Jeremiya 30:3 - Bhibhiliya Nya Guage

³ Kholu Pfhumu Nungungulu a ngu ganela, khuye: “Wona, ma nguta matshigu nyi na gu kategisago vathu vangu va na Israyeli ni va na Judha; nyi na va wuyisa tigoni nyi ningidego vababe vawe, gasi va li fumela.”

Jeremiya 30:3 Iomraidhean Croise

Ezira 3:1

Avbo gu nga megago ngima nya livbandre na wuvili, va na Israyeli va diri madhoropani gwawe, vathu va diya tshangana khu monyo moyo Jerusalema.

Ezira 3:12

Aholu vaphasi nya vangi nya mhamba, ni va na Levhi, ni vathangeli nya dzinyumba dza vababe vawe va nga bani va gumbide, ava va wonidego nyumba nya guhegule ya Nungungulu, avbo va nga wonago giseketelo nya nyumba nya yiphya, va di womba dzihuwa va lila; aholu nya vangi va di khusa malito va kulungela khu gutsaka.

Ezira 3:8

Khu mwaga nya wuvili nya guwuye gwawe Jerusalema Nyumbani ga Nungungulu, khu ngima nya wuvili, Zorobhabheli, mwamana wa Salatiyeli, Jesuwa, mwamana wa Jozadhaki, ni vambe vandriyawe, vaphasi nya mhamba ni va na Levhi ni vatshavbo avo va nga wuyago Jerusalema khu wugumbitunu, va di emisa va na Levhi, avo va nga bani vari ni magumavili myaga guya mbeli, va rwala thumo nya gugimbidzise mithumo nya guvbahe Nyumba ya Pfhumu Nungungulu.

Dzindzimo 126:4

Pfhumu Nungungulu, vbindrugedza wugumbi wathu wu khala litsako; wu fanana ni mitsongo ya Marandzi.

Dzindzimo 53:6

Nari gupwani khu Siyoni gu ngu duga guvbanyiswa ga Israyeli! Gikhati Nungungulu a na wuyisago makategwa ya vathu vaye, va na Jakobe va na womba mikulungwane, ni Israyeli a na nengela ngudzu.

Jeremiya 16:15

“Gambe va na ganela, khavo: Pfhumu Nungungulu a ngu vbanya, Uye a nga wuyisa sanana sa Israyeli khu tigoni ga Wuronga ni ga mayigoni gwatshavbo a nga bani a va phalalegisede umo; kholu nyi na va wuyisa ga litigo nyi nga ningago vababe vawe.”

Jeremiya 23:5

Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Jeremiya 27:11

“Aholu litigo li na gu dzumelago gu khoza ga mufumeli wa Bhabhiloni ni gu mu thumela, nyi na li diga li khala tigoni gwawe, a ngu ganela Pfhumu Nungungulu, li na dzi limela ni gu dzi vbahela dzindranga.”

Jeremiya 27:22

“Si na dzegwa si yiswa Bhabhiloni, si naya khala iyo kala litshigu Eni nyi na guya si dzegago, a ngu ganela Pfhumu Nungungulu; khavbo avbo, nyi naya si dzega nyi si wuyisa wulanga wowu.”

Jeremiya 29:10

Pfhumu Nungungulu a ngu ganela kharati, khuye: Avbo gu na tadzisegago myaga nya livbandre na mavili magumi, na mu fumedwe khu Vabhabhiloni, Eni nyi nata mi holelani gasi nyita gira gidzumeledzwano nyi giridego nanu, ni gu mi wuyisa nyaluphye wulanga wowu.

Jeremiya 29:14

Pfhumu Nungungulu a ngu ganela kharati, khuye: Nyi na dzi wonegisa vbakari gwanu nyi wuyisa dzikhumbi dzatshavbo ni vatshavbo va phalalegidego mayigoni ni malangani gwatshavbo nyi mi yisidego, a ngu ganela Pfhumu Nungungulu, nyi bwelo khavbo nyi mi wuyisa ga wulanga nyi mi khusidego khavbo mu ya wugumbitunu.

Jeremiya 3:18

Khu matshigu yoyo, Vajudha ni va na Israyeli, va na gimbila gumogo, na va guta khu tigoni ga Wuronga gasi gu hongola ga litigo nyi ningidego vababe vawe gu khala thomba yawe.

Jeremiya 30:10

Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Jeremiya 30:18

Pfhumu Nungungulu a ngu ganela kharati, khuye: “Nyi na wusedza mitshatsha ya na Jakobe, ni gu pwela wusiwana dzindranga dzawe; lidhoropa li na vbahedzwa vbatshani nya marumbi yaye ni nyumba nya mufumo yi na vbahedzwa gu fanana ni idzo yi nga bani yi romo khidzo khu gale.

Jeremiya 30:4

Khayo aya magana Pfhumu Nungungulu a ma ganedego mayelano khu Israyeli ni Judha:

Jeremiya 31:16

Pfhumu Nungungulu a ngu ganela kharati, khuye: Bavbula marongo u diga gu lila! Kholu gutshanisekani gwago u na mana tshatshazelo; a ngu ganela Pfhumu Nungungulu, sanana sago si na wuya khu tigoni ga valala vago.

Jeremiya 31:23

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “La gu vboha litshigu nyi na kategisago litigo la Judha gumogo ni madhoropa yaye, avo va na ganela gambe magana yaya, khavo: Pfhumu Nungungulu a na gu kategise, uwe ndranga nya gululame, uwe gigomo nya gukatege!”

