Jeremiya 31:3 - Bhibhiliya Nya Guage

³ Pfhumu Nungungulu a dzi wonegiside khu matshigu ma vbindridego, a ganela, khuye: “Eni nyi gu gode khu lihaladzo li si vbeligo; khu kotani nya wuwadi wangu nyi gu ndrindredzede.”

Jeremiya 31:3 Iomraidhean Croise

1 Dzipfhumu 10:9

A na bongwe Pfhumu Nungungulu wago, a tsakisidwego khuwe, khu gu gu vega vbagikhalotunu nya wufumu wa Israyeli; kholu Pfhumu Nungungulu a ngu gola Israyeli khu lihaladzo nya gupindruge, khu guralo, a gu emiside gu khala mufumeli, gasi u lamula khu gululama.”

Dzindzimo 103:17

Aholu, wuhindzi wa Pfhumu Nungungulu, wu ngu simama kala gupindruga ga vale va mu ningago githawo, gululama gwaye gu ngu wonega kala ga situgulwana sawe;

Dzindzimo 25:6

Pfhumu Nungungulu, dundruga wuhindzi ni lihaladzo lago, ga ethu, gukhugela gupindruga nya gupindruge.

Gizimba 1:4

Nyi phare, nyi gulandrela khu gututuma! Mufumeli a nyi bedzide makhuvini gwaye. Hi na gu zundza hi gu tsakela. Hi na nengela ni gutsaka avbo gwago, hi na gualakanya khu lihaladzo lago nya gutshambe guvbindra dosi nya dziuvha. Avo valulamidego, va ngu gu gola.

Isaya 43:4

Kholu uwe u di gu golega mahoni gwangu, ni gu zundzega, gambe nyi gu gode, nyi na gu dzegisa khu vathu, nyi na ningela mayigo gasi gu khala mhamba nya gu gudzegise.

Isaya 45:17

Aholu Pfhumu Nungungulu a na vbanyisa Israyeli kala gupindruga; gima kha mu na thega gambe dzitshoni, ni guhambanega mapimo kala gupindruga.

Isaya 49:14

Aholu Siyoni a gu ganela, khuye: “Pfhumu Nungungulu a nyi digide, mune wangu a nyi divade!”

Hoseya 11:1

Avbo Israyeli a nga bani na ngari gyanana, eni nyi di mu gola; khu tigoni ga Egipito, nyi di rana gyanana gyangu.

Hoseya 11:4

Nyi va gimbidziside khu dzingodzi nya wuhindzi ni monyo nya lihaladzo, nyi khade avbo gwawe kha nga uye a va dusago kanga dzithamoni gwawe, nyi dzi nogisa gasi nyi va ninga guhodza.

Malakiya 1:2

Pfhumu Nungungulu a ngu ganela, khuye: “Eni nyi mi gode gikhati gyatshavbo; aholu enu mwa gu ganela, khenu: U hi gode khu magolelo muni? Pfhumu Nungungulu a ngu hakha, khuye: Gasi Esawu khandri a diri ndruye wa Jakobe, gani? Aholu eni nyi di gola Jakobe,

Varoma 8:30

a va a nga bani a va hathide khu gale. Avo a nga va ranago a va giride vathu nya gululame, a va ninga wuhigo nya guhengele wudhumoni gwaye.

Varoma 9:13

Kha nga yi hevbudzago Milowo nya Guage, yi gu, khiyo: “Nyi gode Jakobe guvbindra Esawu.”

Dhewuteronome 10:15

Aholu Pfhumu Nungungulu a di tangadziswa khu vababe vago, a va gola, bwelo khavbo a hatha enu sanana sawe vbakari nya mafumbu yatshavbo nya mambe mayigo, kha nga idzo mu dzi wonago khidzo muhuno.

Dhewuteronome 33:26

Mwalo mumbe nya gu fanane ni Nungungulu wa Jesurumi, uye atago a ta mu phasa, a tsemakanyago ndrengelenge nya mapfhi!

Dhewuteronome 33:3

Khu lisine, Uwe U ngu gola vathu; va nya guaga vago vatshavbo, vomo mandzani gwago; va khala migondroni gwago, va hevbula nayo wago.

Dhewuteronome 4:37

Khu guralo, khu kotani nya lihaladzo ga vababe vago, hathide uwe livelego lawe, a gu dusa khu tigoni ga Egipito, uye mune wurumba khu tshivba yaye nya yikhongolo,

2 Thimoti 1:9

Khuye a hi vbanyisidego ni gu hi rana, nasiri khu mithumo yathu, aholu khu gudzina ni wuhigo waye, a nga hi dongisela galeyo gu hi ninga khu Kristo Jesu.

Jakobe 1:18

Khu gudzina gwaye, a hi velegide khu tshivba nya lito nya lisine, gasi hi khala nga matiwula nya sivangwa saye satshavbo.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

1 Johane 4:19

Gasi ethu, hi ngu haladza Nungungulu, kholu Uye khuye a nga phela khuye gu hi haladza.