Jeremiya 32:41 - Bhibhiliya Nya Guage

⁴¹ Eni nyi na nengela khavo, nyi na va kategisa ni gu va ninga wulanga wu tiyidego tigoni momu, khu monyo wangu watshavbo ni hefemulo wangu watshavbo.

Jeremiya 32:41 Iomraidhean Croise

Dzindzimo 80:8

U wuyiside litshina nya wuvha khu tigoni ga Egipito, u tutumisa va nya mayigo u li yala tigoni gwawe.

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 62:4

Gima khu na ranwa gambe “Oyu a digidwego,” ambari litigo lago gu gu ranwa gupwani “Marumbi;” aholu, va na gu ranwa pwani “Gigodwa gyangu;” ni litigo lago, li na ranwa gupwani “Pfhumugadzi;” kholu Pfhumu Nungungulu a gu gode ngudzu; a na dzegana ni litigo lago.

Isaya 62:5

Kholu, kha nga lidzaha li dzeganago ni mbiri, kharato nugo sanana sago si na dzegana nago; kha nga mwama nya khundzwa a tsakiswago khu mwangadzi waye nya khundzwa, kharato nugo Nungungulu wago a na nengela khu uwe.

Isaya 65:19

Nyi na nengela khu Jerusalema, nyi tsaka khu vathu vangu, gima kha gu na pwala gambe gwawe lito nya gililo, ambari gudilela.

Jeremiya 18:9

Khu gimbe gikhati nya gu leletisa gukheni gu vbahwa ni gu emisa litigo mwendro mufumo nya gukari,

Jeremiya 24:6

Nyi na va khedza khu maho nya wuhindzi nyi va wuyisa tigoni momu; nyi na va tiyisa gima kha nyi na va pfhungumula, nyi va tsitsa, aholu gima kha nyi na va sigula.

Jeremiya 31:28

Pfhumu Nungungulu a ngu ganela, khuye: “Kha nga gikhati gi vbindridego nyi nga va khedza gasi gu va sigula ni gu va khungumula, ni gu va thesa, ni gu va tshanisa; nyi na va khedza gambe kharato gasi gu va vbaha ni gu va yala.”

Ezekiyeli 36:36

Khu guralo, va nya mayigo nya vaakelane vanu va na tshalago va na dziti gukhavo eni Pfhumu Nungungulu, nyi vbahedzide madhoropa ma khungumudwego, nyi yaledza iso si nga bani si digidwe. Eni, Pfhumu Nungungulu nyi ganede, gambe nyi na si gira.

Hoseya 14:5

Avbo ga Israyeli nyi na khala kha nga thondrwane; uye a na nyuga nga genge a nava mikhamba nga simbo wa Libhanoni.

Amosi 9:15

Nyi na va yala tigoni gwawe, gima kha va na sigudwa gambe ga litigo nyi va ningidego, a ngu ganela Pfhumu Nungungulu wago.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Sofoniya 3:17

Pfhumu Nungungulu wago, womo vbakari gwago, kha nga muvbanyisi nya tshivba; Uye a ngu nengela khu gutsaka khu kotani gwago, khu lihaladzo laye, a na gu wusedza u khala muphya, khu kotani yago, uye a na hana ni guwomba mikulungwane nya litsako.

Dhewuteronome 28:63

Kha nga olu Pfhumu Nungungulu a tsakago khu gu mi kategisa, a mi andrisa, khidzo gambe kharato Pfhumu Nungungulu a na tsaka khu gu mi pfhungumula ni gu mi mbembisa; a nenu mu na duswa ga litigo mu yago ga ilo guya li fumela.

Dhewuteronome 30:9

Pfhumu Nungungulu wago, a na gu fumisa, a gu kategisa mithumoni yatshavbo nya mandza yago, ni ya mahembeni gwago, ni ya umo nya sifuyo sago, ni mihandro ya mahangeni gwago, yi na tala ngudzu. Pfhumu Nungungulu a na bwelo khavbo a gu kategisa, a salala khuwe, kha nga idzo a kategisidego khidzo vababe vago.