Jeremiya 33:4 - Bhibhiliya Nya Guage

⁴ Kholu Pfhumu Nungungulu wa Israyeli, a ngu ganela kharati khu kotani nya dzinyumba dza dhoropani momu, ni kotani nya dzinyumba dza vafumeli va Judha, dzi nga khungumudwago khu gu fela gu gira mabhiyo nya gu dzi vhikele gusasedwa khu matshari.

Jeremiya 33:4 Iomraidhean Croise

Isaya 22:10

mu sayela dzindranga dza Jerusalema ni gu pfhungumula dzinyumba nya gukari, gasi gu dzega siwindri sakone mu ya tiyisa khiso mabhiyo nya lidhoropa.

Isaya 32:13

Tigoni ga vathu vangu, gu na buga miba ni sirangalabwa; gumogo gambe ni dzinyumbani gwatshavbo gu nga bani gu tsakwa umo, dhoropani puluwundrago khu gunengela.

Isaya 32:14

Kholu nyumba nya wufumu kha yi na bedwa gambe khu muthu, lidhoropa li nga bani gu khala vathu nya gutale, li na khala marumbi. Ofeli ni likhokhola nya vawoneleli, si na khala dziphago kala gupindruga. Gu na khala wuhaganelo nya dziburu nya likhabi ni wuhaviselo nya mitshambi;

Jeremiya 32:24

Wona nya gukhuwe dzitshivba nya dzinyimbi ya valala dzi emide gasi gu dhumela lidhoropa dzi li wandra; olu lidhoropa leli li na ningedwa mandzani ga Vakalidhiya, gasi va li sasela khu matshari, ndzala ni mitungu. Iso u si ganedego si ngu tadzisega, kha nga u si wonago.

Jeremiya 6:6

Kholu Pfhumu Nungungulu nya Tshivba Yatshavbo a ngu ganela, khuye: Pilani matamo nya misimbo yawe mu gira khayo laba nya gu bhiye Jerusalema. Kholu eli lidhoropa nya malipha, li tadego khu wukanganyisi.

Gililo 2:7

Pfhumu kha tsakiswa khu giluvelo gyaye, a di nyenya ni wulanga waye nya miphaso; a ningela mandzani ga valala dzindzari nya makhokhola yaye, va kulungela Nyumbani gwa Pfhumu Nungungulu, nga matshigu nya tshangano nya buzo. Heti

Ezekiyeli 21:22

Khu nyamudye gwaye gu na manega nyatumbatumbane mayelano khu Jerusalema, gasi gu ruma mitshini nya gukhungumule mabhiyo, gasi gu dusa magana nya guleletele gu songa, gu khusedza malito nya gunengele, gasi gu ninga nayo mitshini yi gulela malimba, ni guwungedzela mafu ma gira sigomo, gasi gu emisa mabhiyo.

Ezekiyeli 26:8

Uye a na sasela khu matshari sanana sago nya vanyamahegyane si guromo madhoropani ya tigoni; a na gu girela libhiyo; a na wungedzela mafu ma khala gigomo gasi gu gira likhokhola ni gu gu khusedzela sitshangu.

Ezekiyeli 4:2

U gira giyeyedzo nya gukhuwe lidhoropa leli li randredwe khu valala; u wungedzela mafu nya gulite khavbo vbalikhokholatunu nya lidhoropa u vega mazumbo, u emisa gambe madingo nya gukhungumule khayo, ma dzundruluga lidhoropa.

Habhakuka 1:10

Va poyila vafumeli ni dzindruna va dzi gira nga gihegiso. Avo va na hagana khu makhokhola yatshavbo, kholu va na wungedzela mafu, va ma dzega.

Dhewuteronome 20:20

Aholu misimbo yile u yitigo gukhuwe mihandro yaye kha yi hodzwi, u ngu dzi kodza gu yi remulela, u yi kokelela; u gira misimbo nya gubhiye khiyo gasi gu dzi vhikela ga lidhoropa lile u dwanago nalo, kala mu li pfhungumula.