Jeremiya 32:24 - Bhibhiliya Nya Guage

²⁴ Wona nya gukhuwe dzitshivba nya dzinyimbi ya valala dzi emide gasi gu dhumela lidhoropa dzi li wandra; olu lidhoropa leli li na ningedwa mandzani ga Vakalidhiya, gasi va li sasela khu matshari, ndzala ni mitungu. Iso u si ganedego si ngu tadzisega, kha nga u si wonago.

Jeremiya 32:24 Iomraidhean Croise

2 Samuweli 20:15

Vathu va Jowabhi va di mu randrela dhoropani ga Abheli-Bheti-Mahaka, va gira gituletule gi khighela vbandzaritunu; vathu vatshavbo va nga bani vari ni Jowabhi, va di dwana ni gu khungumula ndzari.

Isaya 37:33

Kholu Pfhumu Nungungulu a ngu ganela kharati khu mahungu ya mufumeli wa Asiriya, khuye: “Uye kha na bela dhoropani momu, ambari gu rinya ni giholoma gimwegyo, gambe kha na hidzimela vbafuvbi gwaye ni gitshangu, ambari gu wungedzela mafu vbandzaritunu a lita khavbo.”

Jeremiya 16:4

“Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 20:5

Gambe nyi na ningela mufumo watshavbo nya lidhoropa leli ga valala vago va phanga silo nya lisima, gumogo ni thomba yatshavbo ya vafumeli va Judha, va na dzega ni gu phanga satshavbo va si yisa Bhabhiloni.

Jeremiya 24:10

Nyi na va wusela dzinyimbi, ndzala ni mitungu, kala va vbela vatshavbo havo bhi, gasi gu si tshali ni moyo ga litigo nyi nga ningago avo ni vababe vawe.

Jeremiya 29:17

Pfhumu Nungungulu a ngu ganela kharati, khuye: Wonani nya gukhenu nyi na va rumela dzinyimbi, ndzala ni mitungu, nyi na va wona kha nga dzindzawa dzi hinidego, nyamba yela gu hodzwa khu muthu.

Jeremiya 29:18

Nyi na va lundra khu dzinyimbi, ndzala ni mitungu; va na khala gilo nya guthavise ni gihegiso ga mifumo yatshavbo ya mafuni; vavbindri nya ndzila va na kutsunga mihungo va va hega, ga yatshavbo mayigo nyi na gu bani nyi va phalalegisede umo.

Jeremiya 32:25

Ambari khu kharalo, uwe Pfhumu Nungungulu, u nyi embede, khuwe: Nyi na renge lithembwe khu dzitsapawu na nyi gu wonwa khu dzifakazi, ambari ulo lidhoropa leli li guromo vbafuvbi ni gu pfhungumudwa khu Vakalidhiya.

Jeremiya 32:28

Khu guralo, Pfhumu Nungungulu a ngu ganela kharati, khuye: Nyi na ningela lidhoropa leli mandzani ga Vakalidhiya ni mandzani ga Nabhukodhonosori, mufumeli wa Bhabhiloni a li fumela.

Jeremiya 32:3

Kholu Zedhekiya, mufumeli wa Judha, a di mu khothede na gu ganela, khuye: Khu ginani u profetago gukhuwe Pfhumu Nungungulu a ngu ganela kharati, khuye a na ningela lidhoropa leli mandzani ga mufumeli wa Bhabhiloni, gasi uye a li sasela;

Jeremiya 32:36

Gasi olu, Pfhumu Nungungulu wa Israyeli, a ngu ganela kharati mayelano khu lidhoropa leli mu ganelago khilo, khenu: Li ningedwe mandzani ga mufumeli wa Bhabhiloni, li sasedwa khu matshari, ndzala ni mitungu.

Jeremiya 32:5

uye a na dzega Zedhekiya a hongola naye Bhabhiloni, avbo a na gu ya khala kala Pfhumu Nungungulu a mu alakanya; kha nga edzi a ganedego gukhuye mwa gu wusani nyimbi ni Vakalidhiya kha mu na dugelela.

Jeremiya 33:4

Kholu Pfhumu Nungungulu wa Israyeli, a ngu ganela kharati khu kotani nya dzinyumba dza dhoropani momu, ni kotani nya dzinyumba dza vafumeli va Judha, dzi nga khungumudwago khu gu fela gu gira mabhiyo nya gu dzi vhikele gusasedwa khu matshari.

