Jeremiya 33:15 - Bhibhiliya Nya Guage

¹⁵ Khu matshigu yoyo ni ga gikhati gyogyo, nyi na bugisa khu ga Dhavhidhe; pfhundre nya wululamo; uye a na lamula litigo khu gululama ni lisine.

Jeremiya 33:15 Iomraidhean Croise

Dzindzimo 45:4

Khilela kavalu nya gupale, u ya dwanela lisine ni gululama; libogo lago la nyamudye li na gu hevbudze gu gira siliwugiso.

Dzindzimo 45:7

U ngu gola gululama, u nyenya guvivba; khigyo gi nga girago Nungungulu wago a gu todza khu mafura nya gunengele, guvbindra vatshavbo u palisanago navo.

Isaya 4:2

Khu litshigu lile, lithungedwa la Pfhumu Nungungulu li na tala khu wumburi ni wuzundzo; mihandro nya mafu, yi na bani yiri matshandza ga va na Israyeli va na vbulugago.

Isaya 42:21

Pfhumu Nungungulu a di gu nengela khuye, khu lihaladzo nya gululame gwaye, a mu khusedzide khu nayo, a mu ninga wudhumo.

Isaya 53:2

Kholu githumi gyangu gi di dandra mbeli ga Pfhumu Nungungulu kha nga litamo li thungago, mwendro kha nga khamba mafuni nya gihala; a diri mwalo giemo nya gutsakise mwendro wumburi.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 17:25

Khu guralo, va na simama va bela khu dzinyangwa nya lidhoropa leli la Jerusalema, vafumeli ni manganagana, na va khilede dzikareta ni dzikavalu, gasi guya khala vbagikhalotunu nya wufumu wa Dhavhidhe. Va bela ni manganagana yawe, vathu va Judha gumogo ni vavbanyi va Jerusalema; lidhoropa leli li na bani liri ni vathu kala gupindruga.

Jeremiya 30:9

“Va na thumela Eni Pfhumu Nungungulu wawe, va thumela gambe Dhavhidhe, mufumeli wawe, uye nyi na gu mu hathago vbakari gwawe.”

Jeremiya 50:7

Vatshavbo avo va va manago va gu va sasela; valala vawe na va gukhavo: Ethu hi mwalo nandru; kholu avo va ghohede Pfhumu Nungungulu gumogo ni wulanga nya wululamo, a gu Pfhumu Nungungulu, gitumbo gya vababe vawe.

Zakariya 3:8

Olu, upwa gwadi, uwe Josuwa, muphasi nya khongolo nya mhamba, uwe gumogo ni vangana vago va khalago mbeli gwago, kholu enu mu giwoniso nya guvbanyiswe gu natago; Eni nyi na resa githumi gyangu nya gupwani Lithungedwa.

Gutuledwa 19:11

Nyi di wona gambe ndzadzini na gu tulegide, gu wonega kavalu nya guage. Oyu a yi khiledego a gu ranwa pwani khuye nya “Gutumbege,” nya “Lisine,” kholu khu gululama a di fuma ni gu dwana nyimbi.