Jeremiya 33:24 - Bhibhiliya Nya Guage

²⁴ “Uwe u ngu wona nya gukhuwe vathu vava va ngu ganela, khavo: Pfhumu Nungungulu a pfhurarede mafumbu yaya ya mavili a ma hathidego, gani? Va gu hega vathu vangu, va gira gukhwatshi vathu va nga bani vari mwalo litigo mbeli gwawe.”

Jeremiya 33:24 Iomraidhean Croise

Dzindzimo 71:11

va ganela, khavo: “Nungungulu a mu digide;” mu lundreni hi mu mola, kholu mwalo nya gu mu vhikele.

Dzindzimo 83:4

Vari, khavo: “Deluni, hongoleni hi fuvise vathu va na Israyeli, gasi lina lawe li futwa muphelo li si alakanywi gambe.”

Dzindzimo 83:5

Kholu va pwananide khu monyo moyo va vbweta gu Gu wugela, va hungide gikungo nya gudwane Nago.

Dzindzimo 94:14

Kholu Pfhumu Nungungulu kha na diga vathu vaye, ambari gu diga thomba yaye.

Isaya 11:13

Khu guralo, a na vbedza lidiwo la Efrayimi, valala va Judha, va na mbembiswa; Efrayimi kha na girela gambe lidiwo Judha, ambari Judha nuye, kha na tshanisa Efrayimi.

Isaya 7:17

Aholu Pfhumu Nungungulu a na resa gwago, vbakari ga vathu vago, gumogo ni dzindranga dza babe wago, khiyo ga mufumeli wa Asiriya, matshigu nya gu gima ma si gu manegi, gukhugela litshigu Efrayimi a nga dzi pambulago ga Judha.

Jeremiya 3:7

Nyi di alakanya gukheni hwane nya gu bani giride sighoho satshavbo sesi, mwendro saye a na wuya eno gwangu, aholu uye kha wuya ndriyaye nya mukanganyisi, Judha a si wone satshavbo sesi.

Jeremiya 3:8

U mu wone Israyeli idzo nyi nga mu tutumisa khidzo khu kotani nya wuphuphulu a wu giridego, nyi mu ningide Mosi, khu kotani nya sighoho saye, nyi wonide gukheni ndriyaye Judha nyamba tumbega, a di gira nuye wuphuphulu nyamba thava gilo.

Jeremiya 30:17

Kholu nyi na wusedza womi wago ni gu hawulugisa dzimbanga dzago, a ngu ganela Pfhumu Nungungulu; khu guralo, va na gu riya lina nya gupwani, muhudwa na va gu ganela, khavo: Siyoni kha khathaledwi gambe khu muthu.”

Jeremiya 31:36

Pfhumu Nungungulu a ngu ganela, khuye: “Milayo yeyi ya gu fuva mbeli gwangu, khavbo nugo lihundzu la na Israyeli li na fuvago li si khali gambe litigo mbeli gwangu kala gupindruga.”

Jeremiya 31:37

Pfhumu Nungungulu a ngu ganela kharati, khuye: “Mwa gu kodzani gupima wugulu wa vbatshani ndzadzini ni gu wona mahegiso nya litigo omu vbavbatshi, khavbo neni nyi na gu hambanago ni situgulwana sa Israyeli, khu satshavbo va giridego,” khu Pfhumu Nungungulu a ganelago isoso.

Jeremiya 33:23

Pfhumu Nungungulu a di embela Jeremiya, khuye:

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Jeremiya 51:5

kholu Israyeli ni Judha kha va digwa khu Nungungulu wawe, ni Pfhumu Nungungulu nya Tshivba Yatshavbo ambari litigo la Vabhabhiloni li tadego khu sighoho nya gu ghohele Gihathwa gya Israyeli.

Gililo 4:15

Va di embedwa gupwani: Khugani avba! Vathu nya gunyenyeze! Khugani mu nga hi khuhi. Va di thava va legalega ni mayigo, va nya mayigo va va embela, khavo: “Vathu vava va nga khali gambe vbakari gwathu.” Pheni

Ezekiyeli 25:3

Yingisani magana ya Mune Pfhumu Nungungulu. Mune Pfhumu Nungungulu a ngu ganela kharati, khuye: Kha nga mu ganedego, khenu: Khavbo gwadi! Gikhati yi nyenyezisidwego Nyumba yangu nya miphaso, mayelano khu litigo la Israyeli, gikhati li nga khungumudwago, ni gikhati litigo la Judha li nga yiswa wugumbini,

Ezekiyeli 26:2

“Mwamana wa muthu, Kha nga olu Tiro a ganedego khu Jerusalema, khuye: Khavbo gwadi! Nyangwa ya va nya mayigo, yi khungumudwe, nyi tuledwe; nyi khala gitetema kholu yi khungumudwego,

Ezekiyeli 36:2

Mune Pfhumu Nungungulu, a ngu ganela kharati, khuye: Nala ganede mayelano khu enu, khuye: Ah! Ah! Ambari ni malanga nya gulaphe ya gale, olu ma gu lumba ethu.

Ezekiyeli 36:20

Ga mayigo va vbindridego khumo, avo va di ya nyenyezisa lina langu nya guage, khu guralo, va di gu ganela mayelano khu avo, khavo: Ava vathu va Pfhumu Nungungulu, avo va dusidwe khu ga litigo va ningidwego.

Ezekiyeli 37:11

Khavbo avbo, a di nyi embela, khuye: “Mwamana wa muthu, marambo yaya khu va na Israyeli. Avo vari, khavo: Marambo yathu ma bangide, gu mbembide gutumba gwathu; hi mbembisidwe.

Ezekiyeli 37:22

Nyi na va gira lihundzu limwedo basi mafuni, sigomoni sa Israyeli, ni mufumeli moyo basi, a na khala ga vatshavbo. Gima kha va na khala gambe mayigo mavili; Ga matshigu matago gima kha va na dzi kabanisa gambe khu mifumo mivili.