Jeremiya 32:35 - Bhibhiliya Nya Guage

³⁵ Va di emisa siluvelo nya guphasele Bhahali, kovani wa mwamana wa Hinomi, gasi gu ya vbisa iyoyo sanana sawe nya sikhwathana ni iso nya sagadzyana, va vbisela Moloki, iso Eni nyi ngamba va ruma ambari gu vbindra khu hungoni gwangu, va gira manyala nya nga ayoyo, gasi gu thela va na Judha mugighohoni.

Jeremiya 32:35 Iomraidhean Croise

1 Dzipfhumu 11:33

Nyi na gira kharato kholu va nyi pfhurarede vaya khozela Asitaroti, nungungulu wa Vasidhoni, ni Khemosi nungungulu wa va na Mowabhi, ni Milikomu, nungungulu wa sanana sa Amoni, va si gimbili khu dzindzila dzangu, gasi va gira silo nya gululame mahoni gwangu, ni guti milayo ni sileletelo sangu, kha nga babe waye Dhavhidhe.

1 Dzipfhumu 11:7

Khavbo avbo, Solomoni a di vbaha gigomoni gu nga khedzanago ni Jerusalema, giluvelo nya guphasele avbo Khemosi, nungungulu nya manyala wa Mowabhi, ni Moloki, manyala ya na Amoni.

1 Dzipfhumu 14:16

Israyeli a na ningedwa khu kotani nya sighoho si nga girwago khu Jerobhowamo, esi a nga gira a ghohisa khiso va na Israyeli.”

1 Dzipfhumu 15:26

A di gira ugo guvivbidego mahoni ga Pfhumu Nungungulu, a landrela dzindzila nya sighoho si nga girwago khu babe waye, a nga ghohisa va na Israyeli vatshavbo.

1 Dzipfhumu 15:30

Isoso, si giregide khu kotani nya sighoho sa Jerobhowamo, a ghohidego bwelo khavbo a ghohisa ni Israyeli watshavbo, a gu wusa kharati likhulo la Pfhumu Nungungulu wa Israyeli.

1 Dzipfhumu 16:19

Uye a difa khu sighoho saye a si giridego, khu gu gira silo nya guvivbe mbeli ga Pfhumu Nungungulu, a gimbila khu ndzila ya Jerobhowamo, a nga gira sighoho nya ghohise va na Israyeli vatshavbo.

1 Dzipfhumu 21:22

Nyi na gira ndranga yago kha nga idzo nyi giridego ndranga ya Jerobhowamo, mwamana wa Nebhati, kha nga ndranga ya Bhahasa, mwamana wa Ayiyasi, kholu u wuside likhulo langu bwelo khavbo, u ghohisa ni va na Israyeli.”

2 Dzipfhumu 21:11

“Kha nga olu Manasi, mufumeli wa Judha a giridego manyala yaya, a ghoha guvbindra iso va giridego Vaamori, avo va thangidego mbeli gwaye, a ghohisa ni va na Judha khu sifananiso saye.

2 Dzipfhumu 21:4

A di vbaha siluvelo Nyumbani ga Pfhumu Nungungulu, umo Pfhumu a nga ganelago, khuye: “Nyi na vega Lina langu Jerusalema.”

2 Dzipfhumu 23:10

A di nyenyezisa gambe Tofeti, wulanga nya guvbisedwe avbo, wu guromo kovani ga sanana sa Himoni, gasi gu si manegi ni moyo a yelago gu vbisa gyanana gyaye nya gikhwathana mwendro nya nyamahegyane a phasela Moloki.

2 Dzipfhumu 23:15

Ambari ni giluvelo nigyo gi bani giri Bheteli ni wulanga nya gukhugege uwo wu nga girwago khu Jerobhowamo, mwamana wa Nebhati, uye a nga ghohisa vatshavbo va na Israyeli; gumogo ni giluvelo gyogyo, ni wulanga nya gukhugege si di khungumudwa, nyumba yakone a yi vbisa yi khala nguma, a vbisa gifananiso gya Asitaroti.

2 Dzipfhumu 3:3

Khu guralo, a di namarela ga sighoho sa Jerobhowamo mwamana wa Nebhati, a nga ghohisa Israyeli watshavbo; a si hambani naso.

2 Dzikoronika 33:6

Vbiside niloni sanana saye nya madzaha sa mahembeni gwaye, kovani ga Bheni-Hinomi, a dzi ningede ga va nyadzisolo, ga va nyasikwembo ni dzinyanga, a dzi ningela ga va nyamaphuvbo nya guvivbe ni valoyi, thumide ngudzu mithumo nya guvivbe mbeli ga Pfhumu Nungungulu gasi gu mu gorosa.

