Jeremiya 31:32 - Bhibhiliya Nya Guage

³² Aholu gi na hambana ni gile nyi giridego ni vababe vawe, litshigu nyi va pharidego khu libogo gasi gu va dusa tigoni ga Egipito; aholu avo va digide gidzumeledzwano gyangu, khu guralo, eni nyi di hambana navo; a ngu ganela Pfhumu Nungungulu.

Jeremiya 31:32 Iomraidhean Croise

1 Dzipfhumu 8:9

Umo nya Ngasa nya Gidzumeledzwano gu diri mwalo gimbe gilo, vbavbandze nya siwindri sa sivili si nga vegwago umo khu Mosi, na vari gigomoni ga Horebhi, avbo Pfhumu Nungungulu a nga girago gidzumeledzwano ni sanana sa Israyeli, gikhatini va nga dugago khu tigoni ga Egipito.

Dzindzimo 73:23

Ambari khu guralo, eni nyi womo gumogo nago u nyi pharide khu libogo langu la nyamudye.

Dzindzimo 78:37

Kholu myonyo yawe yi di si namareli gwaye, ambari gutumbega ga gidzumeledzwano gyaye.

Ekisodha 19:5

Olu mwa gu yingisani lito langu, mu vegisa gidzumeledzwano gyangu, mu na khala thomba yangu vbakari nya mayigo yatshavbo, kholu litigo latshavbo la gu lumba Eni.

Ekisodha 32:8

Kha va hwela gu penga va diga ndzila nya milayo nyi va ningidego. Va dzi wumbede githombe nya mombe nya gikete, va gi khozela, va gi ninga miphaso nya dzimhamba, va ganela, khavo: “Uwe Israyeli, oyu khu nungungulu wago a gu dusidego tigoni ga Egipito.”

Gizimba 8:5

Wuyelelo—Gasi khu mani oyu a gwelago giwulani na wugaredwe magatani ya gigodwa gyaye?

Isaya 24:5

Kholu mafu ma nyenyezide khu kotani ya vavbanyi vaye, kholu va yeyiside milayo ni gu hambanisa sileletelo, va kavila gidzumeledzwano nya gupindruge.

Isaya 41:13

Kholu eni, Pfhumu Nungungulu wago, nyi ngu gu phara khu libogo lago la nyamudye, nyi gu embela, kheni: U nga thavi, eni nyi ngu gu phasa.

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Jeremiya 11:3

u va embela, khuwe: Pfhumu Nungungulu wa Israyeli a ngu ganela kharati, khuye: Nyi ngu vala muthu watshavbo a si yingisigo magana nya gidzumeledzwano gegi,

Jeremiya 11:4

nyi ningidego vababe vanu gikhati nyi va dusidego khu tigoni ga Egipito, gidhingiseloni nya dzisimbi, nyi nga va embela, kheni: Yingisani lito langu ni gu gira satshavbo nyi mi rumago; khu guralo, enu mu na bani muri vathu vangu, eni neni nyi na khala nyiri Nungungulu wanu;

Jeremiya 2:2

Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Jeremiya 22:9

Khavbo avbo, va na ningwa phindrulo, pwani: “Kholu va nga diga gidzumeledzwano va hungidego ni Pfhumu Nungungulu wawe, va ya khozela vambe vanungungulu ni gu va thumela.”

Jeremiya 3:14

Wuyani gwangu enu sanana nya gukanyise, a ngu ganela Pfhumu Nungungulu; kholu eni kheni Pfhumu yanu, nyi na mi dzegani, moyo ni moyo khu madhoropani ni vavili-vavili khu lihundzu ni lihundzu nyi mi hetedza kala Siyoni.

Jeremiya 31:1

Khu gikhati gile, a ngu ganela Pfhumu Nungungulu, khuye: “Eni nyi na khala Nungungulu nya mahundzu yatshavbo ya na Israyeli, gasi avo va na khala vathu vangu.”

Jeremiya 34:13

Pfhumu Nungungulu wa Israyeli, a ngu ganela kharati, khuye: Eni nyi giride gidzumeledzwano ni vababe vanu avbo nyi nga va dusago khu tigoni ga Egipito, tigoni nya wugumbi, kheni.

Jeremiya 34:14

Hwane nya livbandre na mivili myaga, muthu ni muthu a ngu yela gu tshula ndriyaye nya Muhebheru nga rengisedwago, na gu thumede livbandre na moyo myaga, u ngu yela gu mu tshula. Aholu, vababe vanu kha va nyi yingisa, ambari gu khathala.

Ezekiyeli 16:8

Khu hwane nya ugo, nyi di vbindra khu vbafuvbi gwago, nyi di gu khedza nyi gu wona gukheni u diri ni tanga nya guenele gu liti lihaladzo; khavbo avbo, nyi di thawuludza gifenengelo, nyi fenengedza wumbwiri wago. Nyi di gira gisambanyo ni gu hunga gidzumeledzwano nago gasi gu gu dzega; a ngu ganela Mune Pfhumu Nungungulu.

