Jeremiya 31:14 - Bhibhiliya Nya Guage

¹⁴ Vaphasi nya mhamba nyi na va khurisa khu guhodza nya gunone, ni vathu vangu va khura khu silo sangu nya sadi; a ngu ganela Pfhumu Nungungulu.

Jeremiya 31:14 Iomraidhean Croise

2 Dzikoronika 6:41

Khu guralo, uwe Pfhumu Nungungulu, khuga U ta khala wulanga wago nya guhefemule, uwe gumogo ni Ngasa nya tshivba yago; Pfhumu Nungungulu, vaphasi vago va na fenengedzwe khu guvbanyisa gwago, ni sihathwa sago si na nengele khu wuwadi.

Nehemiya 10:39

Gikhati va na Levhi va hakhago miningelo yeyi nya gipandre nya likhumi va na bani vari ni muphasi nya mhamba wa na Aroni, khu kharato va na Levhi va na dusa gipandre nya miningelo nya likhumi va gi resa Nyumbani gwa Nungungulu wathu, va ta gi vega wulangani gi na thumisedwago avbo.

Dzindzimo 107:9

Kholu sedzide vathu a va tshima lidora lawe, a ninga guhodza nya guenele avo va pwago ndzala.

Dzindzimo 132:16

Nyi na ninga vaphasi vago nya mhamba tshivba nya gu lamule vambe, va na kulungela khu gutsaka vale va khodwago gwaye.

Dzindzimo 132:9

Gikhati gyatshavbo vaphasi vago nya mhamba va na gire esi si lulamidego, avo va khodwago gwago va na kulungele khu gutsaka.

Dzindzimo 17:15

Gasi eni, khu lisine, nyi na wona khovbe yago; gikhati nyi wugago nyi na khura khu gu wona giyemo gyago.

Dzindzimo 36:8

Avo va ngupwa gukhura khu manonwa ya nyumbani gwago, u va sedza mati nya gutshambe ya namboni gwago.

Dzindzimo 63:2

Eni nya gu gu khedzisela makhuvini gwago nya guage, gasi gu wona tshivba ni wudhumo wago.

Dzindzimo 63:5

Nya gu dzipwa gutsaka gukhwatshi nyi di khura khu guhodza nya gunone, nyi na womba mikulungwane nya gutsake nyi gu rungudza.

Dzindzimo 63:6

Na nyi lade dawuni gwangu, nya gu alakanya uwe, wutshigu watshavbo nya gu pila na nyi gu pimisa uwe.

Dzindzimo 65:4

Kategide muthu u mu hathago a hidzimela vbafuvbi gwago, gasi guta vbanya nyumbani gwago, ethu nethu hi ngu nengela khu esi nya sadi sa Nyumbani gwago nya guage.

Dzindzimo 85:13

Gululama gu na thanga mbeli ga Nungungulu, avbo a gandrago avbo, ya gu tulega ndzila.

Dzindzimo 90:14

Hi khurise khu lihaladzo lago na gu ngari dzimindru, gasi hi fela gutsaka hi embelela hi nengela matshigu yathu yatshavbo.

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Isaya 25:6

Gigomoni momu, Pfhumu Nungungulu nya Tshivba Yatshavbo, a na dongisela buzo nya khongolo ga vathu vatshavbo va tigoni, buzo nya nyama nya gunone, ni vbinyu nya gutshambe gwadi, guhodza nya mafura nya guphudwe gwadi, vbinyu nya guvave nya gutshambe gwadi.

Isaya 61:6

Aholu enu mu na ranwa vaphasi nya mhamba ya Pfhumu Nungungulu, va na mi rana sithumi sa Nungungulu wathu. Mu na hodza dzithomba dza va nya mayigo, ni dzithomba dzawe, dzi na khala dzanu.

Jeremiya 31:25

Kholu nyi na rudzisa mihefemulo yi garadego ni gu ninga tshivba iyo yi khuvegidego.

Jeremiya 33:9

“Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Jeremiya 50:19

Israyeli nyi na mu wuyisa nyaluphye tigoni gwaye. Va nata hava gigomoni gya Karimelo ni gigomoni gya Bhasani, va na khura sigomoni sa Efrayimi ni Gileyadhi.

Ezekiyeli 34:14

Nyi na dzi havisa mahawoni nya yadi, ni sigomoni nya gulaphe sa Israyeli, gu na bani guri wuhaviseloni gwawe; dzi na khala umo wuhaviseloni gwawe, dzi na mana mahawo nya yadi sigomoni sa Israyeli.

Agewu 2:19

Ina yi nga romo mbewu githungani, gani? Gu diga nya isoso, ambari mikandzu miromani kha yi nga gu ninga gambe mihandro. Aholu, gukhugela muhuno, Eni nyi na mi kategisa.

Matewu 5:6

Va kategide vale va gu ni ndzala ni lidora nya ndruda, kholu va na khuriswa.

Vaefeso 1:3

A na rungudzwe Nungungulu, Babe wa Pfhumu yathu Jesu Kristo, A hi kategisago khu makategwa yatshavbo ya Ndzadzini khu ga Kristo.

Vaefeso 3:19

lihaladzo leli la Kristo, ambari ulo a gu mwalo muthu a dzi kodzago gu liti khu guvbelela, gasi enu mu mane gutala khu wufumu watshavbo wa Nungungulu.

Dhewuteronome 33:23

Khu va na Nafitali, a di ganela, khuye: “Nafitali a na hakha siningwa nya singi sa Pfhumu Nungungulu, gambe a na tala khu makategwa yaye, a na mana litsiva ni gipandre gya Marandzi!”

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

Gutuledwa 5:10

U va giride vafumeli ni vaphasi nya mhamba ya Nungungulu wathu; avo va na fuma mafuni.”