Jeremiya 31:8 - Bhibhiliya Nya Guage

⁸ Wonani gukhenu, nyi na va wuyisa khu tigoni ga Wuronga, nyi va tombanisa va duga mahegiso nya litigo; nyi na va wuyisa gumogo ni sikhumu, va nya guhasa, vanyamayi nya dzimimba ni vale va lumwago.

Jeremiya 31:8 Iomraidhean Croise

Dzindzimo 107:3

ni vale a va tombanisidego khu mayigoni ya Wuronga ni ya Marandzi, ya Khugadambo ni ya Muhwadambo.

Dzindzimo 65:5

Nungungulu muvbanyisi wathu, Uwe u ngu hi hakha ni gu hi vbanyisa khu gu gira silo nya gusamadzise; litigo latshavbo la gutumba uwe, ni avo va guromo linene ga hwindzo.

Dzindzimo 98:3

Alakanyide lihaladzo ni gutumbega gwaye ga ndranga ya Israyeli, dzitshokani nya litigo gu wonidwe guvbanyisa ga Nungungulu wathu.

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Isaya 42:16

Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Isaya 43:6

Nyi na ganela ga mayigo ya Wuronga, kheni: Va tshudzise; ga mayigo ya Marandzi, kheni: U nga va himbedzeli! Nyi resele sanana sangu nya madzaha si guromo mayigoni ya hwindzo; ni sanana sangu nya vanyamahegyane si guromo mahegiso nya litigo,

Isaya 45:22

Wuyani avbo gwangu, mu na ta vbanyiswa enu mwatshavbo mutago khu mahegiso nya litigo; kholu eni kheni Nungungulu, mwalo mumbe.

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Jeremiya 16:15

“Gambe va na ganela, khavo: Pfhumu Nungungulu a ngu vbanya, Uye a nga wuyisa sanana sa Israyeli khu tigoni ga Wuronga ni ga mayigoni gwatshavbo a nga bani a va phalalegisede umo; kholu nyi na va wuyisa ga litigo nyi nga ningago vababe vawe.”

Jeremiya 23:3

Eni mune kamwe nyi na tombanisa dzinvuta dzi tshadego, khu mayigoni gwatshavbo dzi nga bani dzi thavede umo, nyi na dzi wuyisa mavbandroni gwawe; umo dzi na guta velegelana.

Jeremiya 23:8

“Aholu va na sambanya, khavo: Hi ngu sambanya khu Pfhumu Nungungulu a vbanyago, khuye a residego livelego la na Israyeli khu mayigoni ga Wuronga ni mayigoni gwatshavbo va thavedego umo; gambe avo va na wuya tigoni gwawe nya mavelego.”

Jeremiya 29:14

Pfhumu Nungungulu a ngu ganela kharati, khuye: Nyi na dzi wonegisa vbakari gwanu nyi wuyisa dzikhumbi dzatshavbo ni vatshavbo va phalalegidego mayigoni ni malangani gwatshavbo nyi mi yisidego, a ngu ganela Pfhumu Nungungulu, nyi bwelo khavbo nyi mi wuyisa ga wulanga nyi mi khusidego khavbo mu ya wugumbitunu.

Jeremiya 3:12

Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Jeremiya 3:18

Khu matshigu yoyo, Vajudha ni va na Israyeli, va na gimbila gumogo, na va guta khu tigoni ga Wuronga gasi gu hongola ga litigo nyi ningidego vababe vawe gu khala thomba yawe.

Ezekiyeli 20:34

Nyi na mi wuyisa khu vbakari nya vathu, nyi mi tombanisa khu vbakari nya mayigo mu phalalegedego umo, khu mandza ni libogo nya tshivba, ni likhulo langu.

Ezekiyeli 20:41

Khu hwane nya gu na nyi mi wuyiside khu mayigoni mu nga bani mu phalalegede umo, nyi mi tombanisa nyaluphye, nyi na hakha khu gutsaka miphaso yanu nya guvbiswe, mahoni ga mayigo yatshavbo, mu na nyiti gukhenu eni nyi agide.

Ezekiyeli 34:12

Kha nga muhavisi a wuyisago dzinvuta dzaye, litshiguni a manago idzo dzi dzimedego, kharato eni neni nyi na vbweta dzinvuta dzangu. Nyi na dzi wuyisa khu malangani yatshavbo dzi phalalegedego umo khu litshigu nya mazuvi ni gidema.

Ezekiyeli 34:13

Nyi na dzi dusa khu ga mambe mayigo nyi dzi tombanisa, nyi dzi wuyisa tigoni gwawe nya mavelego. Nyi nata dzi havisa sigomoni sa Israyeli, vbafuvbi ni mitsongo ni malangani yatshavbo ya tigoni gu khadwago khu vathu.

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Mikeya 4:6

Khu litshigu lolo, a ngu ganela Pfhumu Nungungulu, nyi na tombanisa vale va ndzodolago, nyi tombanisa vale nyi nga va phalalegisa ni vale nyi nga va tshanisa.

Sofoniya 3:19

Wona nya gukhuwe, khu gikhati gyogyo nyi na mbembisa valala vago vatshavbo; nyi vbanyisa silima ni gu wuyisela vatshavbo va nga bani va tutumisidwe; dzitshoni dzawe dzi na vbindrugedza dzi khala litsako, guzundzega ni ndruma yanu yi na phalalega ni mayigo yatshavbo ma nga bani ma mi poyila.

Zakariya 2:6

Pfhumu Nungungulu wari, khuye: Dzi woneleni! Dzi woneleni! Olu thavani khu tigoni ga Wuronga, kholu eni nyi mi phalalegiside ga dzikhona dza dzina nya litigo, a ngu ganela Pfhumu Nungungulu.

Matewu 12:20

Kha gi na vbedzisa gufanya tshava nya gupfharege, ne kha gi na tshima litirisida li nga gu tuvigago, kala gi yisa Nayo waye gupalani.

Johane 21:15

Na va hodzide, Jesu a di wudzisa Simoni Pedro, khuye: “Simoni, mwamana wa Jona, u ngu nyi gola guvbindra ava, gani?” Uye a di khuye: “Ina, Pfhumu, gale nu gu dziti nya gukhuwe nyi ngu gu gola.” Jesu, khuye: “Havisa dzinvuta dzangu.”

1 Vakorinto 8:10

Uwe u gu ni guti, wa gu wonwa khu oyu a sa tiyago nu khade vbaguhodzatunu mu ginyumbanani nya githombe nya nungungulu nya malipha, ina muthu yoyo kha na nga dzipwa na tiyisidwe guhodza silo nya guphasedwe dzinguluve, gani?

Dhewuteronome 30:4

Ambari vathu vago va vbagedwego va gu manegela mahegiso nya mafu, gukhugela iyoyo, Pfhumu Nungungulu wago, a na gu tombanisa a gu wuyisa.

1 Vatesalonika 5:14

Vandruye, hi ngu mi lomba gambe, kawukani va nya mihudzuri, tiyiselani ava va rerekago, sayisani vadwali, mu hunisela vatshavbo.

Vahebheru 12:12

Khu guralo, khusedzani mandza ma garadego, mu gu tiyisa dzikhungumudzi dzi vbedego tshivba.

Vahebheru 4:15

Muphasi wathu nya khongolo nya mhamba a ngu dzi kodza gu hi pwela wusiwana nya sighoho sathu, kholu, uye nuye lingidwe kha nga ethu, aholu, gima kha ghoha.