Ezekiyeli 20:37

Nyi na mi gira mu vbindre khu vbavbatshi nya ndronga yangu, nyi mi gurumedza gu landrisa gidzumeledzwano gyangu.

Ezekiyeli 23:4

“Malina yawe a diri aya: Uye nya koma khu Owolani, uye nya nandra khu Owolibhani; avo va diri vagadzi vangu, va nyi velegede sanana nya sikhwathana ni sagadzyana. Owolani, khu Samariya, Owolibhani, khu Jerusalema.”

Hoseya 11:1

Avbo Israyeli a nga bani na ngari gyanana, eni nyi di mu gola; khu tigoni ga Egipito, nyi di rana gyanana gyangu.

Hoseya 2:2

Va na Israyeli ni va na Judha, va na tshangana gumogo, va dzi hathela muthangeli moyo basi, va na duga tigoni, kholu litshigu la Jezireyeli li na bani na liri likhongolo ngudzu.

Hoseya 3:1

Pfhumu Nungungulu a di nyi embela, khuye: Indra gambe uya haladzana ni nyamayi moyo a haladzwago khu pari yago, ambari olu a gu gibhayi. Mu haladze nga idzo Pfhumu a golago khidzo sanana sa Israyeli, ambari ulo avo va mu pfhuraredego va gola vambe vanungungulu ni gu tsakela sibwandzalati nya dziuvha.

Levhi 26:15

mwa gu kanyisa sileletelo sangu, ni gumba girani milayo yangu, mu kala mu vboha avbo nyamba sayisa milayo yangu yatshavbo, mu pila gidzumeledzwano gyangu;

Marko 8:23

A di dzega gikhumu a gi phara khu libogo, a gu duga naye vbavbandze nya talala. A di mu todza dzindrura mahoni a mu handzega mandza, a mu wudzisa, khuye: “U ngu wona gilogyo, gani?”

Johane 3:29

Buzoni nya dzegano mudzegi khuye a gu ni mwangadzi gasi phelegedzi ya mudzegi, a gu iyo yi mu bangaladzago ni gu mu yingisa, ya gupwa lito la mudzegi ya gu tsaka ngudzu. Khilo eli litsako langu nya guvbelele.

Mithumo 23:19

Ndruna yi di dzega gikhwathana yi gu hongola nagyo khu phuvbo yi ya gi wudzisa, khiyo: “Ginani u vbwetago gu nyi embela?”

2 Vakorinto 11:2

Gu khathala gu ngu nyi girisa wufu, linani ga Nungungulu. Kholu enu mu khade nga sagadzyana nya makendzi, nyi mi ningedego ga mwama moyo basi, a gu Kristo.

Dhewuteronome 1:31

niso a giridego gambe giwulani, avbo mu wonidego nya gukhenu Pfhumu Nungungulu wanu, Uye a mu pharide khu libogo kha nga muthu a pharago gyanana gyaye khu libogo, ndzilani gwatshavbo mu gimbidego, kala mu ta vboha wulanga wowu.

Dhewuteronome 29:1

Mosi a di ramba vatshavbo va na Israyeli, a va embela, khuye: Mu wonide satshavbo esi Pfhumu Nungungulu a giridego mahoni gwanu tigoni ga Egipito, ga Faro, ga sithumi saye ni ga litigo laye latshavbo:

Dhewuteronome 29:21

Khavbo avbo, mimelana yi nga gutago nya sanana sanu, avo va na gutago khu hwane gwanu, ni muluveli a na tago khu mayigoni ya hwindzo, va na wona dzitshanisa dza tigoni momu gumogo ni mabango Pfhumu Nungungulu, a na ma thesago avbo gwaye.

Dhewuteronome 29:24

Khavbo avbo, va na ganela, khavo: Kholu va nga diga gidzumeledzwano egi Pfhumu Nungungulu wa vababe vawe a giridego navo, gikhati a nga va dusago tigoni ga Egipito;

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

Dhewuteronome 31:20

Gikhati nyi na va bedzago ga litigo eli nyi li sambanyedego ga vababe vawe, litigo li gogago mahwe ni wulombe, mu na ya hodza mu khura, gambe mu naya ena. Aholu va na phela guya khozela vambe vanungungulu, va nyenya Eni, va hambanisa gidzumeledzwano gyangu.

Dhewuteronome 5:2

Pfhumu Nungungulu wathu, giride gidzumeledzwano ni ethu gigomoni ga Horebhi.

Dhewuteronome 5:3

Pfhumu Nungungulu, kha gira gidzumeledzwano gegi ni vababe vathu, aholu giride ni ethu hatshavbo hi guromo avba muhuno hi vbanyago.

Vahebheru 8:9

Egi kha gi fanani ni gidzumeledzwano nyi nga hungago ni vababe vawe, litshigu nyi nga va phara khu mandza nyi va dusa tigoni ga Egipito. Avo kha va tumbega ga gidzumeledzwano nyi nga girago navo. Khu guralo, eni nyi di va nyenya, a ngu ganela Pfhumu.