Jeremiya 33:18 - Bhibhiliya Nya Guage

¹⁸ ambari gu hamugega muphasi nya mhamba nya lidzaha nya gudugele nyumbani ga Levhi, gasi gu ema mbeli gwangu a simama gu ningela miphaso nya guvbiswe, ni guvbisa miningelo nya dzimbewu, a gira dzimhamba matshigu yatshavbo.”

Jeremiya 33:18 Iomraidhean Croise

Ezira 3:5

Khu hwane nya esi, va di ningela gambe ningelo nya guvbiswe nya litshigu ni litshigu iyo nya Gumege nya Ngima, ni iyo nya mibuzo yatshavbo nya guphasele Pfhumu Nungungulu; gumogo gambe ni wevbini a nga bani a ningela khu gudzina gwaye ga Pfhumu Nungungulu khu matsenya.

Isaya 56:7

avo navo nyi na va dzega nyi va yisa gigomoni gwangu nya gukatege, nyi ya va tsakisa Nyumbani gwangu nya Milombelo. Miphaso yawe nya guvbiswe ni dzimhamba dzawe, si na hakhwa siluveloni gwangu, kholu Nyumba yangu yi na ranwa nyumba nya Milombelo ga mayigo yatshavbo.

Isaya 61:6

Aholu enu mu na ranwa vaphasi nya mhamba ya Pfhumu Nungungulu, va na mi rana sithumi sa Nungungulu wathu. Mu na hodza dzithomba dza va nya mayigo, ni dzithomba dzawe, dzi na khala dzanu.

Jeremiya 33:19

Pfhumu Nungungulu a di embela Jeremiya, khuye:

Jeremiya 33:22

Livelego la githumi gyangu Dhavhidhe, ni la va na Levhi va nyi thumelago, nyi na va gira va tala kha nga dzinyeledzi dza ndzadzini, ni fungo wa phwani nyamba pimwa.

Jeremiya 35:19

Pfhumu Nungungulu nya Tshivba Yatshavbo, Nungungulu wa Israyeli a ngu ganela kharati, khuye: Ndrani nya livelego la Jonadhabhi, mwamana wa Rekabhi, gima kha gu na hamugega muthu a na gu thumago mbeli gwangu matshigu yatshavbo.”

Ezekiyeli 44:15

Aholu, vaphasi nya mhamba va na Levhi, a gu sanana sa Sadhoki, va nga sayisa wulanga wangu nya guage, gikhati va na Israyeli va nga bani va si theli kota khu eni, avo va di hidzimela gwangu va ta nyi thumela, va na ema mbeli gwangu, gasi gu nyi girela miphaso nya mafura ni novba; a ngu ganela Mune Pfhumu Nungungulu.

Ezekiyeli 45:5

Gipandre gi na gu bani giri likhumi na dzimbili dzikilometro ni gipandre gulapha, ni livbandre dzikilometro guanama, gi na lumba va na Levhi, avo va na thumelago Nyumbani ga Nungungulu; igyogyo, gi na bani giri gipandre gyawe nya thomba gasi va vbaha umo dzinyumba dzawe; va na vbaha umo, magumavili dzinyumba.”

Mitengo 3:5

Pfhumu Nungungulu a di ganela ga Mosi, khuye:

Varoma 1:21

Va di gu dziti gukhavo Nungungulu womo, aholu kha va mu thela kota ni gu mu rungudza kha nga edzi gu vbwetegago khidzo. Va di pfhala khu mipimiso yawe nyamba phasa gilo, ni gu myonyo yawe yi gola gu landrisela silo nya gidema.

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

Dhewuteronome 18:1

Vaphasi nya mhamba nya Valevhi, gumogo ni lihundzu latshavbo la na levhi, kha va na mana gipandre mwendro thomba tigoni ga Israyeli; va na hodza miningelo nya guvbisedwe Pfhumu Nungungulu, ni sile si va lumbago.

Dhewuteronome 24:8

Dzi wonele ga tungu nya sokono, dzi garadze khu gu landrisa satshavbo u na hevbudzwago khu vaphasi nya mhamba va na Levhi; kha nga idzo nyi va leletedego khidzo, zama gu si gira.

Josuwa 3:3

“Mwa gu wonani Ngasa nya Gidzumeledzwano gya Pfhumu Nungungulu wanu, na yi rwadwe khu vaphasi nya mhamba va na Levhi, mu na khuga vbalizumbotunu gwanu mu phara ndzila mu yi landra.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

Gutuledwa 1:6

a gu hi gira vafumeli ni vaphasi nya mhamba ya Nungungulu Babe waye. Khyaye gidhumo ni tshivba kala gupindruga. Amen.

Gutuledwa 5:10

U va giride vafumeli ni vaphasi nya mhamba ya Nungungulu wathu; avo va na fuma mafuni.”