Jeremiya 33:16 - Bhibhiliya Nya Guage

¹⁶ Khu matshigu yoyo, Judha a na vbanyiswa, Jerusalema a na vbanya na tiyide, eli khu lina va na mu ranago khilo, khavo: “Pfhumu Nungungulu khuye Gululama Gwathu.”

Jeremiya 33:16 Iomraidhean Croise

Isaya 45:17

Aholu Pfhumu Nungungulu a na vbanyisa Israyeli kala gupindruga; gima kha mu na thega gambe dzitshoni, ni guhambanega mapimo kala gupindruga.

Isaya 45:22

Wuyani avbo gwangu, mu na ta vbanyiswa enu mwatshavbo mutago khu mahegiso nya litigo; kholu eni kheni Nungungulu, mwalo mumbe.

Jeremiya 23:5

Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Jeremiya 23:6

Matshiguni yaye, Judha a na vbanyiswa, Israyeli a na vbanya na khadzisegide khu gurula; a na ningwa lina nya gupwani: “Pfhumu Nungungulu khuye gululama gwathu.”

Jeremiya 30:10

Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Jeremiya 32:37

Wonani nya gukhenu nyi na va tombanisa va wuya khu mayigoni gwatshavbo nyi va phalalegisedego umo khu kotani nya likhulo langu, likhulo ni giviti gyatshavbo; nyi na va wuyisa wulangani wowu vata vbanya khu gurula ni gukhadzisega.

Jeremiya 50:7

Vatshavbo avo va va manago va gu va sasela; valala vawe na va gukhavo: Ethu hi mwalo nandru; kholu avo va ghohede Pfhumu Nungungulu gumogo ni wulanga nya wululamo, a gu Pfhumu Nungungulu, gitumbo gya vababe vawe.

Ezekiyeli 28:26

Avo va na vbanya mule na va tshulegide, va na vbaha dzinyumba dzawe ni gu yala miuvha; va na vbanya khu gurula gikhati nyi na tsayisago vaakelane vawe vatshavbo va va giredego guvivba. Khavbo avbo, avo va na nyiti gukhavo kheni Pfhumu Nungungulu wawe.

Ezekiyeli 38:8

Hwane nya matshigu nya mangi, u na ranwa; avbo gu na vbindrago myaga nya yingi, uwe u na ta dwana ni litigo li tshudzisidwego khu matshari, li patidwego khu mayigo nya mangi, vbatshani nya sigomo sa Israyeli, gikhati gyatshavbo si nga bani si khade marumbi; vathu vava, va dusidwe khu ga mayigo nya guhambanelane, gasi vatshavbo va vbanya umo khu gurula.

Ezekiyeli 48:35

Pfhuka wa maphuvbo yatshavbo wu diri wa likhumi na livbandre na mararu magumi mazana (18.000); lina nya lidhoropa, gukhugela litshigu lile li na pwani: Pfhumu Nungungulu womo vbale.

Dhaniyeli 9:7

Uwe Pfhumu, u lulamide, aholu ethu muhuno hi tade khu dzitshoni kha nga u hi wonago. Ethu vathu va Judha, va Jerusalema ni vatshavbo va na Israyeli, avo va vbafuvbi, ni avo va hwindzo, mayigoni gwatshavbo u nga hi phalalegiselago umo khu kotani hi nga hambana nago, hi si gu tumbi.

Varoma 11:26

Gikhati gyogyo, ngamo yatshavbo ya na Israyeli yi na vbanyiswa kha nga yi ganelago Milowo nya Guage, khiyo: “Khu Siyoni a nata muvbanyisi, a nata handzago guvivba ga sanana sa na Israyeli.

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Dhewuteronome 33:12

Na gu thula Bhejami a di ganela, khuye: Gigodwa gya Pfhumu Nungungulu, gi na khala gurulani gumogo naye; Pfhumu Nungungulu a na mu hetedza kala gupindruga, uye a na hefemula magatani gwago.

Dhewuteronome 33:28

Khu guralo, Israyeli a na khala na tiyide, ni nambo wa Jakobe wu na khadzisega, tigoni nya tirigu ni vbinyu, gu thegago thondrwane khu damboni.

Vafilipi 3:9

Satshavbo nya gu si wona nga ndzilo khu gufela gu mana Kristo nyi hengela naye guvbanya. Eni nya gu vbanya wulongoni gwa Nungungulu, khandri khu kota nya gulandrise Nayo, kholu wulongo nya wadi ni Nungungulu wa gu hungwa khu gukhodwa.

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.