Jeremiya 31:27

Pfhumu Nungungulu a ngu ganela kharati, khuye: “Wonani, ma na vboha matshigu nyi na gu yalago ndrangani ga Israyeli ni ga Judha mbewu nya vathu ni mbewu nya sirengo.”

Jeremiya 31:31

Pfhumu Nungungulu a ngu ganela kharati, khuye: “Wonani, ma nguta matshigu, nyi na tiyisago gidzumeledzwano nya giphya ni ndranga ya Israyeli ni ya Judha. ”

Jeremiya 31:38

Pfhumu Nungungulu a ngu ganela, khuye: Wonani, ma nguta matshigu, lidhoropa leli li na vbahedzwago nyaluphye, li vbahedwa Pfhumu Nungungulu, gukhugela Likhokhola la Hananeli kala Nyangwa nya Gutshangane.

Jeremiya 32:37

Wonani nya gukhenu nyi na va tombanisa va wuya khu mayigoni gwatshavbo nyi va phalalegisedego umo khu kotani nya likhulo langu, likhulo ni giviti gyatshavbo; nyi na va wuyisa wulangani wowu vata vbanya khu gurula ni gukhadzisega.

Jeremiya 32:44

Mu na renga marembwe khu dzitsapawu, mu lova malangalila nya gu renge khayo mu rana dzifakazi mu ta sayina tigoni momu ga Bhejami ni bambe ga Jerusalema, ni madhoropani ga na Judha, ni ya musigomoni, ni ya mikovani ni madhoropani ga Marandzi; kholu nyi na va wuyisa khu wugumbitunu vata khala tigoni gwawe; a ngu ganela Pfhumu Nungungulu.

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Jeremiya 51:60

Jeremiya a di lova libhukuni nya gukari dzimhango dzatshavbo dzi nga bani dzi gu vbweta gu dugelela tigoni ga Bhabhiloni, gumogo gambe ni simbe si nga vbweta gu wonega.

Ezekiyeli 20:42

Enu mu na nyiti gukhenu eni kheni Pfhumu Nungungulu, gikhati nyi na va wuyisago tigoni ga Israyeli, litigo nyi sambanyidego, na nyi khusedzide mandza, gu ninga vababe vanu.

Ezekiyeli 34:13

Nyi na dzi dusa khu ga mambe mayigo nyi dzi tombanisa, nyi dzi wuyisa tigoni gwawe nya mavelego. Nyi nata dzi havisa sigomoni sa Israyeli, vbafuvbi ni mitsongo ni malangani yatshavbo ya tigoni gu khadwago khu vathu.

Ezekiyeli 36:24

Kholu nyi na mi dusani vbakari ga va nya mayigo, nyi mi tombanisa khu mayigoni gwatshavbo, nyi mi wuyisa tigoni gwanu nya mavelego.

Ezekiyeli 47:14

Enu mu na kabanelana thomba nya gufanane, ga moyo kha nga ga mumbe; kholu, nyi sambanyide na nyi khusedzide mandza, gu li ningela ga vababe vanu; khidzo kharato litigo leli li na thegelago mandzani gwanu kha nga thomba.

Joyele 3:1

Dzitini gukhenu khu matshigu yoyo ni gikhati gyogyo, avbo nyi na wuyisago Judha ni Jerusalema khu wugumbitunu,

Sofoniya 2:7

Mitshaledwa nya lihundzu la Judha yi na ta bela yi dzega litigo leli. Va na havisela umo mitshambi yawe, wutshiguwule va na lala mudzinyumbani ga Asikaloni. Kholu Pfhumu Nungungulu wawe, a na va endrela nyaluphye, a wuyisa vale va nga bani vari wugumbini.

Sofoniya 3:20

Khu gikhati gyogyo, avbo nyi na gu bani nyi mi tshanganiside nyaluphye, nyi na mi thangela mbeli, nyi mi ningani lina nya wudhumo vbakari ga mafumbu yatshavbo ya tigoni, avbo nyi na gu wuyisago dzikhumbi dzanu dzatshavbo dzi nga bani dzi vbagedwe na mu gu dzi wona khu maho yanu, a ngu ganela Pfhumu Nungungulu.

Luka 17:22

Khavbo avbo, a di embela vapizane vaye, khuye: “Gi na vboha gikhati mu no vbwetago gu wona limwedo basi nya matshigu la Mwamana wa Muthu, gambe kha mu na li wona.

Luka 19:43

Ma na vboha matshigu u na gu randredwago khu valala vago, va gu randrela khu maphuvbo yatshavbo.

Luka 21:6

“Li nguta litshigu si na pfhungumudwago satshavbo sesi mu si wonago, nyamba tshala ni giwindri gimwegyo vbatshani nya giwindri gikwawe.”

Dhewuteronome 30:3

khavbo, Pfhumu Nungungulu wago, a na gu wuyisago khu wugumbitunu, a gu pwela gisiro, a gu tombanisa nyaluphye khu ga mayigo ayo a nga bani a gu phalalegisede umo Pfhumu Nungungulu wago.

Dhewuteronome 30:5

Pfhumu Nungungulu wago, a na gu wuyisa ga litigo li nga fumedwago khu vababe vago, u ta li fumela. Uye a na gu kategisa gwadi a gu andrisa ngudzu mu tala guvbindra vababe vago.

Vahebheru 8:8

Kholu, Nungungulu, na wonide gukhuye vathu vaye va na ni nandru, a di ganela, khuye: “Wonani, ma ngu vboha matshigu, nyi na gu girago gidzumeledzwano nya giphya ni vathu va na Israyeli, ni vathu va Judha.