Jeremiya 32:18 - Bhibhiliya Nya Guage

¹⁸ Uwe u ngu pwela wuhindzi mazanazana nya situgulwana, gambe u ngu tsayisa sanana khu kotani nya sighoho sa vavelegi; uwe Nungungulu u khongolo nuri ni tshivba, lina lago khuwe Pfhumu Nungungulu nya Tshivba Yatshavbo!

Jeremiya 32:18 Iomraidhean Croise

Genesi 49:24

Aholu wulaho waye, wu simamide gu tiya ni misivba nya mawogo yaye yi simamide ni tshivba, khu kotani ya Muvhikeli wa Jakobe, Muhavisi ni Giwindri gya Israyeli.

2 Dzipfhumu 9:26

Khu lisine, a ngu ganela Pfhumu Nungungulu, kha nga vbanova nyi wonidego novba wa Nabhoti, u na wu livba idzosaye mahangeni momu, a ngu ganela Pfhumu Nungungulu. Olu mu khuse u mu dzudzuga mahangeni momu, kha nga idzo a ganedego khidzo Pfhumu Nungungulu.”

Nehemiya 1:5

Nyi ganela, kheni: Nyi ngu lomba ga uwe Pfhumu Nungungulu wa ndzadzini, uwe u gu khongolo u thavisegago, uwe u sayisago pwanano ni gu girela wuhindzi vale va gu golago ni gu vegedza milayo yago!

Dzindzimo 50:1

Pfhumu Nungungulu nya Tshivba Yatshavbo, ganede, a ramba vathu gukhugela Khugadambo kala Pfoladambo.

Dzindzimo 89:9

Khuwe u fumelago tshivba nya linene; u rudzisa tshivba nya mavimbi ma gu gugumuga.

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Ekisodha 34:7

wuhindzi waye wu thaphelago kala ga gitugulwana nya likhumi mazana, A tsetselelago guvivba, guyeyisa ni gughoha; aholu A si tshuligo vale va gu ni nandru; A tsayisago sihoso sa vavelegi ga sanana sawe ni ga sanana sa sanana sawe, kala gu vboha ga melana nya wuraru mwendro nya wu na.”

Isaya 10:21

Vale va tshadego nya lihundzu la Jakobe va na vbindrugedza vata ga Nungungulu nya tshivba.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 10:16

Nungungulu wa Jakobe kha fanani navo, kholu uye khuye a vangidego satshavbo hi si wonago; uye a gu lumba va na Israyeli, lina laye khuye Pfhumu Nungungulu nya Tshivba Yatshavbo.

Jeremiya 10:6

Mwalo a fananago nago uwe Pfhumu Nungungulu; u khongolo, lina lago likhongolo li na ni tshivba.

Jeremiya 20:11

Aholu Pfhumu Nungungulu a na ni eni, kha nga ndrena nya tshivba; khu guralo, uye a na tshunganisa vatshanisi vangu vatshavbo va thega, va na poyidwa va tala khu dzitshoni; wusiwana wawe kha wu na vbela, gambe gima kha va na wu divala.

Jeremiya 31:35

Pfhumu Nungungulu a ngu ganela kharati, khuye: Uye a rumago lidambo li wenengedza mihani, ngima ni dzinyeledzi si wenengedza wutshigu, a kutsungago mavimbi nya linene; lina laye khuye Pfhumu Nungungulu nya Tshivba Yatshavbo.

Jeremiya 33:2

Pfhumu Nungungulu a girago silo sesi, Pfhumu Nungungulu a wumbago esi gasi gu si tiyisa, lina laye a gu uye Pfhumu Nungungulu, a ngu ganela kharati, khuye:

Jeremiya 50:34

Aholu uye a gu Mutshudzisi wawe a na ni tshivba, lina laye khu Pfhumu Nungungulu nya Tshivba Yatshavbo. A na ema navo a va vhikela gasi litigo lawe li mana gurula, a ndrendremedzisa vatshavbo vavbanyi va Bhabhiloni.

Dhaniyeli 2:45

“Kha nga u wonidego nya gukhuwe, khu gigomoni gu di wumbuluga giwindri nyamba pidwa khu muthu, gita pfara ni gu phwatisela simbi, sugu, libumba, parata ni ndralama. Nungungulu nya Tshivba Yatshavbo tiviside mufumeli iso si na gu giregago khu matshigu ma natago. Eli khu lisine nya ndroro, tshamuselo yaye yi tiyide khya lisine.”

Habhakuka 1:12

Uwe Pfhumu Nungungulu wangu, Gihathwa gyangu, gasi khu khugeli guhegulani kala gupindruga, gani? Ethu gima kha hi na ngafa. Uwe Pfhumu Nungungulu, u va vegede gulamudwa, uwe u gu Giwindri gyathu u va emisede gutsayiswa.

Mitengo 14:18

Eni Pfhumu Nungungulu nyi ngu hwela gu goroga, Nyi na ni wuhindzi ni gu divalela; nyi tsetselelago milandru ni sighoho; gambe kha nyi digi gu tsayisa avo va ghohidego, nyi ngu tsayisa sanana khu sighoho sa vavelegi, kala gitugulwana nya wuraru nigyo nya wu na.

Matewu 27:25

Gasi gidzemo gyatshavbo gi di hakha, khigyo: “Nandru yoyo nya lufu laye wu na thegele ethu ni sanana sathu!”

Luka 6:38

Ningani, mu na ningwani nenu; mu na ningwa gipimo nya gyadi, nya gutale, gi gonyeledwa, bwelo khavbo gi phathamela. Kholu Nungungulu a na mi pimela khu gipimo mu na pimago khigyo vakwanu.”

Dhewuteronome 10:17

Kholu, Pfhumu Nungungulu wanu, Nungungulu nya vanungungulu ni Pfhumu nya dzipfhumu, Nungungulu nya khongolo, nya tshivba, nya guthavisege, a si hatheligo vathu, gambe a si dzumeligo gu rengeledwa;

Dhewuteronome 7:21

U nga khali hwanga mbeli gwawe, kholu Pfhumu Nungungulu wago, a gu Nungungulu nya khongolo ni guthavisega, womo vbakari gwago.