Jeremiya 33:14 - Bhibhiliya Nya Guage

¹⁴ Ma nguta matshigu, a ngu ganela Pfhumu Nungungulu, avbo nyi na gu tadzisago magana nya yadi nyi tumbisidego ga nyumba ya Israyeli ni nyumba ya Judha.

Jeremiya 33:14 Iomraidhean Croise

Genesi 22:18

Mayigo yatshavbo ya mafuni, ma na kategiswa khu ga melego wago, kholu uwe u yingiside magana yangu.”

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Jeremiya 23:5

Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Jeremiya 29:10

Pfhumu Nungungulu a ngu ganela kharati, khuye: Avbo gu na tadzisegago myaga nya livbandre na mavili magumi, na mu fumedwe khu Vabhabhiloni, Eni nyi nata mi holelani gasi nyita gira gidzumeledzwano nyi giridego nanu, ni gu mi wuyisa nyaluphye wulanga wowu.

Jeremiya 31:27

Pfhumu Nungungulu a ngu ganela kharati, khuye: “Wonani, ma na vboha matshigu nyi na gu yalago ndrangani ga Israyeli ni ga Judha mbewu nya vathu ni mbewu nya sirengo.”

Jeremiya 32:42

Kholu Pfhumu Nungungulu, a ngu ganela kharati, khuye: Kha nga nyi giredego vathu vava dzimhango nya dzikhongolo, nyi na va resela gambe makategwa yatshavbo nyi va tumbisidego.

Jeremiya 33:9

“Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 9:25

Olu dziti gwadi ni gu pimisa esi: “Gukhugela gu nga duga sileletelo si rumago gu wusedza ni gu vbahedza Jerusalema, kala gu vboha Mesiya, uye a gu Pfhumu, gu na manega livbandre na dzimbili dzisemana; khu livbandre na limwedo magumi dzisemana. Gu na wusedzwa lidhoropa gu wusedzwa dzindzila ni makhokhola, aholu a na bani ari matshigu nya sigaradzo.”

Amosi 9:11

Khu litshigu lolo, nyi na wusa gambe tshatsha wa Dhavhidhe wu thegidego. Nyi tshikedzela malufa yaye, nyi wusa marumbi yaye. Nyi na wu vbahedza nga idzo wu nga bani ma romo khidzo khu gale;

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Malakiya 3:1

Pfhumu Nungungulu nya Tshivba Yatshavbo a ngu ganela, khuye: “Wonani nyi ngu rumela ngilozi yangu gasi guta dongisela ndzila mbeli gwangu; Pfhumu mu mu dilelago a na bela khu guvbiredza nyumbani gwaye, ni ngilozi nya gidzumeledzwano hi yi virelago gu reswa, yi ngu vboha.”

Luka 10:24

Kholu nyi ngu mi embelani nya gukheni: Vaprofeti nya vangi ni vafumeli va dzinide gu wona esi mu si wonago, kha va si wona; ni gupwa iso mu si pwago, gambe kha va sipwa gilo!”

2 Vakorinto 1:20

Kholu ambari situmbiso sa Nungungulu si manide “Ina,” khu guralo hi ngu ganela khu Uye khethu, “Amen” hi dhumisa Nungungulu.

Vahebheru 11:40

Kholu, Nungungulu a hi dongisede gilo nya gyadi ngudzu, khegi: Avo ni ethu, hatshavbo hi khale vathu nya guvbelele.

1 Pedro 1:10

Vaprofeti va wudzisede ni gusola gwadi mahungu nya guvbanyiswe gogo, va tiviside mahungu nya giningwa nya guvbanyiswe gi vegisedwego gu ningwa enu.

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.