Jeremiya 32:23 - Bhibhiliya Nya Guage

²³ Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Jeremiya 32:23 Iomraidhean Croise

Ezira 9:7

Gukhugela matshiguni ya vababe vathu, kala litshigu la muhuno, hi rwade nandru nya wukhongolo, khu kotani nya sighoho sathu, ethu ni vafumeli vathu ni vaphasi vathu, hi ningedwe mandzani ga vafumeli nya va nya mayigo, hi sasedwa khu matshari, hi yiswa wugumbini, hi phangwa, ni gu thedwa dzitshoni dzi nga gu hi fenengedzago dzikhovbeni kha nga hi si wonago muhuno.

Nehemiya 9:15

U va ningide guhodza gwa ndzadzini, gikhati va ngapwa ndzala, gikhati va ngapwa lidora, U di va sedza mati nya guduge khu giwindrini gasi gu tshima lidora. U va leletede gubela ga litigo U sambanyidego gu va ninga.

Dzindzimo 78:10

Kha va landrisa gidzumeledzwano gya Nungungulu, va di bomba gu landrisa milayo yaye.

Jeremiya 2:7

Nyi mi vbohiside ga litigo nya gunone gasi mu hodze mihandro yaye ni silo saye nya sadi; aholu na mu bede umo, mu di li nyenyezisa mu ghohetela ni thomba yangu.

Jeremiya 26:4

Khu guralo, va embele, khuwe: Pfhumu Nungungulu a ngu ganela kharati, khuye: Mwa gumba nyi yingisa ni gumba gimbila khu nayo wangu, nyi wu vegidego mbeli gwanu,

Jeremiya 44:10

Kala na muhuno mu si gu dzi layi, ambari gu yeyedza githawo ni gu landrisa nayo ni sileletelo nyi si vegidego mbeli gwanu ni ga vababe vanu.”

Jeremiya 7:26

Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Gililo 1:18

Uye Pfhumu Nungungulu lulamide, aholu eni nyi di bomba sileletelo saye. Yingisani mwatshavbo enu mayigo, mu wona gutshaniseka gwangu. Dzimbiri ni madzaha yangu, va vbagedwe va yiswa wugumbitunu. Qof

Gililo 1:8

Jerusalema ghohide ngudzu; khu guralo, a dzi nyenyeziside. Vatshavbo va nga bani va mu zundza, olu va gu mu poyila, khu gu wona wumbwiri waye. Uye abune a ngu dzi wona a sihala khu dzitshoni. Tet

Ezekiyeli 20:18

Aholu nyi di embela sanana sawe giwulani, kheni: Mu nga yingisi sileletelo sa vavelegi vanu, gambe mu nga dzi nyenyezisi khu sifananiso sawe.

Ezekiyeli 20:21

Aholu sanana niso si di nyi wugela, si si landrisi sileletelo sangu, ambari gu sayisa milayo yangu, iyo va nga vbweta gu vbanyiswa khiyo, avo va nyenyeziside dzisabhadho dzangu; khu kotani nya isoso nyi nga ganela kheni nyi na guhula likhulo langu vbatshani gwawe giwulani, nyi wusa khorodza yangu.

Ezekiyeli 20:8

Aholu avo va di nyi kanyisa, va si dzumeli gu nyi yingisa; mwalo a nga dzumela gu diga sifananiso nya gunyenyeze sa Egipito; khu guralo, eni nyi di va embela kheni nyi na guhula vbatshani gwawe likhulo langu, gasi gu landrisa khorodza yangu gwawe tigoni ga Egipito.

Luka 17:10

Kharato nenu, mwa gu vbedza gu gira iso mu nga rumwago, indrani, khenu: ‘Hi sithumi nyamba phasa gilo, hi di landrisa giguruvedzo gyathu basi.’ ”

Johane 15:14

Enu mu dzipari dzangu mwa gu girani iso nyi mi rumago.

Vagalatiya 3:10

Vatshavbo vathu va tumbago mithumo ya Nayo va ngu manwa khu givalo nya Nayo, kholu, Milowo nya Guage yari, khiyo: “A na vadwe oyu si landrisigo satshavbo esi si lovidwego libhukuni nya Nayo.”

Jakobe 2:10

Khu guralo, oyu a landrisago milayo yatshavbo, a gu ghoha nayo moyo, ghohide yatshavbo.

Josuwa 21:43

Pfhumu Nungungulu a di ningela ga va na Israyeli, litigo latshavbo a nga bani a sambanyide gu ninga vababe vawe; li di khala lawe avo va vbaha umomo.

Josuwa 23:16

Mwa gu hambanisa gidzumeledzwano gya Pfhumu Nungungulu wanu, a mi leletedego, mu ya thumela vambe vanungungulu ni gu va khozela, khavbo avbo likhulo la Pfhumu Nungungulu li na khondra vbakari gwanu, mu na vbelani nyamba hwela tigoni momu nya gwadi a mi ningidego.