Jeremiya 30:19 - Bhibhiliya Nya Guage

¹⁹ Gu na pwala dzindzimo nya gubonge ni mikulungwane nya gutsake; nyi na va gira va velegela va tala, gima kha va na nga vbungudwa gambe; nyi na va ninga wuzundzo, gima kha va na nga theswa gambe vbavbatshi.

Jeremiya 30:19 Iomraidhean Croise

Ezira 6:22

Va di gira buzo nya Sibaba nyambana Mela livbandre na mavili matshigu na va tsakide, kholu Pfhumu Nungungulu a di va nengedziside, khulo a nga vbindrugedzisa mapimo ya mufumeli wa Asiriya a tiyisa mandza yawe gasi va phara thumo nya guvbahe Nyumba ya Pfhumu Nungungulu wa na Israyeli.

Nehemiya 8:12

Vathu vatshavbo va di hongola magaya gwawe, vaya hodza ni gusela va nengela ngudzu va rumela iso va nga si tshiyago ga vambe, kholu va di manide tshamuselo nya magana va nga embedwego.

Nehemiya 8:17

Tshangano watshavbo nya avo va nga wuyago khu wugumbitunu va di gira mitshatsha va khala umo; kholu va na Israyeli gukhugela matshiguni ya Jesuwa, mwamana wa Numi, kala litshigu lile, va di si gu giri isoso; khu guralo, gu di manega gutsaka nya gukhongolo ngudzu.

Dzindzimo 53:6

Nari gupwani khu Siyoni gu ngu duga guvbanyiswa ga Israyeli! Gikhati Nungungulu a na wuyisago makategwa ya vathu vaye, va na Jakobe va na womba mikulungwane, ni Israyeli a na nengela ngudzu.

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 26:15

Gambe, uwe Pfhumu Nungungulu, u engedzede vathu vava, u va engedzede va tala va gu ambagiside wudhumo, u andriside mivbingano nya litigo lawe latshavbo.

Isaya 27:6

Ma nguta matshigu, avbo Jakobe a na bugago mikhamba, Israyeli a nyuga a thela wenge, a tadza tigoni gwatshavbo khu mihandro.

Isaya 35:10

Avo va na tshudziswago khu Pfhumu Nungungulu, va na bwelela va wuya Siyoni, na va gu kulungela khu gutsaka; Va na fenengedzwa mihungoni gwawe, khu litsako nyamba vbela. Va na taledwa khu gutsaka ni gunengela; gulila ni wuvi si na bani si vbindride gwawe.

Isaya 51:11

Gu na gira kharato ga vale va tshudzisidwego khu Nungungulu, va na wuya Siyoni na va gu womba mikulungwane, gutsaka gu si hegisigo gu na wonega dzikhovbeni gwawe, gunengela ni litsako si na manega vbakari gwawe, gima kha va na ngapwa gambe guvbisa ni gudilela.

Isaya 51:3

Kholu Pfhumu Nungungulu a na tangadzisa Siyoni, ni gupwa gisiro khu malanga yatshavbo ma khadego marumbi; giwula gyaye, a na gi gira gi fanana ni Edheni, marumbi yaye ma fanana ni lithembwe la Pfhumu Nungungulu. Umomo gu na manega litsako ni gughiya, gu na manega gubonga ni dzindzimo nya sizimba.

Isaya 52:9

Ghiyani mu embelela gumogo, enu marumbi ya Jerusalema; kholu Pfhumu Nungungulu tangadziside vathu vaye, a tshudzisa Jerusalema.

Isaya 55:5

Wona nya gukhuwe u na rana litigo u si litigo, ni litigo li si gutigo li nata vbafuvbi gwago, khu kotani nya lihaladzo la Pfhumu Nungungulu wago, ni la Nya guage wa Israyeli, kholu uye a gu ningide wudhumo.

Isaya 60:19

Lidambo kha li na khala gambe wenengedzo wago wa vbamihanitunu, ambari gu wengwa khu ngima, kholu Pfhumu Nungungulu a na bani ari uye wenengedzo wago kala gupindruga, Nungungulu wago a na bani ari uye wudhumo wago.

Isaya 60:22

Lipango nya lidugwana, li na andra kala likhumi mazana (1.000), ni eli nya ligwana ngudzu, li na khala litigo nya tshivba. Eni kheni Pfhumu Nungungulu; khu gikhati givbwetegago nyi na gira satshavbo sesi si tadzisega khu guvbiredza.

