Jeremiya 34:1 - Bhibhiliya Nya Guage

¹ Pfhumu Nungungulu a di resa magana yaya ga Jeremiya, gikhati Nebhokadhonosori, mufumeli wa Bhabhiloni, a nga bani a guta ni masotshwa yaye yatshavbo gumogo ni mifumo yastshavbo ni mafumbu ya mafuni ma nga bani ma fumedwa khuye, ma ta dhumela Jerusalema gumogo ni madhoropa yaye yatshavbo, a ganela, khuye:

Jeremiya 34:1 Iomraidhean Croise

Jeremiya 1:15

Khu guralo, nyi na ramba mahundzu yatshavbo nya mifumo ya Wuronga, a ngu ganela Pfhumu Nungungulu. Mufumo ni mufumo a nata vega gikhalo gyaye nya wufumu dzinyangwani ga Jerusalema, gasi gu wugela mabhiyo ma bhiyidego madhoropa yatshavbo ya Judha.

Jeremiya 21:2

“Hi ngu lomba gukhethu u hi wudzisela ga Pfhumu Nungungulu, kholu Nabhukodhonosori, mufumeli wa Bhabhiloni, a ngu soma nyimbi a hi sasela, mwendro saye Pfhumu Nungungulu a na hi girela siliwugiso gasi nala a khuge vbakari gwathu.”

Jeremiya 32:1

Pfhumu Nungungulu a di rumela ga Jeremiya magana yaya, khuye: Khu mwaga nya likhumi nya gufume ga Zedhekiya, mufumeli wa Judha, owu khu mwaga gu enedzago likhumi na livbandre na miraru myaga nya gufume ga Nabhukodhonosori.

Jeremiya 32:2

Khu gikhati gyogyo Jerusalema gu di randredwe khu masotshwa ya Bhabhiloni; muprofeti Jeremiya a di khothedwe likupakupani nya nyumba ya mufumeli wa Judha.

Jeremiya 34:7

avbo masotshwa ya mufumeli wa Bhabhiloni ma nga bani na ma nga gu sasela lidhoropa la Jerusalema, gumogo ni gu sasela mambe madhoropa ma nga bani ma tshade ya Judha, a gu Lakisi ni Azeka, kholu madhoropa yaya khayo basi ma nga bani ma tshade ga madhoropa nya makhokhola ya Judha.

Dhaniyeli 4:1

Eni mufumeli Nabhukodhonosori, na nyiri nyumbani gwangu nya wufumu ya gitezi, na nyi khade nyi tangala.

Dhaniyeli 4:22

Uwe u na lundrwa vbakari nya vathu, uya vbanya vbakari nya sirengo sa khabini, u hodza mwasi nga dzimombe, u wedwa khu hunguva ya ndzadzini. Gu na vbindra livbandre na sivili sikhati, kala u dziti nya gukhuwe uye a Khusegidego ngudzu, a ngu fuma vbakari nya mifumo nya vathu, ni gu dzega wufumu a ninga uye a mu golago.

Dhaniyeli 5:19

Khu kotani nya wugulu a nga ningwago khu Nungungulu, vathu vatshavbo, mayigo ni mafumbu nya guhambanelane va di ndrendremela mbeli gwaye; a diri ni tshivba nya gusonge uye a mu golago, ni gu diga uye a mu golago. A di khusedza uye a mu golago ni gu vbwasamisa uye a mu golago.