Jeremiya 32:34 - Bhibhiliya Nya Guage

³⁴ Va nyenyeziside nyumba yangu nya miphaso gu khozedwago umo lina langu, khu gu vega umo sifananiso nya vanungungulu vawe nya malipha.

Jeremiya 32:34 Iomraidhean Croise

2 Dzipfhumu 21:1

Manasi, a diri ni tanga nya likhumi na mivili myaga, gikhati a nga phelago gu fuma, fumide Jerusalema livbandre magumi na livbandre myaga; lina la mayi waye, a di ranwa gupwani khu Hefizibha.

2 Dzipfhumu 23:6

A di dusa gambe khu Nyumbani ga Pfhumu Nungungulu gifananiso nya simbo nya guvatwe, a gi yisa vbavbandze ga Jerusalema, kala gitsongwanani gya Kedhroni, aya gi vbisa bambe nya gitsongwana gya Kedhroni, nguma wakone a wu vbaladzela marowoni ya vathu va tigoni.

2 Dzikoronika 33:15

A dusa Nyumbani ga Pfhumu Nungungulu vanungungulu va va nya mayigo, ni gifananiso, gumogo gambe ni siluvelo satshavbo a nga bani a si emiside gigomoni nya Nyumba ya Nungungulu dhoropani ga Jerusalema, a si dzudzuga vbavbandze nya lidhoropa.

2 Dzikoronika 36:14

Vathangeli vatshavbo nya vaphasi nya mhamba ni vathu, va di engedzela ngudzu gu gira mithumo nya guvivbe ya va nya mayigo; va nyenyezisa ni Nyumba ya Pfhumu Nungungulu, iyo a nga bani a yi agiside Jerusalema.

Jeremiya 19:4

Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 23:11

Pfhumu Nungungulu a ngu ganela, khuye: “Simbari vaprofeti ni vaphasi nya mhamba; vatshavbo va gu thuma silo nyamba sadi, ni nyumbani gwangu va gu gu nyenyezisa.”

Jeremiya 30:14

Vatshavbo avo u nga bani u gu haladzana navo olu va gu divade, kha va wudzisi gambe khuwe; kholu nyi gu bayiside kha nga idzo nyi bayisago khidzo nala, nyi gu ningide tsayiso nya guthise, kholu guvivba gwago gukhongolo ngudzu ni sighoho sago singi ngudzu.

Jeremiya 34:15

Enu mu di vbindrugedzide mu gira iso si lulamidego mbeli gwangu, khu gu tshulani wugumbini vandriyanu, kha nga gu landrisa gidzumeledzwano mu giridego mbeli gwangu nyumbani gu khozedwago lina langu;

Jeremiya 44:4

Gukhugela guhegulani nyi mi rumedeni vaprofeti, a gu sithumi sangu guta mi kawuka gukheni, mu nga giri silo nya gunyenyeze kholu Eni kha nyi si goli.

Jeremiya 7:10

Khu hwane nya ugo, mu nguta emani mbeli gwangu, nyumbani momu yi ranwago khu lina langu mu ganela, khenu: Hi vbanyisidwe! Khu hwane mu nga gu simama gu girani manyala yatshavbo yaya?

Jeremiya 7:30

Kholu va na Judha va giride iso si vivbidego mbeli gwangu. A ngu ganela Pfhumu Nungungulu; va giride manyala nyumbani gu khozedwago umo lina langu va gu nyenyezisa.

Jeremiya 7:31

Va vbahide malanga nya gulaphe nya gukhozele umo tigoni ga Tofeti, kovani ga mwamana wa Hinomi, gasi guya vbisela umo sanana sawe nya sikhwathana nesi nya sagadzyana khu nilo; silo nyi ngamba va ruma ambari gu si alakanya monyoni gwangu.