Jeremiya 32:21 - Bhibhiliya Nya Guage

²¹ Uwe u nga dusago vathu vago khu tigoni ga Egipito, khu sisamadziso ni siliwugiso, khu gyandza nya tshivba ni libogo lago nya gukhugege ngudzu li thavisago ni guthisa.

Jeremiya 32:21 Iomraidhean Croise

2 Samuweli 7:23

Khu levbini litigo la omu mafuni li fananago ni vathu vago va na Israyeli, avo uwe Nungungulu u va tshudzisidego gasi gu khala vathu vago! U dzi girela lina nya likhongolo ni gu girela vathu vago silo si samadzisago ngudzu tigoni gwago, khu gu tutumisa vathu ni vanungungulu vawe mbeli ga vathu vago, u va tshudzisidego tigoni ga Egipito.

1 Dzipfhumu 8:42

(kholu va napwa ndruma nya Lina lago nya likhongolo, ni gyandza gyago nya tshivba, ni libogo lago li khusegidego) muthu yoyo a guta lombelela nyumbani momu;

1 Dzikoronika 17:21

Khu levbini lifumbu li fananago ni vathu vago, va na Israyeli? Lifumbu la mafuni li gu ilo basi, a gu ilo U li dzegisidego tigoni ga Egipito, gasi guta khala vathu vago; vata gu girela lina lago li thavisega khu silo nya guthise vbakari nya mayigo khu gu tutumisa valala mbeli gwawe.

Dzindzimo 105:37

Aholu, a di dusa vathu vaye na va rwade ndralama ni parata, vbakari gwawe a diri mwalo ni moyo basi nya gudwale.

Dzindzimo 105:43

Kharati Pfhumu a di dusa vathu vaye a va hathidego, va duga na va gu embelela, va womba mikulungwane.

Ekisodha 13:14

Gyanana gyago, ga matshigu matago, gya gu gu wudzisa khigyo: Esi sa gu tshamusela ginani?” U na gi hakha, khuwe: Pfhumu Nungungulu a hi duside khu tshivba yaye nya yikhongolo ngudzu khu tigoni ga Egipito, tigoni hi nga bani hiri dzikhumbi.

Ekisodha 13:9

Gi na khala kha nga giwoniso mandzani gwago, kha nga gialakanyiso mahoni gwago, gasi nayo wa Pfhumu Nungungulu wu manege wuri kanani gwago, kholu Pfhumu Nungungulu a gu duside khu tigoni ga Egipito khu gyandza nya tshivba.

Ekisodha 3:20

Khu guralo, nyi na thawuludza gyandza gyangu nyi bayisa vathu va Egipito khu sisamadziso satshavbo nyi na si girago vbakari gwawe. Hwane nya ugo a na mi digani mu duga.

Ekisodha 6:1

Pfhumu Nungungulu a di embela Mosi, khuye: “Olu u na wona iso nyi na girago ga Faro; kholu khu gyandza gyangu nya tshivba a na va diga va hongola, khu gyandza gyangu nya tshivba, a na va tutumisa tigoni gwaye.”

Ekisodha 6:6

Khu guralo, embela sanana sa Israyeli, khuwe: Eni kheni Pfhumu Nungungulu, nyi na mi dusani vbavbatshi nya rwalo nya gulemele wa Egipito, nyi na mi tshulani wugumbini gwawe, nyi na thawuludza libogo langu nya tshivba nyi mi dzegisa ni gu mi phodzela.

Isaya 63:12

wule libogo laye nya wudhumo a va giridego va gimbila khu libogo la nyamudye la Mosi? A nga kabanisago mati khu vbakari mbeli gwawe, gasi gu dzi girela lina nya gupindruge, gani?

Dhewuteronome 11:3

siwoniso saye, ni mithumo a giridego ga Vagipiti, ni ga Faro, mufumeli wa Egipito, ni tigoni gwaye gwatshavbo;

Dhewuteronome 26:8

Pfhumu Nungungulu a di hi dusa khu tigoni ga Egipito khu mandza yaye nya tshivba, ni libogo nya gukhugege, khu sisamadziso nya sikhongolo, siyeyedzo ni siliwugiso.

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?

Dhewuteronome 7:19

Siwonegiso nya sikhongolo u si wonidego khu maho yago, ni siyeyedzo, siliwugiso, mandza nya tshivba ni libogo li khusedzidwego, esi Pfhumu Nungungulu wago, a gu dusidego khiso. A na gira kharato Pfhumu Nungungulu wago, ga vathu vatshavbo, avo u va thavago.