Jeremiya 31:4 - Bhibhiliya Nya Guage

⁴ Eni nyi na gu vbahedza nyaluphye, uwe likendzi la Israyeli! U na wusedzwa! U bwelo khavbo u mburisedwa khu dzingoma dzago, u duga ni dzindzimo u ya hana ni avo va tsakago.

Jeremiya 31:4 Iomraidhean Croise

2 Dzipfhumu 19:21

Pfhumu Nungungulu a ngu ganela kharati avbo gwaye, khuye: Nyamahegyane nya likendzi wa Siyoni, a ngu gu hembulula a gu hega; nyamahegyane wa Jerusalema a ngu ninginingisa hungo khu hwane gwago.

Dzindzimo 149:3

Va na dhumise lina laye khu gu hana, va embelela na va gu womba sitendre ni dzingoma.

Dzindzimo 30:11

U vbindrugedzide gililo gyangu khu gutsaka; U nyi tshude gilendra, u nyi ambagisa mwendra nya gutsake.

Dzindzimo 51:18

Kategisa gwadi Siyoni khu wuhindzi wago; vbahedza nyaluphye mabhiyo ya Jerusalema.

Dzindzimo 69:35

Kholu, Nungungulu a na vbanyisa Siyoni, a vbahedza madhoropa ya Judha, va na khala umo va bwelo khavbo va ma fuma.

Isaya 14:1

Kholu Pfhumu Nungungulu a na pwela gisiro nyumba ya Jakobe, a dzi hathela va na Israyeli, va ta vbaha tigoni gwawe nya mavelego, va nya mayigo va nata tshangana gumogo navo, va dzi patanisa ga lihundzu la Jakobe.

Isaya 30:32

Ndronga ni ndronga Pfhumu Nungungulu a na va vetago khiyo gasi gu va tsayisa, yi longoloka ni guwombwa singomana ni sitendre. A na dwana navo khu gyandza nya gukhugege.

Isaya 37:22

aya khu magana Pfhumu Nungungulu a ganedego khu mahungu yaye: Nyamahegyane nya likendzi wa Siyoni, a ngu gu hega ni gu gu tsoredzela; nyamahegyane wa Jerusalema avbo u vbindrago a gu kutsunga hungo.

Jeremiya 1:10

Wona nya gukhuwe muhuno nyi ngu gu ninga tshivba nya gufumele mayigo ni mifumo, u na wandra ni gu pfhungumula, u mbembisa muphelo; ni gu vbahedza ni gu yala.”

Jeremiya 14:17

Gasi uwe, u na va embela magana yaya, khuwe: Khu mahoni gwangu gwa gu vbalaga marongo wutshigu ni mihani nyamba hegisa, kholu nyamahegyane nya likendzi wa Siyoni, a thedwe gilondra nya gikhongolo nya gimange.

Jeremiya 18:13

Khu guralo, Pfhumu Nungungulu a ngu ganela kharati, khuye: “Olu nga wudzisani mambe mafumbu ya mambe mayigo; gukhugela, khu mani a pwidego silo nya nga esi? Likendzi la Israyeli, li giride gighoho nya guthise ngudzu!”

Jeremiya 24:6

Nyi na va khedza khu maho nya wuhindzi nyi va wuyisa tigoni momu; nyi na va tiyisa gima kha nyi na va pfhungumula, nyi va tsitsa, aholu gima kha nyi na va sigula.

Jeremiya 31:13

Vanyamahegyane va na hana dzingoma khu gutsaka, gumogo ni madzaha ni sikhosane; nyi na vbindrugedza gulila gwawe khu litsako, gambe nyi na va tangadzisa; nyi vbindrugedza gutshaniseka gwawe khu gunengela.

Jeremiya 31:21

Vegani mitseneno ni misimbo nya gu layedze ndzila, khedzani gwadi mu gimbila khiyo. Li ngu wuya likendzi la Israyeli, li wuyela madhoropani gwaye.

Jeremiya 31:38

Pfhumu Nungungulu a ngu ganela, khuye: Wonani, ma nguta matshigu, lidhoropa leli li na vbahedzwago nyaluphye, li vbahedwa Pfhumu Nungungulu, gukhugela Likhokhola la Hananeli kala Nyangwa nya Gutshangane.

Jeremiya 33:7

Va na Judha ni va na Israyeli, nyi na va wuyisa khu wugumbitunu, nyi ta va vbahedza kha nga guhegulani.

Jeremiya 46:11

Gwela Gileyadhi, uwe likendzi, nya nyamahegyane wa Egipito, u naya mana umo mafura nya gutole; wa gu dzi garadza khu gu vbweta mirendre nya gutale; gambe kha yi na gu hawulugisa.

Gililo 1:15

Pfhumu theside dzindrena dzangu dzatshavbo dzi nga bani dzi nyi phasedzela, a rambide nyimbi, yi ta sasela madzaha yangu; Pfhumu gandredzede nyamahegyane nya likendzi wa Judha, gukhwatshi a gu gama dzindzawa. Ain

Gililo 2:13

Wufakazi muni nyi na gu girelago? Nyi na gu fananisa ni mani uwe nyamahegyane wa Jerusalema? Gasi nyi na gu fananisa ni mani? Gasi gu gu tangadzisa, uwe likendzi la tsindza wa Siyoni? Gilondra gyago gikhongolo nga linene; khu mani a na gi vbodzisago? Nuni

Amosi 5:2

Likendzi la Israyeli li thegide, gima kha li na wuga gambe; li di labalaba mafuni, mwalo ni moyo nya gu li wuse.

Amosi 9:11

Khu litshigu lolo, nyi na wusa gambe tshatsha wa Dhavhidhe wu thegidego. Nyi tshikedzela malufa yaye, nyi wusa marumbi yaye. Nyi na wu vbahedza nga idzo wu nga bani ma romo khidzo khu gale;

Luka 15:23

Resani gimombyana nya gunone muta gi songa, hi hodza, hi nengela,

Mithumo 15:16

‘Khu hwane nya esi nyi na wuya nyi ta wusedza tshatsha wa Dhavhidhe wu thegidego nyi na vbahedza marumbi yawe, nyi va emisa,

Valamuli 11:34

Gikhati Jefiti a vbohidego ndrangani gwaye Misipa, gu di duga nyamahegyane waye a mu khinga nari ni singomana, na gu hana, nyamahegyane yoyu a diri gyanana gyaye gya gimwegyo avbo ga Jefiti, uye a diri mwalo gimbe gyanana nya gikhwathana mwendro nya gyagadzyana.