Jeremiya 33:10 - Bhibhiliya Nya Guage

¹⁰ Pfhumu Nungungulu a ngu ganela kharati, khuye: Wulanga wowu mu wu ranago khenu giwula nyamba khadwa khu muthu ambari sirengo, khu guralo, madhoropani ya Judha ni dzindzilani ga Jerusalema, gu ghohetedwego nyamba manega muthu ambari gu khadwa khu vathu ni sirengo, gu nga na gu pwala gambe

Jeremiya 33:10 Iomraidhean Croise

Dzindzimo 147:13

Kholu a ngu tiyisa malimba nya dzinyangwa dzago, a kategisa sanana sago ndrani nya libhiyo lago.

Dzindzimo 85:7

Pfhumu Nungungulu, hi yeyedze wuhindzi wago bwelo khavbo u hi vbanyisa!

Jeremiya 26:9

Khu ginani u profetago khu lina la Pfhumu Nungungulu, khuwe: Ndranga yeyi yi na fanana ni Silo, ni lidhoropa leli li na khala marumbi nyamba khadwa khu vathu?” Vathu vatshavbo va nga bani vari Nyumbani ga Nungungulu va di randrela Jeremiya.

Jeremiya 32:36

Gasi olu, Pfhumu Nungungulu wa Israyeli, a ngu ganela kharati mayelano khu lidhoropa leli mu ganelago khilo, khenu: Li ningedwe mandzani ga mufumeli wa Bhabhiloni, li sasedwa khu matshari, ndzala ni mitungu.

Jeremiya 32:43

Litigo leli mu gukhenu giwula, kha gu vbanyi vathu ambari sirengo; li ningedwe mandzani ga Vakalidhiya, gu na rengwa marembwe.

Jeremiya 34:22

Wonani gukhenu nyi na mi ninga nayo, a ngu ganela Pfhumu Nungungulu. Nyi na va gira va wuya gambe dhoropani momu, va nata li sasela ni gu li wandra va li vbisa, madhoropa ya Judha, ma na vbindrugedza ma khala marumbi, avbo nyamba manega ni muthu nya gukhale umo.”

Ezekiyeli 37:11

Khavbo avbo, a di nyi embela, khuye: “Mwamana wa muthu, marambo yaya khu va na Israyeli. Avo vari, khavo: Marambo yathu ma bangide, gu mbembide gutumba gwathu; hi mbembisidwe.

Levhi 26:32

Nyi na ghohetela litigo leli, valala vanu va nata khalago umo, va na liwuga ni gu samala.

Agewu 1:4

“Ina khigyo egi gikhati nya gu enu mu khalani dzinyumbani nya gumburisedwe khu mapulango, aholu nyumba yeyi yi simama gu khala marumbi, gani?”