Jeremiya 32:39 - Bhibhiliya Nya Guage

³⁹ Nyi na va gira va manega ni monyo moyo nya wadi ni gu gimbila khu ndzila mweyo, gasi va nyi ninga githawo gikhati gyatshavbo, gasi va vbanye gwadi avo gumogo ni livelego lawe.

Jeremiya 32:39 Iomraidhean Croise

Genesi 17:7

Nyi na hunga gidzumeledzwano nago ni situgulwana sago gambe khu mimela ni mimelana; wu na khala pwanano kala gupindruga; khu tshivba nya pwanano wowu, Eni nyi na khala Nungungulu wago ni Nungungulu wa situgulwana sago.

Genesi 18:19

Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

Genesi 22:12

Yi di engedza gambe yi mu embela, khiyo: “U nga khusi libogo lago u songa gyanana, u nga gi bayisi. Olu nyi ngu wona gukheni u na ni githawo ga Nungungulu, kholu khwa nyi bombela mwanago, gyanana gyago gya gimwegyo basi.”

2 Dzikoronika 30:12

Mandza ya Nungungulu, ma diri gumogo ni vathu va Judha, va pwanana khu monyo moyo, gasi va gira sileletelo sa mufumeli ni sa manganagana yaye, mayelano ni magana ya Pfhumu Nungungulu.

Dzindzimo 112:1

Aleluya! Dhumisani Pfhumu Nungungulu! Kategide muthu a thavago Pfhumu Nungungulu! A golago gu landrisa milayo yaye.

Dzindzimo 128:6

u nengela khu gu wona sanana sa sanana sago. Gurula gu na khale ga va na Israyeli!

Dzindzimo 86:11

Nyi hevbudze Pfhumu ndzila yago, gasi nyi kodza gu gimbila lisineni.

Mavingu 23:17

Monyo wago wu nga dogoreli sighohi, aholu uwe thava Nungungulu gikhati gyatshavbo.

Isaya 35:8

Gu na manega avbovbo ndzila nya yikhongolo nya likondro, yi na ranwago pwani Ndzila nya Guage; va nya gunyenyeza, kha va na vbindra khiyo. Yi emisedwe basi vathu va Nungungulu, khavo va na gimbilago khiyo, ambari nari sipumbu, kha va na dzimela.

Isaya 52:8

Upwani huwa ya vawoneleli! Vatshavbo va gu khusa lito va embelela gumogo khu lito limwedo na va tsakide; kholu va na wona khu maho yawe guwuya ga Pfhumu Nungungulu gigomoni ga Siyoni.

Isaya 65:23

Kha va na thumela mahala, ambari gu velega sanana gasi si tshaniseka, kholu avo gumogo ni situgulwana melego wu kategisidwego khu Pfhumu Nungungulu.

Jeremiya 24:7

Nyi na va ninga monyo nya gu nyiti gukhavo eni kheni Pfhumu Nungungulu; avo va na khala vathu vangu, eni nyi na khala Nungungulu wawe; kholu va na wuya avbo gwangu khu monyo wawe watshavbo.

Jeremiya 31:33

Kholu egi khigyo gidzumeledzwano nyi na gu girago ni ndranga ya Israyeli hwane nya matshigu yale, nyi na lova nayo wangu myonyoni gwawe nyi wu vega mapimoni gwawe; Eni nyi na khala Nungungulu wawe, avo va na khala vathu vangu; a ngu ganela Pfhumu Nungungulu.

Jeremiya 32:40

Nyi na gira navo gidzumeledzwano nyamba vbela, gambe kha nyi na diga gu va kategisa; nyi na thela myonyoni gwawe mapimo nya gu nyi ninge githawo gasi va si hambani ni Eni.

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Ezekiyeli 36:26

Nyi na mi ningani monyo nya wuphya, nyi thela ndrani gwanu liphuvbo nya liphya; nyi na dusa gwanu monyo nya giwindri nyi thela monyo nya nyama.

Ezekiyeli 37:22

Nyi na va gira lihundzu limwedo basi mafuni, sigomoni sa Israyeli, ni mufumeli moyo basi, a na khala ga vatshavbo. Gima kha va na khala gambe mayigo mavili; Ga matshigu matago gima kha va na dzi kabanisa gambe khu mifumo mivili.

