari gu khathala.

Jeremiya 34:14 Iomraidhean Croise

1 Dzipfhumu 21:25

Aholu, mwalo ni moyo a nga girago kha nga Akabi, a nga dzi rengisago khu silo nya guvivbe si nyenyezidego mahoni ga Pfhumu Nungungulu; kholu a di kutsedzedwa khu mwangadzi waye, Jezabheli.

1 Dzipfhumu 9:22

Aholu ga sanana sa Israyeli, Solomoni ni moyo wawe kha nga va gira dzikhumbi, aholu avo va diri vadwani nya nyimbi, dzindruna, manganagana, vagimbidzisi nya nyimbi ni vathangeli nya dzikareta dzaye ni vakhileli vaye nya dzikavalu.

2 Dzikoronika 28:10

Olu mwa gu vbwetani gutshanisa vathu va na Judha kala va khala dzikhumbi dzanu nya vama ni vanyamayi; ina vbakari gwanu mwalo a gu na ni nandru mbeli ga Pfhumu Nungungulu wanu, gani?

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Isaya 58:6

Guhala gu nyi tsakisago, khogu: “Khu gu mu tshula makhetshe nya gigaha, mu tshula dzingodzi nya kanga nya wugumbi, mu tshule avo va tshaniswago ni gu fanyeledzela mikanga yatshavbo.

Jeremiya 11:7

Kholu gukhugela litshigu nyi mi dusidego khu tigoni ga Egipito, kala muhuno, nyi phede khu gu embela vababe vanu, nyi simamide gu va embela kharati, kheni: Yingisani lito langu!

Jeremiya 32:30

Kholu va na Israyeli ni va na Judha, gukhugela wudzahani gwawe kha va kodza gu nyi girela silo nya sadi, aholu va di gira basi guvivba mbeli gwangu; va di nyi gorosa basi khu mithumo nya guvivbe nya gugirwe khu mandza yawe, a ngu ganela Pfhumu Nungungulu.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Ezekiyeli 20:4

Uwe mwamana wa muthu u na va lamula? U na va lamula, gani? Va dundrugise mithumo nya gunyenyeze yi giridwego khu vababe vawe,

Ezekiyeli 20:8

Aholu avo va di nyi kanyisa, va si dzumeli gu nyi yingisa; mwalo a nga dzumela gu diga sifananiso nya gunyenyeze sa Egipito; khu guralo, eni nyi di va embela kheni nyi na guhula vbatshani gwawe likhulo langu, gasi gu landrisa khorodza yangu gwawe tigoni ga Egipito.

Levhi 25:10

Mu na agisa mwaga nya livbandre magumi, mu tivisa tigoni gwanu gwatshavbo gutshulega ga vathu vatshavbo va vbanyago umo. Mwaga yoyu, gu na bani guri gunengela nya gukhongolo vbakari gwanu; muthu ni muthu a na bwelela petoni gwaye, gambe muthu ni muthu a na wuya ga valongo vaye.

Amosi 2:6

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Israyeli, kha nyi na bweledza tsayiso. Kholu va ngu rengisa muthu nya gululame khu dzitsapawu, va rengisa muhamugi khu patwa nya silato.

Amosi 8:6

gasi hi renga sisiwana khu dzitsapawu, ni muhamugi khu patwa nya silato? Hwane nya ugo, hi na rengisa mungu nya tirigu.

Varoma 7:24

Libango langu likhongolo! Ina khu mani a na gu nyi vbulugisago wugumbini nya givili gegi gi nyi yisago gufani?

Dhewuteronome 15:1

“Guvbelani nya mwaga ni mwaga nya livbandre na mivili, u na tsetselela mangava.

Dhewuteronome 15:12

Wa gu rengisedwa moyo nya vandriyago nya Muhebheru, nya mwama mwendro nya nyamayi a na gu thumela livbandre na moyo myaga, khu oyu nya livbandre na mivili u na mu tshula a hongola.

Dhewuteronome 15:9

Dzi wonele, gu nga manegi mapimo nya guvivbe monyoni gwago, ambari gu ganela, khuwe: Womo vbafuvbi mwaga nya livbandre na wuvili, a gu mwaga nya tsetselelo, maho yago ma manega na ma gu vala ndriyago nya gisiwana, u si mu ningi gilo. Uye a gu lila khu uwe ga Pfhumu Nungungulu, u na manega nuri ni gighoho.