Jeremiya 30:2 - Bhibhiliya Nya Guage

² Pfhumu Nungungulu wa Israyeli, a ngu ganela kharati, khuye: Lova libhukuni magana yatshavbo yaya nyi gu embedego.

Jeremiya 30:2 Iomraidhean Croise

Ekisodha 17:14

Khavbo avbo, Pfhumu Nungungulu a di embela Mosi, khuye: “Lova silo sesi libhukuni, gu khala gialakanyiso gi sayiswago, u embela gambe Josuwa, khuwe: Eni nyi na gira gu Amaleki a fuva a si alakanwi gambe vbavbatshi nya lidambo.”

Isaya 30:8

Khu guralo, olu dzega lipulango u lova mahungu yaya na va gu gu wona, ma love gambe libhukuni nya gukari; gasi ma kodza gu khala wufakazi kala gupindruga.

Isaya 8:1

Pfhumu Nungungulu a di nyi embela, khuye: “Dzega gileti nya gikhongolo u lova khu malovelo nya guwonege, khuwe: Vbiredzela-Guphanga-Vbiredzela-Gusasela.”

Jeremiya 25:13

Nyi na tadzisa tigoni mule magana yangu yatshavbo nyi ma ganedego khu kotani nya litigo leli ni satshavbo si lovidwego libhukuni momu, iso si nga profetwago khu Jeremiya khu mahungu nya mayigo yaya.

Jeremiya 30:1

Magana ma nga ta khu ga Pfhumu Nungungulu ga Jeremiya a mu embela, khuye:

Jeremiya 36:28

“Dzega limbe libhuku u lova gambe momo magana yatshavbo ma nga bani ma lovidwe ga libhuku li vbisidwego khu Jowakimi, mufumeli wa Judha.”

Jeremiya 36:32

Jeremiya a di dzega limbe libhuku a li ningela ga mulovi Bharuki, mwamana wa Neriya, Jeremiya a di mu embeledzela gambe magana yatshavbo ma nga bani ma lovidwe libhukuni nya guhegule eli li nga vbiswago khu Jowakimi, mufumeli wa Judha. Ma engedzedwa gambe mambe mahungu nya gutale ma fananago naya nya guhegule.

Dhaniyeli 12:4

Aholu uwe Dhaniyeli sega mahungu yaya u ma lema libhukuni kala gikhati nya mahegiso. Nya vangi va na dzundrulugela eno ni eno, va vbweta guti nya guete.

Varoma 15:4

Kholu satshavbo si guromo omu nya Milowo nya Guage si lovedwe gu khala gihevbudzo gwathu, gasi hi mane gutumba khu kotani nya gutimisele hi gu manago umo nya Milowo nya Guage.

1 Vakorinto 10:11

Satshavbo sesi si manegide gwawe gasi gu khala giwonegiso, gambe si lovidwe gasi si khale gitiviso ga ethu hi vbanyago ga matshigu yaya nya guhegise.

Dhewuteronome 31:19

Olu, nyi ngu mi lovelani ndzimo yeyi; yi hevbudzeni ga va na Israyeli, yi vegeni kanani gwawe, gasi ndzimo yeyi yi khale kha nga fakazi yangu vbakari ga va na Israyeli.

2 Pedro 1:21

Kholu, ma mwalo magana nya vaprofeti ma nga lowago khu gudzina nya muthu, aholu, vathu va di kutsedzedwa khu Liphuvbo nya Guage, va ganela Mahungu nya gute khu ga Nungungulu.

Gutuledwa 1:11

na li gu, khilo: “Iso u si wonago, si love libhukuni, u li rumela ga livbandre na mavili mabandla ya Aziya a gu aya: Efeso, Esmirina, Pergamo Tiyatira, Sardhesi, Filadhelifiya ni Lawodhikeya.”

Gutuledwa 1:19

Khu kharato, lova iso u nga si wona: Iso si guromo olu, niso si na gu giregago hwane nya esi.