Jeremiya 31:7 - Bhibhiliya Nya Guage

⁷ Kholu Pfhumu Nungungulu a ngu ganela kharati, khuye: “Embelelani mu womba mikulungwane khu kotani ya Jakobe, huwelelani ga uye a gu muthangeli nya mayigo; mu embelela dzindzimo nya wuzundzo, khenu: Vbulugisa vathu vago Pfhumu Nungungulu, a gu mitshaledwa ya Israyeli.”

Jeremiya 31:7 Iomraidhean Croise

Dzindzimo 106:47

Uwe Pfhumu Nungungulu wathu, hi vbanyise, hi tshanganise U hi dusa vbakari ga va nya mayigo, gasi hi kodze gu rungudza lina lago nya gukatege, hi gu dhumisa na hi tsakide.

Dzindzimo 126:2

Maganani gwathu gu di tala khu mahego nya gunengele, malimi yathu ma di kulungela; ni mambe mayigo ma di ganela, khayo: “Pfhumu Nungungulu a va girede silo sikhongolo.”

Dzindzimo 14:7

Nari pwani khu Siyoni, gu nguta guvbanyiswa ga Israyeli! Gikhati Pfhumu Nungungulu a na wuyisago nyaluphye sanana nya vathu vaye si vbagedwego, Jakobe a di hadza gu womba mikulungwane, Israyeli a di hadza gunengela ngudzu.

Dzindzimo 28:9

Vbanyisa vathu vago, kategisa thomba yago; va havise, u va hetedza kala gupindruga.

Dzindzimo 67:1

Nungungulu a na hi pwele wusiwana a hi kategisa, khovbe yaye yi na ngangamele eno gwathu;

Dzindzimo 69:35

Kholu, Nungungulu a na vbanyisa Siyoni, a vbahedza madhoropa ya Judha, va na khala umo va bwelo khavbo va ma fuma.

Isaya 1:9

Naripwani Pfhumu Nungungulu nya Tshivba Yatshavbo kha nga hi tshiyela vambe nya gukari, va vbanya, hi di hadza gu fanana ni Sodhoma, hi fanana ni Ghomora.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 37:31

Ga vale va tshadego nya linyumba la Judha, avo va vbulugidego, va na tsitsa mikhamba mafuni, matamo yaye ma ninga mihandro;

Isaya 37:4

Mwendro saye Pfhumu Nungungulu wago, a ma pwide magana ya Rabhisaki, a rumedwego khu mune waye, mufumeli wa Asiriya, guta vala Nungungulu a vbanyago, a gu dzina saye Pfhumu Nungungulu wago, a na mu tsayisa khu magana a ma pwidego; khu guralo, olu lombelela ga Nungungulu wago khu mitshaledwa ya vathu vaye.

Isaya 44:23

Embelelani khu gutsaka, enu ndzadzini, kholu si giridwe khu Pfhumu Nungungulu! Wombani mikulungwane enu mu guromo guetani nya mafu! Embani sizimba khu gunengela, enu sigomo, magabi ni misimbo yaye yatshavbo, kholu Pfhumu Nungungulu tshudziside Jakobe, a dzi dhumisa khu Israyeli.

Isaya 52:8

Upwani huwa ya vawoneleli! Vatshavbo va gu khusa lito va embelela gumogo khu lito limwedo na va tsakide; kholu va na wona khu maho yawe guwuya ga Pfhumu Nungungulu gigomoni ga Siyoni.

Isaya 61:9

Livelego lawe li na tidwa vbakari nya mayigo, ni situgulwana, si na tidwa vbakari nya mambe mafumbo. Vatshavbo va na va wonago, va na vati kha nga melego wu kategisidwego khu Pfhumu Nungungulu.

Jeremiya 20:13

Embelelani ga Pfhumu Nungungulu, dhumisani Pfhumu Nungungulu; kholu vbulugiside hefemulo nya gisiwana mandzani nya sighohi.

Jeremiya 23:3

Eni mune kamwe nyi na tombanisa dzinvuta dzi tshadego, khu mayigoni gwatshavbo dzi nga bani dzi thavede umo, nyi na dzi wuyisa mavbandroni gwawe; umo dzi na guta velegelana.

