Jeremiya 33:9 - Bhibhiliya Nya Guage

⁹ “Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Jeremiya 33:9 Iomraidhean Croise

2 Dzikoronika 20:29

Gikhati mifumo nya mayigo yale yatshavbo, yi ngapwago nya gupwani, Pfhumu Nungungulu, dwanide ni valala va na Israyeli, yi di tala khu hwanga.

Nehemiya 6:16

Gikhati va pwidego esi, valala vathu vatshavbo, gumogo ni va nya mayigo vatshavbo nya vaakelane vathu vatshavbo, va di samala va bwelo khavbo va vbela tshivba, kholu, va di gu wona gukhavo khandri tshivba yathu basi, aholu khu Nungungulu wathu, a hi phasedzedego thumoni momu.

Dzindzimo 130:4

Aholu avbo gwago u ngu kodza gu divalela avo va gu ningago githawo.

Dzindzimo 40:3

Vegide kanani gwangu ndzimo nya yiphya, ndzimo nya gurungudze Nungungulu wathu; nya vangi va na si wona silo soso, va na thava ni gu tumba Pfhumu Nungungulu.

Isaya 43:21

vathu vava nyi dzi wumbedego, gasi va huwelela wudhumo wangu.”

Isaya 55:13

Wulangani nya likhabi nya miba gu na buga mipinyu (ndziri), ni wulangani nya sirangalabwa gu na buga senge nya likhomwa (murita); esi si na bani siri wuzundzo ga Pfhumu Nungungulu ni gialakanyiso nya gupindruge gi na gumba divadwa gambe.

Isaya 60:5

Avbo u na si wonago u na nengela, monyo wago wu na ghavata khu gunengela, kholu va na resa gwago dzithomba dza sidwani, u na resedwa ni dzithomba nya mayigo.

Isaya 62:1

Khu kotani nya lihaladzo nyi gu nalo ni Siyoni, kha nyi na degula, khu lihaladzo langu ga Jerusalema, gima kha nyi na hefemula, kala gululama gwago gu duga kha nga wuronga, guvbanyisa gwago, kha nga mwenge wu khondrago.

Isaya 62:12

Va na ranwa gupwani Vathu va Agidego, Va tshudzisidwego khu Pfhumu Nungungulu; ni uwe Siyoni, u na ranwa pwani u Lidhoropa u Vbwetwago, Khandri u Giwula.”

Isaya 62:4

Gima khu na ranwa gambe “Oyu a digidwego,” ambari litigo lago gu gu ranwa gupwani “Marumbi;” aholu, va na gu ranwa pwani “Gigodwa gyangu;” ni litigo lago, li na ranwa gupwani “Pfhumugadzi;” kholu Pfhumu Nungungulu a gu gode ngudzu; a na dzegana ni litigo lago.

Isaya 62:7

ambari gu mu ningani guhefemula kala a wusedza Jerusalema gu khala nga gilo gi zundzegago tigoni.

Isaya 64:2

Gufanana ni nilo gikhati wu thedwago dzikhuni nya gubange wu khondra, wu vilisa mati, gasi valala vago va kodza guti lina lago, kharati mayigo ma di hadza gu ndrendremela mbeli gwago!

Jeremiya 13:11

Kholu, kha nga libhandri li hungwago giwununi nya muthu, khidzo kharato eni nyi dzi hungide ni nyumba yatshavbo ya Israyeli ni nyumba yatshavbo ya Judha, a ngu ganela Pfhumu Nungungulu, gasi va khala vathu vangu, lina, wuzundzo ni wudhumo wangu; aholu avo kha va nyi yingisa.

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jeremiya 24:6

Nyi na va khedza khu maho nya wuhindzi nyi va wuyisa tigoni momu; nyi na va tiyisa gima kha nyi na va pfhungumula, nyi va tsitsa, aholu gima kha nyi na va sigula.

Jeremiya 26:6

khu guralo, nyumba yeyi nyi na yi gira yi fanana ni Silo, ni lidhoropa leli nyi na li vbindrugedza li khala givalo ga mayigo yatshavbo ya mafuni.

Jeremiya 29:1

Aya khu magana nya lidangalila muprofeti Jeremiya a nga li rumelago ga mitshaledwa nya madhota, vaphasi nya mhamba, vaprofeti ni ga vathu vatshavbo va nga bani vari wugumbini, va nga vbagedwago khu Jerusalema khu Nabhukodhonosori a va yisa Bhabhiloni.

