Jeremiya 30:21 - Bhibhiliya Nya Guage

²¹ Moyo wawe a na khala muthangeli, vbakari gwawe a na duga mufumeli, nyi na mu ranisa, uye a na hidzimela vbafuvbi gwangu; kholu khu mani a na tiyelago gu vboha vbafuvbi gwangu? A ngu ganela Pfhumu Nungungulu

Jeremiya 30:21 Iomraidhean Croise

Genesi 18:27

Aholu, Abrahama a di engedza gambe gu lomba, khuye: “Nyi na tiya gu ganela ni Pfhumu yangu, eni nyi gu si wa gilo, nyi gu kudzudzwane ni nguma basi.

Genesi 18:30

Abrahama a di engedza a ganela gambe, khuye: “Pfhumu yangu, u nga gorogi nya gu engedza gambe gu lomba; ahati ga guya manega basi magumararu vathu nya gululame?” Pfhumu a di hakha, khuye: “Kha nyi na li mbembisa nya guya mana avo nya magumararu vathu.”

Genesi 18:32

Abrahama a di ganela gambe, khuye: “Pfhumu yangu, u na nyi divalela, nyi na ganela gambe gumogo basi: Ahati wa guya mana likhumi vathu nya gululame?” Pfhumu a di hakha, khuye: “Kha nyi na mbembisa lidhoropa khu kotani nya avo nya likhumi.”

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

2 Samuweli 7:13

Uye a na vbaha nyumba yi na gu lumbago lina langu, Eni nyi na tiyisa gikhalo nya wufumu waye kala gupindruga.

Ezira 2:2

Avo va nga wuyago ni Zorobhabheli khava: Khu Jesuwa, Nehemiya, Seraya, Reyelaya, Moridhekayi, Bhilisani, Misipari, Bhigivhayi, Rewumi ni Bhahana. Tengo nya vama va na Israyeli wu diri owu:

Nehemiya 7:2

Nyi di vega ndriyangu Hanani, ni Hananiya, muthangeli nya likhokhola, gasi gu khala vakheviseli va Jerusalema; kholu Hananiya a diri mwama a tumbegidego guvbindra vathu vatshavbo, nari ni githawo ni Nungungulu;

Dzindzimo 65:4

Kategide muthu u mu hathago a hidzimela vbafuvbi gwago, gasi guta vbanya nyumbani gwago, ethu nethu hi ngu nengela khu esi nya sadi sa Nyumbani gwago nya guage.

Dzindzimo 89:29

Lihundzu lawe li na simama kala gupindruga, mufumo waye wu tiya kha nga ndzadzini.

Ekisodha 3:5

Nungungulu a di engedza, khuye: “U nga hidzimeli avba. Tshula silato migondroni gwago, kholu wulanga u gandrago litigo li agidego.”

Isaya 63:1

Khu mani muthu yoyu atago khu dhoropani ga Bhozira, tsindza wa Edhomi, na ambade dzingandzu nya gufuvile? Oyu a ambadego dzingandzu nya wuzundzo a gimbilago na tade khu tshivba yaye nya yikhongolo? Kheni oyu nyi ganelago khu gululama, na nyiri ni tshivba nya guvbanyise.

Jeremiya 30:9

“Va na thumela Eni Pfhumu Nungungulu wawe, va thumela gambe Dhavhidhe, mufumeli wawe, uye nyi na gu mu hathago vbakari gwawe.”

Jeremiya 33:15

Khu matshigu yoyo ni ga gikhati gyogyo, nyi na bugisa khu ga Dhavhidhe; pfhundre nya wululamo; uye a na lamula litigo khu gululama ni lisine.

Jeremiya 49:19

Wonani nya gukhenu nyi nata kha nga nghala, yi dugago khu sipoponi sa Joridhani yi relela panini nya mahawo nya gunyuge; kholu, khu githugedza nyi na mu phalalegisa tigoni gwaye; khu wevbini uye nyi mu hathidego, nyi mu emisidego ga isoso? Khu mani a fananago ni Eni? Khu mani a na gu nyi wudzisago? Khu mani muhavisi a na tiyelago gu dwana ni Eni?

Jeremiya 50:44

Wonani nya gukhenu a nata kha nga nghala yi dugelago sipoponi sa Joridhani, yi bela wuhaviseloni nya mwasi nya gunyuge. Khidzo kharato, nyi na va phalalegisa tigoni momu, nyi vega uye nyi mu golago; kholu, gasi khu mani a fananago ni Eni? Gambe khu mani a yelago gu nyi wudzisa iso nyi girago? Khu mani a gu muhavisi a dzi kodzago gu dwana ni Eni?

Ezekiyeli 37:24

Githumi gyangu Dhavhidhe a na khala mufumeli wawe, vatshavbo va na landrela muhavisi moyo basi, va na landrisa milayo yangu, va na vegedza sileletelo sangu ni gu si landrisa.

Mitengo 16:40

si gira gialakanyiso ga va na Israyeli gasi gu si manegi ni moyo wa vbavbandze nya lihundzu la Aroni a hidzimelago aya ningela libani mbeli ga Pfhumu Nungungulu, gu nga girega kha nga esi si dugeledego Kore gumogo ni tsawa waye, gukhwatshi khu edzi Pfhumu Nungungulu a leletedego khu ga Mosi.

Mitengo 16:5

A di ganela ga Kore gumogo ni tsawa waye, khuye: “Mindru, gu ngari dzimindru, Pfhumu Nungungulu a na va yeyedza avo va gu vaye, ni gu khu mani a agidego a na gu mu hidzimisa avbo gwaye; khu guralo, wule a na gu mu hathago a na mu vbohisa avbo gwaye.

Matewu 2:2

Va di ya wudzisa, khavo: “Mufumeli wa Vajudha a ngarigu gu velegwa, a gu manegela hayi? Hi wonide nyeledzi yaye khu Khugadambo, hi dzude gasi guta mu khozela.”

Matewu 27:37

Vbagihambanotunu khu vbatshani nya hungo waye va di vega milowo yi nga bani yi tshamusela givangelo nya lufu laye. Yi di gu khiyo. “OYU KHU JESU, MUFUMELI WA VAJUDHA.”

Matewu 3:17

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Luka 24:26

Gasi Kristo a di si emeli gu saniseka, afela gu bela wudhumoni gwaye, gani?”

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

Varoma 8:34

Khu mani a na va ningago nandru? Khu Jesu Kristo, a gu uye a ngafago a wuga, a khadego khu nyamudye ga Nungungulu a lombelela khu ethu, gani?

Dhewuteronome 17:15

U na dzi emisela mufumeli wule Pfhumu Nungungulu wago, a na gu mu hathago; gambe oyu u na mu hathago gu khala mufumeli wanu guvbwetega nari wa na gyanu, u nga tshuki u vega muthu wa vbavbandze.

Dhewuteronome 18:18

Nyi na va wusela muprofeti vbakari ga vandriyawe, nya gufanane ni uwe, kanani gwaye nyi na thela magana yangu, uye a na va embela satshavbo nyi na gu mu rumago.

Dhewuteronome 33:5

Gu manegide mufumeli wa Jesurumi, avbo va nga tshanganago vathangeli nya mahundzu ya Israyeli.

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.

1 Johane 2:2

Kholu, Jesu Kristo a dzi ningede a songwa a gu khala mhamba gasi sighoho sathu si gu tsetseledwa, nasiri esi sathu basi, aholu ni sa vathu vatshavbo.

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”