Jeremiya 32:19 - Bhibhiliya Nya Guage

¹⁹ Uwe u khongolo khu dzindzila dzago nya gusamadzise, maho yago ma ngu wona gupima nya muthu ni muthu; gasi gu ninga tshatshazelo gukhedza khu mithumo yaye, gumogo ni handro nya mavbanyelo yaye.

Jeremiya 32:19 Iomraidhean Croise

1 Dzipfhumu 8:32

Uwe, mu yingise khu ndzadzini yoyo; thethisa, ni gulamula sithumi sago, u tsayisa uye a ghohidego, khu gu mu bweledzela guvivba gwaye gu thegela hungoni gwaye; U ditshedza oyu a lulamidego U yeyedza gululama ga oyu a giridego gululama.

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

Joba 34:11

Kholu a gu bweledzela muthu mayelano ni mithumo yaye, a mu ninga maningano khu dzindzila dzaye.

Joba 34:21

Maho ya Nungungulu ma gu wona magimbilelo nya vathu; a khedza gambe ni migondro yawe yatshavbo.

Dzindzimo 111:2

Sigiro sa Pfhumu Nungungulu sikhongolo, si ngu tsakisa vatshavbo va si vbwetago.

Dzindzimo 34:15

Maho ya Pfhumu Nungungulu ma gu khedzisela avo va lulamidego; dzindzeve dzaye dza gu yingisela gulila gwawe.

Dzindzimo 62:12

Lihaladzo la gu lumba Pfhumu kholu a gu bweledzela ga muthu ni muthu gukhedza khu mithumo yaye.

Dzindzimo 92:6

Sipumbu kha si mati mahungu yaya, ambari va nya guhandruga kha va si pimi esi.

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Mavingu 5:21

Pfhumu Nungungulu gikhati gyatshavbo a gu khevisela dzindzila nya muthu a mu khedza gwadi ni magimbilelo yaye.

Mavingu 8:14

Iso si lumbago eni, khu wusingalagadzi ni guti nya lisine; eni kheni gupimisa, nyi na ni tshivba.

Muhevbudzi 12:14

Nungungulu a na lamula mithumo yatshavbo, ni satshavbo si sihadego, iso nya sadi niso nyamba sadi.

Isaya 28:29

Satshavbo sesi sa guta khu ga Pfhumu Nungungulu nya Tshivba Yatshavbo, kholu wusingalagadzi waye wu ngu samadzisa, gambe khongolo khu guti.

Isaya 40:13

Khu mani a yeyedzidego ndzila liphuvbo la Pfhumu Nungungulu? Khu mani a mu ningidego wusingalagadzi ni gu mu hevbudza?

Isaya 59:18

A na bweledzela tshatshazelo ga moyo ni moyo gukhedza khu mithumo yaye; a na yisa likhulo laye ga valala vaye; ni gu bweledzela ga avo a dwanago navo iso si vbwetago; ni mayigo ya sidwani, a na ma ninga tshatshazelo yawe.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 16:17

Kholu maho yangu ma ronogede dzindzilani gwawe gwatshavbo mu dzi wonago; ni sighoho sawe satshavbo kha si sihali mahoni gwangu.

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Jeremiya 21:14

“Nyi na mi tsayisani gukhedza khu mithumo yanu, a ngu ganela Pfhumu Nungungulu; nyi na khondrisa nilo khabini gwanu, wu na vbisago satshavbo si guromo bambe nya lidhoropa lanu.”

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Jeremiya 25:14

Kholu Vabhabhiloni navo va na khoziswa khu mayigo nya mangi ni vafumeli nya vakhongolo; khu kharato nyi na va bweledzela gukhedza khu sigiro sawe ni gukhedza khu mithumo ya mandza yawe.”

Dhaniyeli 2:45

“Kha nga u wonidego nya gukhuwe, khu gigomoni gu di wumbuluga giwindri nyamba pidwa khu muthu, gita pfara ni gu phwatisela simbi, sugu, libumba, parata ni ndralama. Nungungulu nya Tshivba Yatshavbo tiviside mufumeli iso si na gu giregago khu matshigu ma natago. Eli khu lisine nya ndroro, tshamuselo yaye yi tiyide khya lisine.”

Zakariya 9:1

Gulamula ga Pfhumu Nungungulu mayelano khu litigo la Hadharaki ni Dhamasiko, a gu wulanga waye nya guhefemule avbo; kholu maho ya Pfhumu Nungungulu ma gu wona vathu vatshavbo kha nga idzo a kheviselago khidzo mahundzu ya Israyeli.

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Johane 5:29

Ava na bani va na giride mithumo ya yadi, va na wuga vaya guvbanyani, gasi vale va na gu bani va giride guvivba va na wuga vaya gumbembani.

2 Vakorinto 5:10

Kholu hatshavbo hi na ema phathani ga Kristo, gasi moyo ni moyo a hakhe fanelo yaye, nya esi a nga si thuma nya sadi ambari nya guvivbe na nga gu vbanya givilini momu.

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.

Gutuledwa 22:12

“Wonani, eni nyi nguta khu gu vbiredza, nyi resa tshatshazelo wa muthu ni muthu gukhedza khu mithumo yaye.