Jeremiya 32:2 - Bhibhiliya Nya Guage

² Khu gikhati gyogyo Jerusalema gu di randredwe khu masotshwa ya Bhabhiloni; muprofeti Jeremiya a di khothedwe likupakupani nya nyumba ya mufumeli wa Judha.

Jeremiya 32:2 Iomraidhean Croise

2 Dzipfhumu 25:1

Khu mwaga nya livbandre na wu na nya gufume ga Zedhekiya, khu litshigu nya likhumi nya ngima nya likhumi, Nabhukodhonosori, mufumeli wa Bhabhiloni, a di dhumela Jerusalema khu nyimbi nya yikhongolo ngudzu. Va dita zumba va vbaha likhokhola; va randrela lidhoropa latshavbo.

Nehemiya 3:25

Palali, mwamana wa Uzayi, a di vbahedza gukhugela vbakhonatunu, ni vbalangwetunu yi khugelago vbanyumbatunu nya wufumu, yi guromo vbafuvbi ni mwanya nya lipaso; khu hwane gwaye, a thuma Pedhaya, mwamana wa Parosi.

Dzindzimo 88:8

U nyi hambaniside ni dzipari dzangu, u nyi gira muthu nya gunyenyeze mahoni gwawe; nyi khothedwe kha nga gibotshwa nyi ngu sindra guduga.

Jeremiya 32:3

Kholu Zedhekiya, mufumeli wa Judha, a di mu khothede na gu ganela, khuye: Khu ginani u profetago gukhuwe Pfhumu Nungungulu a ngu ganela kharati, khuye a na ningela lidhoropa leli mandzani ga mufumeli wa Bhabhiloni, gasi uye a li sasela;

Jeremiya 32:8

Khu guralo, gu di girega kha nga idzo a ganedego khidzo Pfhumu Nungungulu; a dita Hananeli, mwamana wa babedugwane wangu, ata nyi vbweta pasoni nyi nga bani nyi khothedwe a ta nyi embela, khuye: Olu renga gipeto gyangu gi guromo Anatoti, tigoni ga Bhejami; kholu u na ni fanelo nya gu gi dzege ni gu gi dzegisa. Khavbo avbo, nyi di alakanya gukheni esi a diri magana ya Pfhumu Nungungulu.

Jeremiya 33:1

Jeremiya na ngari pasoni, lito la Pfhumu Nungungulu li dita khu gikhati nya wuvili, likupakupani nya lipaso li ta mu embela, khilo:

Jeremiya 34:1

Pfhumu Nungungulu a di resa magana yaya ga Jeremiya, gikhati Nebhokadhonosori, mufumeli wa Bhabhiloni, a nga bani a guta ni masotshwa yaye yatshavbo gumogo ni mifumo yastshavbo ni mafumbu ya mafuni ma nga bani ma fumedwa khuye, ma ta dhumela Jerusalema gumogo ni madhoropa yaye yatshavbo, a ganela, khuye:

Jeremiya 36:5

Khu hwane, Jeremiya a di embela Bharuki, khuye: “Eni nyi khothedwe; kha nyi dzi kodzi gu ya bela Nyumbani ga Pfhumu Nungungulu.

Jeremiya 37:15

Manganagana ma di tala khu giviti khu Jeremiya, va di mu veta, va mu khothela pasoni, nyumbani ga mulovi Jonatane, va nga bani va yi vbindrugedzide yi khala lipaso.

Jeremiya 37:21

Khavbo avbo, mufumeli Zedhekiya a di leletela gukhuye, Jeremiya a khothedwa hubheni nya dzighadhi, gasi khu litshigu ni litshigu a ningwe gibaba nya guningwe khavo va vawulago, kala dhoropani gwatshavbo gu vbela sibaba. Khu kharati, Jeremiya a di khala hubheni nya dzighadhi.

Jeremiya 37:4

Khu gikhati gyogyo, Jeremiya a di gu gimbilagimbila vbakari nya vathu, kholu a di si gu khothedwi.

Jeremiya 38:13

Khu gulandrela va di ndrindrela Jeremiya khu dzingodzi va mu dusa namboni. Jeremiya a di simama gu khala likupakupani nya dzighadhi.

Jeremiya 38:6

Khavbo avbo, va di dzega Jeremiya va mu rinya namboni wa Malakiya, mwamana wa mufumeli, wu nga bani wu romo mu likupakupani nya dzighadhi; va reledza Jeremiya khu dzingodzi; aholu namboni gu diri mwalo mati, vbavbandze nya maraga basi, Jeremiya a diya bhwabhwamela maragani.

Matewu 5:12

“Nengelani mu ghiya, kholu tshatshazelo wanu wu na bani wuri wukhongolo Ndzadzini. Kholu khidzo kharati va nga sanisago khidzo vaprofeti va gale.