Jeremiya 34:17

Khu guralo, Pfhumu Nungungulu a ngu ganela kharati, khuye: “Enu kha mwa nyi yingisani gu tshula vandriyanu muwugumbini. Olu eni Pfhumu Nungungulu, nyi ngu mi embelani gukheni nyi na mi tulelani dzinyimbi dzi ta mi sasela khu matshari, mitungu ni dzindzala; mu na khala gihegiso vbakari nya mifumo yatshavbo ya mafuni.

Jeremiya 52:4

Khu mwaga nya livbandre na wu na nya mufumo waye, khu litshigu nya likhumi nya ngima nya likhumi, Nabhukodhonosori, mufumeli wa Bhabhiloni, a dita ni masotshwa yaye yatshavbo ata dhumela lidhoropa la Jerusalema, vata vbaha makhokhola va li randrela latshavbo.

Jeremiya 52:6

Khu litshigu nya livbandre na mana nya ngima nya wu na, gu di manega ndzala nya yikhongolo dhoropani, avbo vathu vatshavbo va tigoni va nga hamugago gilo nya guhodze,

Jeremiya 6:6

Kholu Pfhumu Nungungulu nya Tshivba Yatshavbo a ngu ganela, khuye: Pilani matamo nya misimbo yawe mu gira khayo laba nya gu bhiye Jerusalema. Kholu eli lidhoropa nya malipha, li tadego khu wukanganyisi.

Ezekiyeli 14:21

Kholu Mune Pfhumu Nungungulu a ngu ganela kharati, khuye: “Ahati nya gu rumela sitsayiso sangu nya sina dhoropani ga Jerusalema, a gu nyimbi, ndzala, sirengo nya wurena ni mitungu, gasi guya songetela vathu vaye gumogo ni sifuyo sawe!”

Ezekiyeli 21:22

Khu nyamudye gwaye gu na manega nyatumbatumbane mayelano khu Jerusalema, gasi gu ruma mitshini nya gukhungumule mabhiyo, gasi gu dusa magana nya guleletele gu songa, gu khusedza malito nya gunengele, gasi gu ninga nayo mitshini yi gulela malimba, ni guwungedzela mafu ma gira sigomo, gasi gu emisa mabhiyo.

Ezekiyeli 21:27

Gupfhungumudwa! Gupfhungumudwa basi! Nyi na vbindrugedza lidhoropa li khala marumbi, ilo kha li na nga wusedzwa gambe, kala a vboha uye li mu lumbago khu lisine; khuye nyi na mu ningago.

Ezekiyeli 26:8

Uye a na sasela khu matshari sanana sago nya vanyamahegyane si guromo madhoropani ya tigoni; a na gu girela libhiyo; a na wungedzela mafu ma khala gigomo gasi gu gira likhokhola ni gu gu khusedzela sitshangu.

Ezekiyeli 4:2

U gira giyeyedzo nya gukhuwe lidhoropa leli li randredwe khu valala; u wungedzela mafu nya gulite khavbo vbalikhokholatunu nya lidhoropa u vega mazumbo, u emisa gambe madingo nya gukhungumule khayo, ma dzundruluga lidhoropa.

Habhakuka 1:10

Va poyila vafumeli ni dzindruna va dzi gira nga gihegiso. Avo va na hagana khu makhokhola yatshavbo, kholu va na wungedzela mafu, va ma dzega.

Zakariya 1:6

Aholu, magana ni sileletelo sangu, nyi si tivisidego khu magana ya vaprofeti, sithumi sangu, ina kha sa pwala dzindzeveni ga vababe vanu, gani? Khavbo avbo, avo va di dzi laya va vbindrugedza va ganela, khavo: Pfhumu Nungungulu nya Tshivba Yatshavbo a hi pharidego kha nga idzo a hungidego khidzo gu hi tsayisa gukhedza khu mavbanyelo ni mithumo yathu.”

Matewu 24:35

Yi na vbindra ndzadzi ni mafu, aholu mahungu yangu gima kha ma na vbindra.

Dhewuteronome 4:26

muhuno, ndzadzi ni mafu si na khala dzifakazi dzangu, mwa gu khozela sifananiso nya nga isoso, mu na vbiredza gumbembiswa tigoni momo mu na guya li dzega na mu tshatugide tsongo wa Joridhani; kha mu na ya vbedza matshigu yanu umo; mwatshavbo mu na mbembiswa.