Ezekiyeli 37:24

Githumi gyangu Dhavhidhe a na khala mufumeli wawe, vatshavbo va na landrela muhavisi moyo basi, va na landrisa milayo yangu, va na vegedza sileletelo sangu ni gu si landrisa.

Ezekiyeli 37:25

Va na vbanya tigoni nyi ningidego githumi gyangu Jakobe, umo va vbanyidego umo vababe vanu. Va na vbanya umo, avo ni sanana sawe, gumogo ni situgulwana sawe, kala gupindruga; Dhavhidhe, githumi gyangu, a na khala uye mufumeli wawe kala gupindruga.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Johane 17:21

gasi vatshavbo va khale moyo basi; kha nga uwe, Baba u gomo gwangu, eni gwago, avo navo va na khale gwathu, gasi litigo li khodwe gukhilo khuwe u nyi rumedego.

Mithumo 13:33

Nungungulu tadziside ga ethu, sanana, gitumbiso a nga gira ga vababe vathu, khu gu wusa Jesu. Kha nga gu lovidwego umo nya Dzindzimo, gupwani: ‘Uwe u Mwamana wangu nyi gu velegidego muhuno.’

Mithumo 2:39

Kholu khu lisine gitumbiso gya gu lumba enu ni sanana sanu ni vatshavbo vale va guromo hwindzo; vatshavbo ava Nungungulu Pfhumu yathu a va ranago gwaye.”

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Mithumo 4:32

Talo nya vathu va nga khodwago va di gu vbanya khu monyo moyo ni hefemulo moyo. Mwalo muthu a nga bani a gu thula gilo gyaye khuye egi khyangu, aholu va di hengela silo satshavbo.

Mithumo 9:31

Libandla li di gu vbanya khu gu rula Judheya gwatshavbo, ni Galileya ni Samariya; Li diya na li gu dandra ni githawo ga Nungungulu, na li gu tiyiswa khu tshivba nya Liphuvbo nya Guage.

Varoma 11:16

Kholu gipandre nya guhegule nya gibaba gya bani gi phasedwe Ningungulu, gu yeyedza gupwani gibaba gyatshavbo gi agisedwe Nungungulu. Mikhamba nya simbo ya gu bani yi kategide, ni matamo yakone gambe, ma kategide!

1 Vakorinto 7:14

Kholu, mwama a si gu mukhodwa a ngu agiswa khu gukhodwa ga mwangadzi waye. Anuye nyamayi a si gu mukhodwa a ngu agiswa khu gukhodwa ga mwama waye. Nasiri guralo, sanana sanu si di hadza gu velegedwa gighohoni, aholu si agisidwe.

2 Vakorinto 13:11

Khu guhegisa, vandruye, nyi ngu mi lomba mu khale khu gutsaka, ni gululama, mu tangadzisana khu gyanu. Mu vbanya khu gu pwanana, mu khala khu gurula, Nungungulu nya lihaladzo, ni gurula a na khale vbakari gwanu.

Dhewuteronome 5:29

A diri gwadi ngudzu naripwani va gu mana monyo yoyu, nya gu va nyi ninga githawo ni gu sayisa gikhati gyatshavbo milayo yangu yatshavbo, gasi va katega avo ni sanana sawe kala gupindruga.

Dhewuteronome 6:2

Khu guralo, u fanede gu thava Pfhumu Nungungulu wago, u vegedza milayo yaye yatshavbo ni sirumo nyi gu leletelago, uwe gumogo ni sanana sago ni situgulwana sago, matshigu yatshavbo nya guvbanye gwago; gasi matshigu yago ma engedzedwa.

Dhewuteronome 6:24

Pfhumu Nungungulu a hi rumide gukhuye hi landrisa sileletelo satshavbo sesi ni gu ninga githawo Pfhumu Nungungulu wathu, gasi hi mana gukhadzisega gikhati gyatshavbo, ni gu Uye Nungungulu a hi ninga womi, kha nga a girago kala na muhuno.

Vahebheru 10:20

Khu makhuvi a gu givili gyaye, Jesu a hi tulede ndzila nya yiphya nya guvbanye.