Jeremiya 3:23

Khu lisine, wukhozeli nya malipha wa musigomoni wu ngu kanganyisa; esi va si girago giwulani ligwaha basi; guvbanyiswa ga Israyeli gwa guta khu ga Pfhumu Nungungulu wanu.

Jeremiya 31:12

Va na wuya na va gu womba mikulungwane nya gutsake kala gigomoni gya Siyoni, va tsakela dzithomba va ningidwego khu Pfhumu Nungungulu a gu edzi: Tirigu, wadwa, mafura, dzinvuta ni simombyana; hefemulo wawe wu na khala kha nga lithembwe li theledzedwago mati, gima kha va na nga vbela gambe tshivba.

Gililo 1:1

Khu ginani li khadego marumbi lidhoropa leli gale li nga bani li tade khu vathu! Lidhoropa leli gale li nga bani liri likhongolo vbakari nya mayigo. Olu li vbindrugedzide li khala noni li nga bani liri ni wudhumo vbakari nya mayigo, olu li khade gisiwana! Bet

Ezekiyeli 6:8

Aholu nyi na tshiya vadugwana; vambe vanu va na vbuluga gu songwa gasi va kodza guphalalegiswa va yiswa ga mambe mayigo.

Hoseya 1:7

Aholu va na Judha nyi na va pwela wuhindzi, nyi va vbulugisa khu Pfhumu Nungungulu wawe, kha nyi na va vbulugisa khu wulaho mwendro matshari, ambari khu gu dwana nyimbi, mwendro khu dzikavalu, ambari khu vakhileli vawe nya dzikavalo.”

Joyele 2:32

Watshavbo wule a ranago lina la Pfhumu Nungungulu a na vbanyiswa; kholu gigomoni gya Siyoni dhoropani ga Jerusalema, gu na manega gutshudziswa, kha nga edzi Pfhumu Nungungulu a ganedego khidzo, ni vbakari nya mitshaledwa va na manega vale va na gu bani va ranidwe khu Pfhumu Nungungulu.

Amosi 5:15

Nyenyani guvivba, mu gola wuwadi; mu tiyisa lisine gulamulani gwanu. A gu dzina saye Pfhumu Nungungulu nya Tshivba Yatshavbo, a na pwela gisiro mitshaledwa ya Josefe.

Mikeya 2:12

Gasi olu, nyi na bwelo khavbo nyi tombanisa vathu vago vatshavbo uwe Jakobe, nyi tshanganisa ni mitshaledwa ya Israyeli; nyi na va pata dangamwedo nga dzinvuta dza Bhozira, nga tshambi wu guromo phandroni, gu na pwala ligwaha nya likhongolo, khu kotani nya gutale nya vathu.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Sofoniya 2:9

Khu kharato, nyi ngu sambanya khu womi wangu, a ngu ganela Pfhumu nya Tshivba Yatshavbo, Nungungulu wa Israyeli, khu lisine, Mowabhi a na fanana ni Sodhoma, sanana sa Amoni si fanana ni Ghomora, marembwe yawe ma na tala khu miba ni siruga nya munyu, gu na vbindrugedza gu khala giwula kala gupindruga. Va na phangwa khu mitshaledwa nya vathu vangu ni mitshaledwa nya vathu vangu yi na wandra mayigo yawe ma khala thomba yawe.

Varoma 11:5

Khidzo gambe kharato ni matshiguni ya muhuno, womo tengo wudugwana nya vale Nungungulu a va hathidego khu wuhindzi waye.

Varoma 9:27

Isaya nuye a ngu ganela, na gu thula Israyeli, khuye. “Ambari tengo nya vathu va Israyeli wu tala kha nga fungo wa phwani, gu na vbanyiswa basi vadugwana.

Dhewuteronome 28:13

Wa gu yingisa milayo ya Pfhumu Nungungulu wago, nyi gu rumago muhuno gu yi vegedza ni gu yi landrisa, Pfhumu Nungungulu a na gu khusedza vbatshani a gu vega avbo nya gikhalo gya mbeli, na siri gya hwane.

Dhewuteronome 32:43

Nengelani enu mayigo, gumogo ni vathu vaye, kholu Pfhumu Nungungulu a na phodzela novba wa sithumi saye a na si phodzela vbatshani ga valala vaye, a na pwela wuhindzi litigo laye ni vathu vaye.