Jeremiya 32:22 - Bhibhiliya Nya Guage

²² Uwe u va ningide litigo leli khu gitumbiso ni gisambanyo u giridego ni vababe vawe; litigo li gogago mahwe ni wulombe.

Jeremiya 32:22 Iomraidhean Croise

Genesi 13:15

Kholu litigo latshavbo u li wonago, nyi na gu ninga uwe ni sanana sago kala gupindruga.

Genesi 24:7

Pfhumu Nungungulu wa ndzadzini a nyi dusidego ndrangani ga babe wangu ni tigoni gwangu nya mavelego, a nyi embede, a sambanya gwangu khuye a na ninga litigo leli ga sanana sangu, Uye a na rumela ngilozi yaye mbeli gwago, a na resa nyamayi a na khalago mwangadzi wa gyanana gyangu.

Genesi 50:24

Josefa a di embela vandriyaye, khuye: “Eni nyi ngufa; aholu Nungungulu khu lisine a na mi holelani, a na mi dusani khu tigoni momu, a mi yisa ga litigo a sambanyidego gu ninga Abrahama, Isaki ni Jakobe.”

Nehemiya 9:15

U va ningide guhodza gwa ndzadzini, gikhati va ngapwa ndzala, gikhati va ngapwa lidora, U di va sedza mati nya guduge khu giwindrini gasi gu tshima lidora. U va leletede gubela ga litigo U sambanyidego gu va ninga.

Ekisodha 13:5

Avbo Pfhumu Nungungulu a na gu mi bedzago tigoni ga Vakhanani, ga Vahiti, ga Vaamori, ga Vahevhi ni ga Vajebhusi, litigo lile a sambanyidego ga vababe vago gukhuye a na gu ninga, litigo li gogago mahwe ni wulombe, u na ya gira phaselo yoyu khu ngima yoyu.

Ekisodha 3:17

Khu guralo, Eni nyi ganede, kheni: Nyi na mi dusani khu wugumbini wa tigoni ga Egipito, nyi mi yisani tigoni ga Vakhanani, ga Vahiti, ga Vaamori, ga Vaferezi, ga Vahevhi ni Vajebhuzi, tigoni gu gogago mahwe ni wulombe.

Ekisodha 3:8

Khu guralo, nyi tshigide gasi guta va tshudzisa mandzani ga Vagipiti, nyi va dusa tigoni momo, nyi va yisa tigoni nya gunone, nya guaname, tigoni gu gogago mahwe ni wulombe, litigo va vbanyago umo Vakhanani, Vahiti, Vaamori, Vaferezi, Vahevhi ni Vajebhuzi.

Jeremiya 11:5

khu guralo, nyi na tiyisa gifungo gyangu nyi tumbisidego vababe vanu gu va ninga litigo li gogago mahwe ni wulombe, kha nga mu si wonago muhuno.” Gasi eni nyi di hakha, kheni: “Amen! Si na girege uwe Pfhumu Nungungulu.”

Ezekiyeli 20:15

Ambari khu guralo, na vari giwulani, nyi khusedzide mandza nyi sambanya gambe gukheni, kha nyi na nga va yisa ga litigo nyi va ningidego, litigo li gogago mahwe ni wulombe, li mburidego guvbindra mayigo yatshavbo,

Ezekiyeli 20:6

Ga litshigu lile nyi sambanyide gwawe gukheni nyi na va dusa tigoni ga Egipito, nyi va yisa ga litigo nyi va hathedego, litigo li gogago mahwe ni wulombe, li mburidego guvbindra mayigo yatshavbo.

Mitengo 14:16

“Pfhumu Nungungulu di sasede va na Israyeli mugiwulani, kholu a di tandrega gu va vbohisa ga litigo a tumbisidego gu va ninga.

Mitengo 14:30

Khu guralo, ni moyo nya enu mwalo a na belago ga litigo nyi sambanyidego gukheni nyi na mi vegani mu khala umo, vbavbandze basi ga Kalebi, mwamana wa Jefoni, ni Josuwa, mwamana wa Nuni,

Dhewuteronome 1:35

Khu lisine, ni moyo nya vathu vava nya gitugulwana nya guvivbedwe khu monyo kha va na wona litigo nya ladi nyi sambanyidego gu li ningela ga vababe vanu,

Dhewuteronome 1:8

Khilo eli litigo nyi li vegidego mbeli gwanu; belani mu fumela litigo Pfhumu Nungungulu, a ningidego khu gu sambanya ga vababe vanu, Abrahama, Isaki ni Jakobe, gwawe ni ga livelego lawe li nga gutago.

Dhewuteronome 6:10

Avbo Pfhumu Nungungulu wago, a na gu vbohisago ga litigo a tumbisidego khu gusambanya ga vababe vago, Abrahama, Isaki ni Jakobe, gukhuye a na gu ninga madhoropa nya yadi nya makhongolo, ayo uwe u ngamba ma vbaha khu mandza yago;

Dhewuteronome 6:18

U na thuma ugo nya gwadi gu lulamidego mahoni ga Pfhumu Nungungulu, gasi si gu dugele gwadi, u bela u fumela litigo nya ladi eli Pfhumu Nungungulu, khu gusambanya a tumbisidego gu ninga ga vababe vago,

Dhewuteronome 6:23

a hi dusa khiyoyo, gasi gu hi dzega aya hi ninga litigo a nga tumbisago vababe vathu khu gusambanya.

Dhewuteronome 7:13

Uye a na gu gola ni gu gu kategisa, a na gira melego wago wu andra; gambe a na kategisa sanana sago, ni mihandro ya tigoni gwago, dzimbewu dzago gumogo ni vbinyu yago; mafura yago, gumogo ni guvelegelana nya mitshambi yago nya dzimombe ni ya dzinvuta dzago, ga litigo eli, Pfhumu Nungungulu, khu gusambanya ga vababe vago a tumbisidego gu gu ninga.

Dhewuteronome 8:1

Dzi garadzeni khu gu landrisa sirumo satshavbo nyi mi ningago muhuno, gasi mu kodza gu vbanya ni gu andra, mu bele ni gu dzega litigo lile Pfhumu Nungungulu a tumbisidego khu gusambanya ga vababe vanu.

Josuwa 1:6

Tiya longo u manega ni tshivba ni gutimisela, kholu khuwe u na thangelago vathu vava kala va bela ga litigo nyi sambanyidego gu ninga vababe vago.

Josuwa 21:43

Pfhumu Nungungulu a di ningela ga va na Israyeli, litigo latshavbo a nga bani a sambanyide gu ninga vababe vawe; li di khala lawe avo va vbaha umomo.