Jeremiya 33:25 - Bhibhiliya Nya Guage

²⁵ Pfhumu Nungungulu a ngu ganela kharati, khuye: Gidzumeledzwano gyangu nya mihani ni wutshigu gya gumba simama, eni nyi si vegi milayo yi fumago ndzadzini ni mafuni,

Jeremiya 33:25 Iomraidhean Croise

Genesi 1:17

Nungungulu a di dzi vega ndzadzini gasi gu wenengedza mafu,

Genesi 8:22

“Gikhati gyatshavbo mafu ma na simamago na ma romo, guyala ni guhavela, guvbisa ni girame matshiga ni maronga, mihani ni wutshigu, gima kha si na fuva.”

Dzindzimo 104:19

U giride ngima gasi gu kabanisa dzinango, lidambo li ngu giti gikhati li pfolago khigyo.

Dzindzimo 119:91

Na muhuno satshavbo si ngu simama gukhedza khu guruma gwago, kholu silo satshavbo sa gu thumela uwe.

Dzindzimo 148:6

A si tiyiside malangani gwaye kala gupindruga, a si ningide nayo si tandregago gu wu yeyisa.

Jeremiya 33:20

Pfhumu Nungungulu a ngu ganela kharati, khuye: Mwa gu dzi kodza gu hambanisa gidzumeledzwano gyangu nya mihani, mwendro gu hambanisa gidzumeledzwano gyangu nya wutshigu, gasi gu si manegi wutshigu ni mihani khu gikhati gyaye,