Jeremiya 3:17

Khu gikhati gyogyo, Jerusalema gu na ranwa Gikhalo nya wufumu wa Pfhumu Nungungulu; gu na ya tombana gwaye mayigo yatshavbo guya rungudza lina la Pfhumu Nungungulu, kha va na gira gambe iso si godwago khu gudzina nya myonyo yawe nya guvivbe.

Jeremiya 3:19

Pfhumu Nungungulu a ngu ganela kharati, khuye: Eni nyi diri ni makungo nya gukheni nyi na gu sayisa kha nga idzo nyi sayisago khidzo sanana sangu, nyi gu ninga litigo nya ladi ngudzu, litigo nya gumbure ngudzu guvbindra mambe mayigo. Aholu eni nyi di pimisa, kheni: Mu na nyi rana khenu Baba, gima kha mu na ndreya gambe mu nyi diga.

Jeremiya 31:14

Vaphasi nya mhamba nyi na va khurisa khu guhodza nya gunone, ni vathu vangu va khura khu silo sangu nya sadi; a ngu ganela Pfhumu Nungungulu.

Jeremiya 31:4

Eni nyi na gu vbahedza nyaluphye, uwe likendzi la Israyeli! U na wusedzwa! U bwelo khavbo u mburisedwa khu dzingoma dzago, u duga ni dzindzimo u ya hana ni avo va tsakago.

Jeremiya 32:42

Kholu Pfhumu Nungungulu, a ngu ganela kharati, khuye: Kha nga nyi giredego vathu vava dzimhango nya dzikhongolo, nyi na va resela gambe makategwa yatshavbo nyi va tumbisidego.

Jeremiya 33:14

Ma nguta matshigu, a ngu ganela Pfhumu Nungungulu, avbo nyi na gu tadzisago magana nya yadi nyi tumbisidego ga nyumba ya Israyeli ni nyumba ya Judha.

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Jeremiya 44:8

Khu ginani mu wusago likhulo langu khiso mu girago, nya guvbisele libani vambe vanungungulu tigoni ga Egipito, umo mu dzudego guta vbanya umo? Khu ginani mu dzi vangedego lufu, avbo mayigo yatshavbo ma mi wonago kha nga gilo nya gihegiso ni givalo mbeli gwawe.

Jeremiya 49:25

Khu ginani va li giridego marumbi lidhoropa leli nya gumbure ni ndruma nya gutsakise monyo wangu?

Ezekiyeli 26:20

Khavbo avbo, nyi na gu gira u relela gumogo ni avo va relelago phalani nya vafi, gasi guya bangaladzana ni vagale, nyi na gu gira u ya vbanya guetani nya mafu, malangani nya siwula sa gale gumogo ni avo va relelago phalani nya vafi, gasi u si khadwi gambe khu muthu; nyi na tiyisa wuzundzo tigoni nya avo va vbanyago.

Ezekiyeli 36:35

Va na ganela, khavo: Litigo leli li nga bani li khade marumbi, li khade nga lithembwe la Edheni; madhoropa ma nga bani ma khungumudwe ma vbindrugedza ma khala marumbi, olu ma vbahedzidwe ma bwelo khavbo gu khala vathu.

Ezekiyeli 39:13

Vathu vatshavbo va tigoni va na va dzinga; litshigu nyi na dhumiswago khilo, li na bani liri litshigu nya gialakanyiso avbo gwawe. A ngu ganela Mune Pfhumu Nungungulu.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Zakariya 1:17

“Huwelela gambe, u ganela, khuwe: Pfhumu Nungungulu nya Tshivba Yatshavbo a ngu ganela kharati, khuye: Madhoropa yangu ma na bwelo khavbo ma tala gambe khu makategwa; Pfhumu Nungungulu a na tangadzisa Siyoni, a wuya gambe a hatha nyaluphye Jerusalema.”

Zakariya 12:2

Wonani, nyi na gira Jerusalema a khala gikombe nya wadwa gasi gu levisa mayigo yatshavbo ma mu randredego; va na gira idzosaye ga Judha litshigu a na randredwago.

Dhewuteronome 30:5

Pfhumu Nungungulu wago, a na gu wuyisa ga litigo li nga fumedwago khu vababe vago, u ta li fumela. Uye a na gu kategisa gwadi a gu andrisa ngudzu mu tala guvbindra vababe vago.