Jeremiya 33:26 - Bhibhiliya Nya Guage

²⁶ nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Jeremiya 33:26 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Ezira 2:1

Ava khu vathu nya gipandrengulu, va widego khu wugumbitunu, va nga bani va vbagedwe khu Nabhukodhonosori, mufumeli wa Bhabhiloni, ava yisa Bhabhiloni, va nga wuyago Jerusalema tigoni ga Judha, muthu ni muthu a bwelela dhoropani gwaye.

Ezira 2:70

Vaphasi nya mhamba, va na Levhi, ni vambe vathu, vaembeleli, vasayisi nya dzinyangwa, vathumegeli va Nyumbani ga Nungungulu, va di vbaha madhoropani gwawe gumogo ni va na Israyeli vatshavbo.

Dzindzimo 126:1

Avbo Pfhumu Nungungulu a nga wuyisa sanana sa Siyoni, gu di gira gukhwatshi ha gu lora.

Isaya 14:1

Kholu Pfhumu Nungungulu a na pwela gisiro nyumba ya Jakobe, a dzi hathela va na Israyeli, va ta vbaha tigoni gwawe nya mavelego, va nya mayigo va nata tshangana gumogo navo, va dzi patanisa ga lihundzu la Jakobe.

Isaya 54:8

Khu gupwa likhulo, nyi gu sihede khovbe yangu khu gikhatinyana; aholu, khu wuhindzi nya gupindruge nyi na gu pwela gisiro; a ngu ganela Pfhumu Nungungulu Mudzegisi wago.

Jeremiya 3:12

Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Jeremiya 31:20

Ina kamwe Efrayimi khandri uye gyanana gyangu nya gigodwa, gani? Gyanana gi godwago khu monyo wangu, gikhati nya gingi mapimo yangu kha ma digi gu mu alakanya; ni monyo wangu wa gu salala mbeli gwaye, khu guralo, nyi na mu pwela wuhindzi; a ngu ganela Pfhumu Nungungulu.

Jeremiya 31:35

Pfhumu Nungungulu a ngu ganela kharati, khuye: Uye a rumago lidambo li wenengedza mihani, ngima ni dzinyeledzi si wenengedza wutshigu, a kutsungago mavimbi nya linene; lina laye khuye Pfhumu Nungungulu nya Tshivba Yatshavbo.

Jeremiya 31:37

Pfhumu Nungungulu a ngu ganela kharati, khuye: “Mwa gu kodzani gupima wugulu wa vbatshani ndzadzini ni gu wona mahegiso nya litigo omu vbavbatshi, khavbo neni nyi na gu hambanago ni situgulwana sa Israyeli, khu satshavbo va giridego,” khu Pfhumu Nungungulu a ganelago isoso.

Jeremiya 33:24

“Uwe u ngu wona nya gukhuwe vathu vava va ngu ganela, khavo: Pfhumu Nungungulu a pfhurarede mafumbu yaya ya mavili a ma hathidego, gani? Va gu hega vathu vangu, va gira gukhwatshi vathu va nga bani vari mwalo litigo mbeli gwawe.”

Ezekiyeli 39:25

Khu guralo, Mune Pfhumu Nungungulu, a ngu ganela kharati, khuye: “Olu, nyi na bweledza va na Jakobe khu wugumbitunu; nyi bwelo khavbo nyi pwela gisiro va na Israyeli vatshavbo; nyi na khathalela lina langu nya guage.

Hoseya 1:7

Aholu va na Judha nyi na va pwela wuhindzi, nyi va vbulugisa khu Pfhumu Nungungulu wawe, kha nyi na va vbulugisa khu wulaho mwendro matshari, ambari khu gu dwana nyimbi, mwendro khu dzikavalu, ambari khu vakhileli vawe nya dzikavalo.”

Hoseya 2:23

Khu litshigu lolo, Pfhumu Nungungulu a ngu ganela, khuye: Eni nyi na ninga phindrulo Ndzadzini, ni Ndzadzini, gu na ninga phindrulo mafuni.

Zakariya 10:6

Nyi na ninga tshivba nyumba ya Judha, nyi wuya nyi vbanyisa nyumba ya Josefa, eni nyi na va wuyisa nyaluphye, kholu nyi ngu va pwela wusiwana. Va na gira gukhwatshi gima kha nya nga va diga, kholu eni kheni Pfhumu Nungungulu wawe, nyi na va ninga phindrulo.

Varoma 11:32

Kholu Nungungulu digide vatshavbo va thegela wugumbini nya guyeyise, afela gu yeyedza wuhindzi waye ga vathu vatshavbo.