Isaya 60:9

Khu lisine, mayigo ya sidwani ma na nyi lirela; guhegula ma nata mataro ya Tarisisi, ma resa sanana sago khu hwindzo, avo va na resa gumogo parata ni ndralama, nya guphasele lina la Pfhumu Nungungulu wago, ni Oyu nya Gukatege wa Israyeli, kholu uye a gu khusedzide.

Jeremiya 17:26

Va nata khu madhoropani ya Judha, khu wubambe wa Jerusalema, khu mayigwana ya Bhejami, khu mapanini, khu musigomoni ni Marandzi, va resa miphaso nya guvbiswe, miningelo nya wuguvbi ni libani, ni miningelo nya gubonge, Nyumbani ga Pfhumu Nungungulu.

Jeremiya 3:16

Pfhumu Nungungulu a ngu ganela, khuye: Mwa gu velegelana mu andra mu tadza litigo, khu matshigu yoyo, vathu kha va na nga ganela gambe khu Ngasa nya Gidzumeledzwano gya Pfhumu Nungungulu! Ambari gu yi dilela mwendro gu yi alakanya; kha va na khathala gambe khiyo mwendro gu gira yimbe.

Jeremiya 31:27

Pfhumu Nungungulu a ngu ganela kharati, khuye: “Wonani, ma na vboha matshigu nyi na gu yalago ndrangani ga Israyeli ni ga Judha mbewu nya vathu ni mbewu nya sirengo.”

Jeremiya 31:4

Eni nyi na gu vbahedza nyaluphye, uwe likendzi la Israyeli! U na wusedzwa! U bwelo khavbo u mburisedwa khu dzingoma dzago, u duga ni dzindzimo u ya hana ni avo va tsakago.

Jeremiya 33:22

Livelego la githumi gyangu Dhavhidhe, ni la va na Levhi va nyi thumelago, nyi na va gira va tala kha nga dzinyeledzi dza ndzadzini, ni fungo wa phwani nyamba pimwa.

Ezekiyeli 36:37

Mune Pfhumu Nungungulu, a ngu ganela kharati, khuye: Ambari khu esi, nyi nga na gu dzumedzisa gukheni va na Israyeli, va na gire nombelo, va nyi lomba gukhavo nyi va phase, nyi andrisa vathu vawe kha nga tshambi nya dzinvuta.

Ezekiyeli 37:10

Nyi di furugedza kha nga edzi uye a nyi rumidego khidzo, liphuvbo li di bela gwawe, sirumbi si di vbanya si khuga si ema, a diri libutho nya likhongolo!

Ezekiyeli 37:26

Nyi na hunga navo gidzumeledzwano nya pwanano; gi na bani giri gidzumeledzwano nya gupindruge. Nyi na va tiyisa ni gu va andrisa, nyi na vega nyumba yangu nya miphaso vbakari gwawe, kala gupindruga

Zakariya 10:8

Nyi na womba ndrodzi nyi va tshanganisa nyaluphye, kholu nyi va dzegiside; va na wuya gambe va tala kha idzo va nga bani varomo khidzo guhegulani.

Zakariya 12:8

Khu litshigu lolo, Pfhumu Nungungulu a na vhikela vathu va vbanyago Jerusalema, khu litshigu lolo, oyu nya gusolege vbakari gwawe, a na fanana ni mufumeli Dhavhidhe, gambe nyumba ya Dhavhidhe yi na wonega kha nga Nungungulu, kha nga ngilozi ya Pfhumu Nungungulu yi thangidego mbeli gwawe.

Zakariya 2:4

yi ya yi embela, khiyo: “Tutuma u ya embela lidzaha lile, khuwe: Jerusalema gu na khala kha nga mitalala nyambana mabhiyo khu kotani nya talo nya vathu vaye ni sifuyo saye nya singi.

Zakariya 8:19

Pfhumu Nungungulu nya Tshivba Yatshavbo a ngu ganela kharati, khuye: “Guhala nya ngima nya wu na mwendro nya livbandre, nya livbandre na mivili ni owu nya likhumi, gu na vbindrugedza gu khala matshigu nya gutale khu gunengela, buzo nya gutsake ga vathu va Judha. Khu guralo golani lisine ni gurula.”

Johane 17:22

Nyi va ningide gidhumo gile u nga nyi ningago, gasi va khale moyo kha nga ethu hi gu moyo.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.