Jeremiya 31:30 - Bhibhiliya Nya Guage

³⁰ Aholu, moyo ni moyo, a nafa khu kotani nya gighoho gyaye, ni gu muthu a gu hodza dziuvha nya dzimbihu, uye kamwe a na tshaniseka khu guvbisa magwaha yaye.

Jeremiya 31:30 Iomraidhean Croise

2 Dzipfhumu 14:6

Aholu sanana sawe kha si songa, kha nga idzo gu lovidwego khidzo libhukuni nya Nayo wa Mosi, avbo Pfhumu Nungungulu a leletedego gukhuye: “Vavelegi va nga tshuki va songwa khu kotani ya sanana, ni sanana si nga songwi khu kotani ya vavelegi; muthu ni muthu a na songwe khu kotani nya sighoho saye.”

Joba 21:20

Gu di vbwetega va yi mana vabune tsayiso yawe. Va sela gambe gikombe nya khorodza ya Nungungulu Nya Tshivba Yatshavbo.

Isaya 3:11

Libango ga va nya guvivbedwa khu monyo! Kholu, va na thegedwa khu mhango! Va na hakha tshatshazelo nya esi va yadego khu mandza yawe.

Ezekiyeli 18:20

“Muthu a ghohago khuye a yelago gufa; gyanana gima kha gi na nga khala mune nya gighoho gya muvelegi waye, ambari muvelegi nuye kha na mana nandru khu gighoho gya mwanaye. Muthu nya gululame a na hakha gululama gu mu lumbago, uye nyamba lulama a na tsayiswa khu gumba lulama gwaye.”

Ezekiyeli 18:4

Wonani nya gukhenu mihefemulo yatshavbo ya gu lumba eni; hefemulo wa babe gumogo ni wa gyanana ya gu lumba eni. Wule a nga ghohago khuye a nafago.

Ezekiyeli 3:24

aholu Liphuvbo li di bela gwangu, nyi di wuga nyi ema. Uye a di nyi embela, khuye: Indra gaya u ya dzi khothela nyumbani gwago.

Ezekiyeli 33:13

Gasi nya gu embela muthu nya gululame kheni, uye, a na vbanya, aholu uye na gu tumba gululama gwaye, a thuma mithumo nya guvivbe, mithumo yaye nya gululame kha nyi na yi dundruga; aholu uye a nafa khu guvivba a giridego.

Ezekiyeli 33:18

Aholu muthu nya gululame a gu diga ndzila yaye nya gululame, a gira guvivba, a nafa.

Ezekiyeli 33:8

Eni nya gu ganela ga uye nya guvivbedwe khu monyo, kheni: Khu lisine uye a nafa, uwe u si mu embeli gasi uye a ndreye ndzilani nya guvivbe, muthu wule nya guvivbedwe khu monyo a nafa khu kotani nya wuvivbi waye, aholu eni nyi na gu rwega nandru khu gufa ga muthu yoyo.

Vagalatiya 6:5

kholu, muthu ni muthu guvbweta a rwale abune rwalo waye.

Dhewuteronome 24:16

Vavelegi va mwalo fanelo nya gusongwe khu sighoho sa sanana sawe, mwendro sanana khu sighoho sa vavelegi vawe. Muthu ni muthu a nafa khu gighoho gyaye.

Jakobe 1:15

Gudogolela gwa gu bela monyoni nya muthu gu khura mimba gu velega gighoho, gighoho na gi giridwe gya gu vanga gufa.