2 Dzikoronika 33:9

Manasi a di ghohisa va na Judha ni vavbanyi va Jerusalema, va gira ugo guvivbidego ngudzu, guvbindra mayigo Pfhumu Nungungulu a nga bani a ma mbembiside gasi gu ninga mayigo yawe va na Israyeli.

2 Dzikoronika 36:14

Vathangeli vatshavbo nya vaphasi nya mhamba ni vathu, va di engedzela ngudzu gu gira mithumo nya guvivbe ya va nya mayigo; va nyenyezisa ni Nyumba ya Pfhumu Nungungulu, iyo a nga bani a yi agiside Jerusalema.

Ekisodha 32:21

Mosi a di wudzisa Aroni, khuye: “Ginani va gu giridego vathu vava, gukala u va diga va gira gighoho nya gikhongolo kharati?”

Isaya 57:5

enu mu dzi furumedzago khu sifananiso vbavbatshi nya misimbo nya minvula ni vbavbatshi nya misimbo yatshavbo yi nyugago, mu songa sanana sanu mikovani, mu gira khiso miphaso mitsongoni, ni dziphagoni nya siwindri, gani?

Jeremiya 19:2

u relela navo kovani wa mwamana wa Hinomi, vbafuvbi ni Nyangwa nya Lidambo, u naya ganela magana nyi na gu embelago;

Jeremiya 30:14

Vatshavbo avo u nga bani u gu haladzana navo olu va gu divade, kha va wudzisi gambe khuwe; kholu nyi gu bayiside kha nga idzo nyi bayisago khidzo nala, nyi gu ningide tsayiso nya guthise, kholu guvivba gwago gukhongolo ngudzu ni sighoho sago singi ngudzu.

Jeremiya 44:4

Gukhugela guhegulani nyi mi rumedeni vaprofeti, a gu sithumi sangu guta mi kawuka gukheni, mu nga giri silo nya gunyenyeze kholu Eni kha nyi si goli.

Jeremiya 7:30

Kholu va na Judha va giride iso si vivbidego mbeli gwangu. A ngu ganela Pfhumu Nungungulu; va giride manyala nyumbani gu khozedwago umo lina langu va gu nyenyezisa.

Jeremiya 7:31

Va vbahide malanga nya gulaphe nya gukhozele umo tigoni ga Tofeti, kovani ga mwamana wa Hinomi, gasi guya vbisela umo sanana sawe nya sikhwathana nesi nya sagadzyana khu nilo; silo nyi ngamba va ruma ambari gu si alakanya monyoni gwangu.

Ezekiyeli 23:37

Kholu avo va giride wubhayi, mandza yawe ma kunede khu novba; va bhayide ni sifananiso sawe; kala ni sanana sawe va nyi velegedego, va si vbiside niloni va phasela sifananiso.

Levhi 18:21

U nga ningeli ni moyo nya sanana sago, si girwa phaso nya guphasedwe Moloki, u nga nyenyezisa lina la Nungungulu wago. Eni kheni Pfhumu Nungungulu.

Mithumo 7:43

Mu di rwala tabherinakeli ya Moloki, ni gifananiso nya nyeledzi ya nungungulu Rafani, a gu sifananiso nya gugirwe khu mandza yanu mu fela gu si khozela. Khu nandru yoyo, nyi na mi vbagedzisa mu yiswa hwindzo guvbindra Bhabhiloni.’

Dhewuteronome 12:31

U nga giri kharato ga Pfhumu Nungungulu wago, kholu gunyenyeza gwatshavbo gu nyenywago khu Pfhumu Nungungulu, avo va dzi girede vanungungulu vawe, khu guralo, vathu vovo va vbiside niloni sanana sawe va vbisela vanungungulu vawe.

Dhewuteronome 18:10

A nga manegi vbakari gwanu ni moyo nya gugire phaso khu guvbisa mwamana waye mwendro nyamahegyane waye niloni, gambe a nga manegi oyu nya guthumise wunyanga, ni gulola dzisolo, va nya gufemba ni wuloyi;

Dhewuteronome 24:4

mwama nya guhegule gu mu dzega, a nga mu tutumisa, mwalo fanelo nya gu mu dzege gambe a khala mwangadzi waye, kholu nyamayi yoyu, nyenyezisidwe mbeli ga Pfhumu Nungungulu; khu kharato, u nga ghohisi litigo lile Pfhumu Nungungulu wago a na gu ningago li khala thomba yago.