Jeremiya 32:15 - Bhibhiliya Nya Guage

¹⁵ Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Tigoni momu gu nga na gu rengwa dzinyumba, marembwe nya sivbila nayo nya vhinya.

Jeremiya 32:15 Iomraidhean Croise

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Jeremiya 30:18

Pfhumu Nungungulu a ngu ganela kharati, khuye: “Nyi na wusedza mitshatsha ya na Jakobe, ni gu pwela wusiwana dzindranga dzawe; lidhoropa li na vbahedzwa vbatshani nya marumbi yaye ni nyumba nya mufumo yi na vbahedzwa gu fanana ni idzo yi nga bani yi romo khidzo khu gale.

Jeremiya 31:12

Va na wuya na va gu womba mikulungwane nya gutsake kala gigomoni gya Siyoni, va tsakela dzithomba va ningidwego khu Pfhumu Nungungulu a gu edzi: Tirigu, wadwa, mafura, dzinvuta ni simombyana; hefemulo wawe wu na khala kha nga lithembwe li theledzedwago mati, gima kha va na nga vbela gambe tshivba.

Jeremiya 31:24

Malangani momo va na vbaha va na Judha ni madhoropa yaye yatshavbo, gumogo gambe ni valimi ni avo va havisago mitshambi, va na mana gukhadzisega.

Jeremiya 31:5

Gambe u na yala mivhinya musigomwanani sa Samariya; uye a na yalago a na hodza mihandro yakone.

Jeremiya 32:14

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Dzega mikhwepha yeyi yi ganelago khu wufakazi nya gurenge uwo wu vetidwego gitambo, ni uwo nyamba vetwa gitambo u yi pata u yi thela khalini nya libumba, u sega gasi yi kodze gu sayisega matshigu nya gulaphe.”

Jeremiya 32:25

Ambari khu kharalo, uwe Pfhumu Nungungulu, u nyi embede, khuwe: Nyi na renge lithembwe khu dzitsapawu na nyi gu wonwa khu dzifakazi, ambari ulo lidhoropa leli li guromo vbafuvbi ni gu pfhungumudwa khu Vakalidhiya.

Jeremiya 32:37

Wonani nya gukhenu nyi na va tombanisa va wuya khu mayigoni gwatshavbo nyi va phalalegisedego umo khu kotani nya likhulo langu, likhulo ni giviti gyatshavbo; nyi na va wuyisa wulangani wowu vata vbanya khu gurula ni gukhadzisega.

Ezekiyeli 28:26

Avo va na vbanya mule na va tshulegide, va na vbaha dzinyumba dzawe ni gu yala miuvha; va na vbanya khu gurula gikhati nyi na tsayisago vaakelane vawe vatshavbo va va giredego guvivba. Khavbo avbo, avo va na nyiti gukhavo kheni Pfhumu Nungungulu wawe.

Zakariya 3:10

Ga litshigu lolo, a ngu ganela Pfhumu Nungungulu nya Tshivba Yatshavbo, moyo ni moyo nya enu a na rana muakelane waye gasi guta khala mutsani nya uvha waye ni mutsani nya nguhu waye.”